ಬಿಗ್‌ಬಾಸ್‌ ಮನೆಗೆ ಎಂಟ್ರಿ ಕೊಡಲಿದ್ದಾರೆ ಈ ಅಪರೂಪದ ಸ್ಫರ್ಧಿ..! ಹಿಂದೆಂದೂ ನೋಡಿರದ ಆ ವಿಶೇಷ ವ್ಯಕ್ತಿ ಯಾರು ಗೊತ್ತೇ?

Bigg Boss Seasons 18: ಬಿಗ್ ಬಾಸ್ ಹೊಸ ಸೀಸನ್ ಅಂದರೆ ಬಿಗ್ ಬಾಸ್ 18 ತುಂಬಾ ರೋಚಕವಾಗಿರಲಿದೆ. ಬಿಗ್ ಬಾಸ್ 18 ಅಕ್ಟೋಬರ್ 6ರಿಂದ ಪ್ರೀಮಿಯರ್ ಆಗುತ್ತಿದೆ. ಏತನ್ಮಧ್ಯೆ ಚಾನೆಲ್‌ನವರು ಕಾರ್ಯಕ್ರಮದ ಸ್ಪರ್ಧಿಗಳ ಮುಖಗಳನ್ನು ಬಹಿರಂಗಪಡಿಸಲು ಪ್ರಾರಂಭಿಸಿದರು. ಬಾಲಿವುಡ್‌ ನಟ ಸಲ್ಮಾನ್ ಖಾನ್ ಅವರೇ ಮತ್ತೊಮ್ಮೆ ಈ ಕಾರ್ಯಕ್ರಮವನ್ನು ನಡೆಸಿಕೊಡಲಿದ್ದಾರೆ. ಈ ಬಾರಿ 90ರ ದಶಕದ ಸಂವೇದನಾಶೀಲ ನಟಿ ಶಿಲ್ಪಾ ಶಿರೋಡ್ಕರ್‌ನಿಂದ ಶಹಜಾದಾ ಧಾಮಿಯವರೆಗೆ ಅನೇಕ ಪ್ರಸಿದ್ಧರು ಕಾರ್ಯಕ್ರಮಕ್ಕೆ ಎಂಟ್ರಿ ಆಗಲಿದ್ದಾರೆ. ಇದೇ ವೇಳೆ ಕಾರ್ಯಕ್ರಮದ ಪ್ರೋಮೋ ಬಿಡುಗಡೆಯಾಗಿದ್ದು, ಪ್ರೇಕ್ಷಕರಲ್ಲಿ ಅಚ್ಚರಿ ಮೂಡಿಸಿದೆ. ಈ ಪ್ರೋಮೋ ಹೊರಬಿದ್ದ ನಂತರ ಎಲ್ಲರೂ ಈ ಬಾರಿ ಬಿಗ್ ಬಾಸ್ ಮನೆಯಲ್ಲಿ ಸೆಲೆಬ್ರಿಟಿಗಳ ಜೊತೆ ಕತ್ತೆ ಕೂಡ ಇರಲಿದೆಯೇ? ಎಂದು ಕೇಳುತ್ತಿದ್ದಾರೆ. ಈ ಕತ್ತೆ ಇದೀಗ ಎಲ್ಲರ ಗಮನ ಸೆಳೆದಿದೆ.

ಬಿಗ್ ಬಾಸ್ 18ರ ವೇದಿಕೆಯಲ್ಲಿ ಕತ್ತೆ!

ವಾಸ್ತವವಾಗಿ ಬಿಗ್ ಬಾಸ್ 18ರ ಹೊಸ ಪ್ರೋಮೋವನ್ನು ಚಾನೆಲ್‌ನವರು ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಕತ್ತೆಯೊಂದು ವೇದಿಕೆ ಪ್ರವೇಶಿಸುತ್ತಿರುವುದನ್ನು ಕಾಣಬಹುದು. ಇದು ನಿಜವಾದ ಕತ್ತೆ, ಇದನ್ನು ವೇದಿಕೆಯಲ್ಲಿ ನೋಡಿದ ಜನರು ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. ಬಿಗ್ ಬಾಸ್ ಸೆಟ್‌ನಲ್ಲಿ ಕತ್ತೆಯನ್ನು ನೋಡಿದ ಅಭಿಮಾನಿಗಳು ಈ ಶೋನಲ್ಲಿ ಕತ್ತೆಯ ಪಾತ್ರ ಏನು? ಎಂದು ತಿಳಿಯಲು ತೀವ್ರ ಕಾತುರರಾಗಿದ್ದಾರೆ. ಮನೆಯವರು ಈ ಕತ್ತೆಯನ್ನು ನೋಡಿಕೊಳ್ಳಬೇಕು ಅಥವಾ ಈ ಕತ್ತೆಗೆ ಸಂಬಂಧಿಸಿದಂತೆ ಬಿಗ್ ಬಾಸ್‌ನ ಕೆಲವು ರಹಸ್ಯ ಮಿಷನ್ ಇದೆಯೇ ಎಂದು ಪ್ರಶ್ನಿಸುತ್ತಿದ್ದಾರೆ.

View this post on Instagram

A post shared by ColorsTV (@colorstv)

ಇದನ್ನೂ ಓದಿ: ಶೂಟಿಂಗ್‌ಗೆ ತೆರಳುತ್ತಿದ್ದ ಬಿಗ್ ಬಾಸ್ ಸ್ಪರ್ಧಿ ಕಾರು ಅಪಘಾತ..! ಸಂಪೂರ್ಣ ಜಖಂ.. ನಟಿಯ ಆರೋಗ್ಯ ಪರಿಸ್ಥಿತಿ..?

ಕತ್ತೆಯ ಹೆಸರು ಮ್ಯಾಕ್ಸ್ 

ಈ ಕತ್ತೆಯ ಬಗ್ಗೆ ಬಿಗ್ ಬಾಸ್ ಅಭಿಮಾನಿಗಳ ಸಂಘದಲ್ಲಿಯೂ ಜೋರು ಚರ್ಚೆಯಾಗಿದೆ. ಕಾರ್ಯಕ್ರಮದ ಪ್ರೋಮೋದಲ್ಲಿ ಕಾಣಿಸಿಕೊಂಡಿರುವ ಕತ್ತೆಯ ಹೆಸರು ಮ್ಯಾಕ್ಸ್ ಎಂದು ಅಭಿಮಾನಿಗಳ ಸಂಘದಿಂದ ಹೇಳಲಾಗಿದೆ. ಇದು ಈ ಸೀಸನ್‌ನ ಬಿಗ್‌ಬಾಸ್‌ ಸ್ಪರ್ಧಿ ವಕೀಲ ಗುಣರತ್ನ ಸದಾವರ್ತೆ ಅವರ ಮುದ್ದಿನದು. ಇನ್ನು ಬಿಗ್ ಬಾಸ್ ಮನೆಯಲ್ಲಿ ದೊಡ್ಡ ಸೆಲೆಬ್ರಿಟಿಗಳ ಜೊತೆಗೆ ಈ ಕತ್ತೆ ಕೂಡ ವಾಸ ಮಾಡಲಿದೆ ಎಂಬ ಮಾತು ಕೂಡ ಕೇಳಿ ಬರುತ್ತಿದೆ. ಆದಾಗ್ಯೂ ಮ್ಯಾಕ್ಸ್‌ನ ಈ ಸಾಕು ಕತ್ತೆಯ ಬಗ್ಗೆ ಚಾನೆಲ್‌ನವರು ಯಾವುದೇ ಅಧಿಕೃತ ಮಾಹಿತಿಯನ್ನು ನೀಡಿಲ್ಲ ಅಂದರೆ ಗುಣರತ್ನ ಸದಾವರ್ತೆ ಅಥವಾ ಈ ಕತ್ತೆ ಪ್ರದರ್ಶನದಲ್ಲಿ ಇರುತ್ತದೋ ಇಲ್ಲವೋ ಎಂದು ತಿಳಿಸಲಾಗಿಲ್ಲ.

ಕತ್ತೆಯನ್ನು ನೋಡಿದ ನೆಟಿಜನ್ಸ್‌ ಏನ್‌ ಹೇಳಿದ್ರು?

ಮತ್ತೊಂದೆಡೆ ಪ್ರೋಮೋದಲ್ಲಿ ಬಿಗ್ ಬಾಸ್ 18ರ ಮನೆಗೆ ಕತ್ತೆಯ ಪ್ರವೇಶವನ್ನು ನೋಡಿದ ನಂತರ ನೆಟಿಜನ್ಸ್‌ ಫನ್ನಿ ಫನ್ನಿಯಾಗಿ ಕಾಮೆಂಟ್ ಮಾಡುತ್ತಿದ್ದಾರೆ. ಬಿಗ್‌ಬಾಸ್‌ ವೇದಿಕೆಯಲ್ಲಿ ಕತ್ತೆಯನ್ನು ನೋಡಿದ ಅನೇಕರು ತಮಾಷೆಯ ಪ್ರತಿಕ್ರಿಯೆಗಳನ್ನು ನೀಡುತ್ತಿದ್ದಾರೆ. ಬಿಗ್ ಬಾಸ್ ಮನೆಯ ಸದಸ್ಯರೊಂದಿಗೆ ಕತ್ತೆಯನ್ನು ನೋಡುವುದು ಆಸಕ್ತಿದಾಯಕವಾಗಿರುತ್ತದೆ ಎಂದು ಕೆಲವರು ಹೇಳಿದರೆ, ಕೆಲವರು ವೇದಿಕೆಯಲ್ಲಿ ಕತ್ತೆಯನ್ನು ನೋಡಿದ ನಂತರ ಆತಂಕ ವ್ಯಕ್ತಪಡಿಸುತ್ತಿದ್ದಾರೆ. ಆದ್ರೆ ಈ ಕತ್ತೆ ಬಿಗ್ ಬಾಸ್ ಮನೆಯಲ್ಲಿ ಇರುತ್ತೋ ಇಲ್ಲವೋ ಅನ್ನೋದು ಸದ್ಯದಲ್ಲೇ ಗೊತ್ತಾಗಲಿದೆ.

ಇದನ್ನೂ ಓದಿ: ಬಿಗ್ ಬಾಸ್ ಮನೆಗೆ ಮದುವೆ ಮತ್ತು ದೈತ್ಯ ದೇಹದ ವಿಚಾರವಾಗಿ ಟ್ರೋಲ್‌ ಅಗಿದ್ದ ರವೀಂದರ್ ಎಂಟ್ರಿ..!  ಬಿಗ್‌ ಟ್ವೀಸ್ಟ್‌ ...