ಖ್ಯಾತ ನಿರ್ದೇಶಕರ ಮನೆಯಲ್ಲಿ ಕಳ್ಳತನ : 1 ಕೋಟಿ ಮೌಲ್ಯದ ಚಿನ್ನ, ವಜ್ರಾಭರಣ ದೋಚಿದ ಖದೀಮರು

ಕೊಚ್ಚಿ : ಖ್ಯಾತ ನಿರ್ದೇಶಕ ಜೋಶಿ ಮನೆಯಲ್ಲಿ ಕಳ್ಳತನವಾಗಿದೆ. ನಿನ್ನೆ ನಸುಕಿನ ಸಮಯ 1.30ರ ಸುಮಾರಿಗೆ ಕೊಚ್ಚಿಯ ಪನಂಪಲ್ಲಿ ನಗರದ 10 ಅಡ್ಡ ರಸ್ತೆಯ ಬಿ ಸ್ಟ್ರೀಟ್‌ನಲ್ಲಿರುವ ಅವರ ಮನೆ ಅಭಿಲಾಷಮ್‌ನಲ್ಲಿ ಕಳ್ಳತನ ನಡೆದಿದೆ. ಮನೆಯಲ್ಲಿದ್ದ ಸುಮಾರು ಒಂದು ಕೋಟಿ ಮೌಲ್ಯದ ಚಿನ್ನ ಮತ್ತು ವಜ್ರಗಳು ಕಳ್ಳತನವಾಗಿರುವುದಾಗಿ ವರದಿಯಾಗಿದೆ. ಮನೆಯಲ್ಲಿ ಅಳವಡಿಸಿದ್ದ ಸಿಸಿಟಿವಿಯಲ್ಲಿ ಕಳ್ಳತನದ ದೃಶ್ಯಗಳು ಸೆರೆಯಾಗಿವೆ. 

ಮನೆಯ ಹಿಂಬದಿಯ ಅಡುಗೆ ಮನೆ ಒಡೆದು ಕಳ್ಳರು ಮನೆಯೊಳಗೆ ನುಗ್ಗಿದ್ದಾನೆ. ಎರಡನೇ ಮಹಡಿಯ ಕೋಣೆಯನ್ನು ಪ್ರವೇಶಿಸಿದ್ದಾನೆ. ಕೊಠಡಿಯೊಂದರ ಸೇಫ್ ಲಾಕರ್ ಒಡೆದು 25 ಲಕ್ಷ ಮೌಲ್ಯದ ಹತ್ತು ವಜ್ರದ ಕಿವಿಯೋಲೆಗಳು, ಹತ್ತು ಉಂಗುರಗಳು, ಹತ್ತು ಚಿನ್ನದ ನೆಕ್ಲೇಸ್ ಗಳು, 10 ಬಳೆಗಳು, ಎರಡು ಚಿನ್ನದ ವ್ಯಾನ್ ಗಳು ಹಾಗೂ ಹತ್ತು ವಾಚ್ ಗಳನ್ನು ಕಳ್ಳತನ ಮಾಡಲಾಗಿದೆ. ಈ ವೇಳೆ ಜೋಶಿ ಅವರ ಪತ್ನಿ ಸಿಂಧು, ಸೊಸೆ ವರ್ಷಾ ಹಾಗೂ 3 ಮಕ್ಕಳು ಮನೆಯಲ್ಲಿದ್ದರು. 

ಇದನ್ನೂ ಓದಿ:ನೇಹಾ ಹತ್ಯೆ ಕುರಿತು ಮೌನ ಮುರಿದ ಡಿಬಾಸ್‌, ಶಿವಣ್ಣ..! ಹೇಳಿದ್ದೇನು ಗೊತ್ತೆ..?

ಜೋಶಿ ಅವರ ಪತ್ನಿ ಬೆಳಗ್ಗೆ 5.30ಕ್ಕೆ ಎದ್ದು ಅಡುಗೆ ಕೋಣೆಗೆ ಬಂದಾಗ ಕಳ್ಳತನ ನಡೆದಿರುವುದು ಗೊತ್ತಾಗಿದೆ. ಮನೆಯ ಕೆಲಸದಾಕೆ, ಕೊಂತುರುತಿ ಮೂಲದ ಕ್ಲಾನ್ಸಿ, ಕೆಲಸದಾಕೆಯ ಕೋಣೆಯಲ್ಲಿ ಮಲಗಿದ್ದಳು. ಸಿಸಿಟಿವಿ ದೃಶ್ಯಗಳಲ್ಲಿ, ಟೀ ಶರ್ಟ್, ಕ್ಯಾಪ್ ಮತ್ತು ಕಪ್ಪು ಶಾಲು ಧರಿಸಿದ 30 ರ ಹರೆಯದ ವ್ಯಕ್ತಿ ಕಿಟಕಿ ತೆರೆಯಲು ಪ್ರಯತ್ನಿಸುತ್ತಿರುವುದು ಕಂಡುಬಂದಿದೆ. ಪ್ರಕರಣದ ದಾಖಲಾಗಿದ್ದು, ತನಿಖೆ ನಡೆಯುತ್ತಿದೆ.