ಬೇಬಿ ಸಿನಿಮಾ ನಿರ್ದೇಶಕರಿಗೆ ಬೆಂಜ್ ಕಾರನ್ನು ಉಡುಗೊರೆಯಾಗಿ ನೀಡಿದ ನಿರ್ಮಾಪಕ...! ಅದರ ಬೆಲೆ ಎಷ್ಟು ಗೊತ್ತಾ?

Baby Movie Director: ಈ ವರ್ಷ ಸಂಚಲನ ಮೂಡಿಸಿದ ಕಿರು ಚಿತ್ರ ಬೇಬಿ. ಸಾಯಿ ರಾಜೇಶ್ ನಿರ್ದೇಶನದ ಈ ಚಿತ್ರದಲ್ಲಿ ಆನಂದ್ ದೇವರಕೊಂಡ, ವಿರಾಜ್ ಮತ್ತು ವೈಷ್ಣವಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರ ಸುಮಾರು 100 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ಈ ಹಿನ್ನೆಲೆಯಲ್ಲಿ ನಿರ್ದೇಶಕ ಸಾಯಿ ರಾಜೇಶ್‌ಗೆ ನಿರ್ಮಾಪಕ ಎಸ್‌ಕೆಎನ್ ಕಾರು ಉಡುಗೊರೆಯಾಗಿ ನೀಡಿದ್ದಾರೆ. ಹಾಗಾದರೆ ಆ ಕಾರಿನ ಬೆಲೆ ಎಷ್ಟೀರಬಹುದು ಅಂತೀರಾ...ಇಲ್ಲಿದೆ ಉತ್ತರ. 

ಬೇಬಿ ಮೂವಿ ಜುಲೈ 14 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆಯನ್ನು ಪಡೆದುಕೊಂಡಿತ್ತು. ಅದರಲ್ಲೂ ಯುವಕರಿಗೆ  ಕನೆಕ್ಟ್ ಆಗೋ ಈ ಸಿನಿಮಾದಲ್ಲಿ ವಿಜಯ್ ಬಲ್ಗಾನಿನ್ ಅವರ ಸಂಗೀತವೇ ಹೈಲೈಟ್. 

ಇದನ್ನೂ ಓದಿ-ಬಲೂಚಿಸ್ತಾನದ ಮಸೀದಿ ಬಳಿ ಆತ್ಮಾಹುತಿ ಬಾಂಬ್ ಸ್ಫೋಟ: 52 ಜನ ಸಾವು, 50 ಮಂದಿಗೆ ಗಾಯ

ಬೇಬಿ ಸಿನಿಮಾವನ್ನು ಕಡಿಮೆ ಬಜೆಟ್‌ನಲ್ಲಿ ಖ್ಯಾತ ನಿರ್ಮಾಪಕ ಎಸ್‌ಕೆಎನ್ ನಿರ್ಮಿಸಿದ್ದು, ಬಿಡುಗಡೆಯಾದ ಮೊದಲ ದಿನವೇ ಈ ಚಿತ್ರ ಉತ್ತಮ ಟಾಕ್ ಪಡೆದುಕೊಂಡಿತ್ತು. ಜೊತೆಗೆ ಈ ಬೇಬಿ ಸಿನಿಮಾ ಬಾಕ್ಸ್ ಆಫೀಸ್ ನಲ್ಲಿ ಭರ್ಜರಿ ಸೌಂಡ್‌ ಮಾಡಿ, ವಿಶ್ವಾದ್ಯಂತ ರೂ.100 ಕೋಟಿಗೂ ಹೆಚ್ಚು ಗಳಿಕೆ ಮಾಡಿದೆ. ಅಲ್ಲದೇ ಚಿರಂಜೀವಿ, ಅಲ್ಲು ಅರ್ಜುನ್ ಮುಂತಾದ ಸ್ಟಾರ್ ಗಳ ಮೆಚ್ಚುಗೆಯನ್ನೂ ಈ ಸಿನಿಮಾ ಪಡೆದುಕೊಂಡಿದೆ. 

ಸೂಪರ್‌ ಹಿಟ್ ಸಿನಿಮಾಗಳನ್ನು ನೀಡಿರುವ ಭರವಸೆಯ ನಿರ್ದೇಶಕ ಸಾಯಿ ರಾಜೇಶ್ ಬೇಬಿ ಸಿನಿಮಾವನ್ನು ಅದ್ಬುತವಾಗಿ ನಿರ್ದೇಶಿಸಿದ್ದಾರೆ.  ಇದೀಗ ಈ ಸಿನಿಮಾದ ನಿರ್ಮಾಪಕ ಎಸ್ ಕೆಎನ್ ಅವರು ನಿರ್ದೇಶಕ ಸಾಯಿ ರಾಜೇಶ್ ಅವರಿಗೆ ಬೆಂಜ್ ಕಾರನ್ನು ಉಡುಗೊರೆಯಾಗಿ ನೀಡಿದ್ದಾರೆ.

ಈ ಉಡುಗೊರೆ ನೀಡಿದ ಕಾರಿನ ಕೀಯನ್ನು ಶೋ ರೂಂನಲ್ಲಿ ನಿರ್ದೇಶಕರಿಗೆ ನೀಡಲಾಯಿತು. ಸದ್ಯ ಈ ಫೋಟೋ ವೈರಲ್ ಆಗಿದ್ದು, ಆ ಕಾರಿನ ಬೆಲೆ ಎಷ್ಟೀರಬಹುದು ಎಂದು ನೆಟ್ಟಿಗರು ಕೇಳುತ್ತಿದ್ದಾರೆ. ಆ ಬೆಂಜ್ ಕಾರಿನ ಮೌಲ್ಯ ಸುಮಾರು 45 ಲಕ್ಷದಿಂದ ರೂ. 50 ಲಕ್ಷ ಆಗಿದೆ.