ನಿರ್ದೇಶಕ ನೆಲ್ಸನ್ ಡ್ರೀಮ್‌ ಪ್ರಾಜೆಕ್ಟ್‌ನಲ್ಲಿ ತಲೈವಾ-ದಳಪತಿ...ಒಂದೇ ಸಿನಿಮಾದಲ್ಲಿ ರಜನಿಕಾಂತ್-ವಿಜಯ್!

Director Nelson : ನಿರ್ದೇಶಕ ನೆಲ್ಸನ್‌ ಸದ್ಯ ಜೈಲರ್‌ ಸಿನಿಮಾ ಯಶಸ್ಸಿನ ಸಂಭ್ರಮದಲ್ಲಿದ್ದಾರೆ. ಚಿತ್ರದಲ್ಲಿನ ಸಣ್ಣ ಪಾತ್ರವನ್ನು ಪ್ರೇಕ್ಷಕರು ಎಂಜಾಯ್‌ ಮಾಡುತ್ತಿದ್ದಾರೆ. ಒಬ್ಬ ನಿರ್ದೇಶಕನಿಗೆ ಇದಕ್ಕಿಂತ ದೊಡ್ಡ ಸಕ್ಸಸ್‌ ಇನ್ನೊಂದಿಲ್ಲ. ಈ ಜೈಲರ್‌ ಸಿನಿಮಾ ಬಿಡುಗಡೆಯಾದ ಮೊದಲ ದಿನವೇ 70 ಕೋಟಿ ಕಲೆಕ್ಷನ್‌ ಮಾಡಿ ದೊಡ್ಡ ದಾಖಲೆ ಸೃಷ್ಟಿಸಿತ್ತು. ಇದೀಗ ಸಿನಿಮಾ 300 ಕೋಟಿ ಕಲೆಕ್ಷನ್‌ ಸಿನಿಮಾಗಳ ಪಟ್ಟಿಗೆ ಸೇರಿದೆ. 

ಸದ್ಯ ಅಭಿಮಾನಿಗಳು ಇನ್ನು 'ಜೈಲರ್' ಹ್ಯಾಂಗೋವರ್‌ನಲ್ಲಿದ್ದಾರೆ. ಹೀಗಿರುವಾಗಲೇ ನಿರ್ದೇಶಕ ನೆಲ್ಸನ್‌ ದಿಲೀಪ್‌ಕುಮಾರ್ ಮತ್ತೊಂದು ಗುಡ್‌ ನ್ಯೂಸ್‌ ನೀಡಿದ್ದಾರೆ. ಜೈಲರ್‌ ಸಕ್ಸಸ್‌ ಸಂಭ್ರಮದಲ್ಲಿ ಪಾರ್ಟ್‌ 2 ಮಾಡುವುದಾಗಿ ಘೋಷಣೆ ಮಾಡಿದ್ದಾರೆ. 

ಇದನ್ನೂ ಓದಿ- ‘ಯಶಸ್ಸು, ಆಯಸ್ಸು ನಿನ್ನ ಪಾಲಿಗಿರಲಿ’..; ರಾಘಣ್ಣನ ಹುಟ್ಟುಹಬ್ಬಕ್ಕೆ ಶಿವಣ್ಣನ ಭಾವುಕ ಶುಭಾಶಯ

ಹೌದು ಈ ಬಾರಿ ನಿರ್ದೇಶಕ ನೆಲ್ಸನ್‌ ಹಿಂದೆಂದೂ ನೋಡಿರದ ಢಬಲ್‌ ಧಮಾಕಾ ಸ್ಟಾರ್‌ ಕಾಂಬಿನೇಷನ್‌ನಲ್ಲಿ ಸಿನಿಮಾ ಮಾಡಲಿದ್ದಾರೆ. ಇದೇ ಅವರ ಡ್ರೀಮ್‌ ಪ್ರಾಜೆಕ್ಟ್‌ ಎಂದು ಹೇಳಿಕೊಂಡಿದ್ದಾರೆ. ಜೈಲರ್‌ ಸಿನಿಮಾದಲ್ಲಿ ದೊಡ್ಡ ತಾರಾಬಳಗವೇ ಇದೆ. ಇದೇ ಈ ಸಿನಿಮಾದ ಹೈಲೈಟ್‌. 

ಜೈಲರ್‌ ನಿರ್ದೇಶಕ ಪಾರ್ಟ್‌ 2 ನಲ್ಲಿಯೂ ಇಂತದ್ದೇ ದೊಡ್ಡ ತಾರಾಗಣಗನವನ್ನು ತೆರೆಮೇಲೆ ತರಬಹುದು ಎನ್ನುವ ನಿರೀಕ್ಷೆ ಹೆಚ್ಚಾಗುತ್ತಿವೆ. ಇಷ್ಟೇ ಅಲ್ಲ ರಜನಿಕಾಂತ್‌ ಮತ್ತು ದಳಪತಿ ಇದೇ ಮೊದಲ ಬಾರಿಗೆ ಒಟ್ಟಿಗೆ ತೆರೆ ಹಂಚಿಕೊಳ್ಳುತ್ತಿದ್ದಾರೆ. ಸಹಜವಾಗಿ ಇದು ಕುತೂಹಲಹೆಚ್ಚಿಸುತ್ತದೆ.