Tiger 3: ಸಲ್ಲು ಅಭಿಮಾನಿಗಳಿಗೆ ಮತ್ತೊಂದು ಸರ್ಪ್ರೈಸ್..! ಟೈಗರ್ 3 ನಿಂದ ಹೊಸ ಪ್ರೋಮೋ ಔಟ್‌

Tiger 3: ಬಾಲಿವುಡ್ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಮತ್ತು ಕತ್ರಿನಾ ಕೈಫ್ ಅಭಿನಯದ ಟೈಗರ್ 3. ಟೀಸರ್, ಟ್ರೇಲರ್ ಮತ್ತು ಇತ್ತೀಚೆಗೆ ಬಿಡುಗಡೆಯಾದ ಲೇಕೆ ಪ್ರಭು ಕಾ ನಾಮ್ ಹಾಡಿನೊಂದಿಗೆ ಚಿತ್ರದ ನಿರೀಕ್ಷೆಗಳು ಉತ್ತುಂಗಕ್ಕೇರಿವೆ. ಈ ಅನುಕ್ರಮದಲ್ಲಿ ನಿರ್ಮಾಣ ಸಂಸ್ಥೆ ಯಶ್ ರಾಜ್ ಫಿಲಂಸ್ ಪ್ರೇಕ್ಷಕರಿಗೆ ಅನಿರೀಕ್ಷಿತ ಸರ್ಪ್ರೈಸ್ ನೀಡಿದೆ. 

ಟೈಗರ್ ಈಸ್ ಬ್ಯಾಕ್ ಎಂಬ ಶೀರ್ಷಿಕೆಯ 50 ಸೆಕೆಂಡುಗಳ ವಿಡಿಯೋ ಪ್ರೋಮೋ ಬಿಡುಗಡೆಯಾಗಿದೆ. ಇದರಲ್ಲಿ ಟೈಗರ್ ಪಾತ್ರದಲ್ಲಿ ನಟಿಸುತ್ತಿರುವ ಸಲ್ಮಾನ್ ಖಾನ್ ದೇಶವನ್ನು ಶತ್ರುಗಳಿಂದ ವಿನಾಶದಿಂದ ರಕ್ಷಿಸಲು ಒನ್ ಮ್ಯಾನ್ ಆರ್ಮಿಯಂತೆ ಹೋರಾಡುತ್ತಿದ್ದಾರೆ.

ಇದನ್ನೂಓದಿ-BBK10: ಬಳೆ ತಂಟೆಗೆ ಹೋದ್ರೆ ಬರೆ ಬೀಳ್ದೇ ಇರುತ್ತಾ? ವಿನಯ್‌ಗೆ ನೀರಿಳಿಸಿದ ಕಿಚ್ಚ ಸುದೀಪ್‌!

 ಟೈಗರ್, ವಾರ್ ಮತ್ತು ಪಠಾಣ್ ನಂತರ ಯಶ್ ರಾಜ್ ಫಿಲ್ಮ್ಸ್ ಸ್ಪೈ ಯೂನಿವರ್ಸ್ ಭಾಗವಾಗಿ ಟೈಗರ್ 3 ಬಿಡುಗಡೆಯಾಗುತ್ತಿದೆ. ಇದರೊಂದಿಗೆ ವಿಶ್ವದಾದ್ಯಂತ ಸಿನಿಪ್ರೇಮಿಗಳು ಟೈಗರ್ 3 ಬಿಡುಗಡೆಗಾಗಿ ಕಾತರದಿಂದ ಕಾಯುತ್ತಿದ್ದಾರೆ. ಇದು ಈ ಬ್ಯಾನರ್‌ನಿಂದ 5 ನೇ ಸ್ಪೈ ಇಂಟರ್‌ಕನೆಕ್ಟ್ ಫ್ರ್ಯಾಂಚೈಸ್ ಆಗಿದೆ.

ಇದನ್ನೂಓದಿ-Rakshith Shetty: ಸಪ್ತ ಸಾಗರದಾಚೆ ಎಲ್ಲೋ- ಸೈಡ್ ಬಿ ಟ್ರೈಲರ್ ಔಟ್..!‌   

ಇತ್ತೀಚೆಗಷ್ಟೇ ಬಿಡುಗಡೆಯಾದ ಟೈಗರ್ ಈಸ್ ಬ್ಯಾಕ್ ಚಿತ್ರದ ಪ್ರೋಮೋ ನೋಡಿದರೆ ವಿಲನ್ ಆಗಿ ನಟಿಸಿರುವ ಇಮ್ರಾನ್ ಹಶ್ಮಿ ಭಾರತವನ್ನು ನಾಶ ಮಾಡುವುದಾಗಿ ಬೆದರಿಕೆ ಹಾಕುತ್ತಾರೆ.. ಅದಕ್ಕೆ ಟೈಗರ್ ರಿಯಾಕ್ಟ್ ಮಾಡಿದ್ದು ಹೇಗೆ.. ವಿಲನ್ ಗೆ ಯಾವ ರೀತಿಯ ಶಾಕ್ ಕೊಟ್ಟಿದ್ದಾರೆ ಎಂಬುದನ್ನು ಅದ್ಭುತ ಆ್ಯಕ್ಷನ್ ಸೀಕ್ವೆನ್ಸ್ ನೊಂದಿಗೆ ಪ್ರೋಮೋದಲ್ಲಿ ತೋರಿಸಲಾಗಿದೆ.

ಟೈಗರ್ 3 ನಲ್ಲಿ ಟೈಗರ್ ಆಗಿ ಸಲ್ಮಾನ್ ಖಾನ್ ಮತ್ತು ಜೋಯಾ ಪಾತ್ರದಲ್ಲಿ ಕತ್ರಿನಾ ಕೈಫ್ ನಟಿಸಿದ್ದಾರೆ. ಯಶ್ ರಾಜ್ ಫಿಲ್ಮ್ಸ್ ಬ್ಯಾನರ್ ಅಡಿಯಲ್ಲಿ ಆದಿತ್ಯ ಚೋಪ್ರಾ ನಿರ್ಮಿಸಿರುವ ಈ ಚಿತ್ರವನ್ನು ಮನೀಶ್ ಶರ್ಮಾ ನಿರ್ದೇಶಿಸಿದ್ದಾರೆ. ಈ ಚಿತ್ರವು ದೀಪಾವಳಿ ಸಂದರ್ಭದಲ್ಲಿ, ನವೆಂಬರ್ 12 ರಂದು ಹಿಂದಿ, ತೆಲುಗು ಮತ್ತು ತಮಿಳು ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ.