ಕೊನೆಗೂ ಮದುವೆ ಬಗ್ಗೆ ಮೌನ ಮುರಿದ ನಟಿ ತ್ರಿಷಾ..! ಟ್ಟಿಟ್‌ ಮಾಡಿ ವಾರ್ನಿಂಗ್‌ ನೀಡಿದ್ದು ಯಾರಿಗೆ

Thrisha marriage : ಕಳೆದೆರಡು ದಿನಗಳಿಂದ ಸೋಶಿಯಲ್ ಮೀಡಿಯಾದಲ್ಲಿ ಚೆನ್ನೈ ಬ್ಯೂಟಿ ನಟಿ ತ್ರಿಷಾ ಮದುವೆಗೆ ಸಂಬಂಧಿಸಿದ ಸುದ್ದಿಯೊಂದು ವೈರಲ್ ಆಗುತ್ತಿರುವುದು ಎಲ್ಲರಿಗೂ ಗೊತ್ತೇ ಇದೆ. ತ್ರಿಶಾ ನಿರ್ಮಾಪಕರ ಜೊತೆ ಮದುವೆಯಾಗಲಿದ್ದಾರೆ ಎಂದು ನೆಟ್ಟಿಗರು ವದಂತಿ ಹಬ್ಬಿಸಿದ್ದಾರೆ. ಇದೀಗ ಈ ಸುದ್ದಿಗೆ ಪರೋಕ್ಷವಾಗಿ ತ್ರಿಷಾ ಟ್ವಿಟ್‌ ಮೂಲಕ ಪ್ರತಿಕ್ರಿಯಿಸಿ, ಎಚ್ಚರಿಕೆ ನೀಡಿದ್ದಾರೆ.

ಹೌದು.. ತ್ರಿಶಾ ಚಿತ್ರರಂಗಕ್ಕೆ ಕಾಲಿಟ್ಟು ಸುಮಾರು 21 ವರ್ಷಗಳೇ ಕಳೆದಿದ್ದರೂ, ಇಂದಿಗೂ ಅವರ ಕ್ರೇಜ್‌ ಕಡಿಮೆಯಾಗಿಲ್ಲ. ತಮ್ಮ ಸೌಂದರ್ಯ ಮತ್ತು ನಟನೆಯ ಮೂಲಕ ಭಾರತೀಯ ಸಿನಿರಂಗದಲ್ಲಿ ಮಿಂಚುತ್ತಿದ್ದಾರೆ. ಇತ್ತೀಚೆಗೆ ಬಿಡುಗಡೆಯಾದ ‘ಪೊನ್ನಿಯನ್ ಸೆಲ್ವನ್’ ಸಿನಿಮಾದಲ್ಲಿ ಕುಂದವೈ ಪಾತ್ರದಲ್ಲಿ ಕಾಣಿಸಿಕೊಂಡು ತಮ್ಮ ಅದ್ಭುತ ಅಭಿನಯದ ಮೂಲಕ ಪ್ರೇಕ್ಷಕರ ಮನಗೆದ್ದಿದ್ದರು.

ಇದನ್ನೂ ಓದಿ: ʼಪ್ರಭಾಸ್‌ʼ ನಟನೆಯ ಈ ಸಿನಿಮಾದ ಫೋಟೋ, ವಿಡಿಯೋ ಶೇರ್‌ ಮಾಡಿದ್ರೆ ಕಠಿಣ ಕ್ರಮ..!

ಸದ್ಯ ತ್ರಿಷಾ ಕೈಯಲ್ಲಿ ತಮಿಳು, ಮಲಯಾಳಂ ಸೇರಿದಂತೆ ಅರ್ಧ ಡಜನ್‌ಗೂ ಹೆಚ್ಚು ಸಿನಿಮಾಗಳಿವೆ. ಕಾಲಿವುಡ್‌ನ ಬಹು ನಿರೀಕ್ಷಿತ 'ಲಿಯೋ' ಸಿನಿಮಾದಲ್ಲೂ ತ್ರಿಶಾ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಒಂದೆಡೆ ತ್ರಿಷಾ ಸಿನಿ ಕರಿಯರ್ ನೆಕ್ಸ್ಟ್‌ ಲೆವೆಲ್‌ಗೆ ಹೋಗುತ್ತಿದ್ದರೆ, ಇದರ ನಡುವೆ ನಟಿಯ ಮದುವೆಯ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ. 

ತ್ರಿಶಾ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ "ಡಿಯರ್, ನೀವು.. ನಿಮ್ಮ ತಂಡ ಯಾರೆಂದು ತಿಳಿದಿದೆ.. ಶಾಂತವಾಗಿರಿ ಮತ್ತು ವದಂತಿಗಳನ್ನು ನಿಲ್ಲಿಸಿ" 'ಚಿಯರ್ಸ್' ಎಂದು ಟ್ವೀಟ್ ಮಾಡಿದ್ದಾರೆ. ಈ ಟ್ವೀಟ್ ನೋಡಿದ ಅವರ ಅಭಿಮಾನಿಗಳು, ಇಂತಹ ವದಂತಿಗಳನ್ನು ಹುಟ್ಟುಹಾಕಿದವರಿಗೆ ತ್ರಿಶಾ ಎಚ್ಚರಿಕೆ ನೀಡಿದ್ದಾರೆ ಎಂದು ಕಮೆಂಟ್ ಮಾಡುತ್ತಿದ್ದಾರೆ.

ಟ್ಟಿಟ್‌ ವೈರಲ್‌ ಆದ ಬೆನ್ನಲ್ಲೆ, ತ್ರಿಷಾಗೆ ಇಂತಹ ವದಂತಿಗಳನ್ನು ಹುಟ್ಟು ಹಾಕುತ್ತಿರುವವರು ಯಾರು ಎಂಬುದು ಗೊತ್ತಿದೆ. ಅದಕ್ಕೆ ಅವರು ವಾರ್ನಿಂಗ್ ಕೊಟ್ಟಿದ್ದಾರೆ ಎಂದು ಅವರ ಅಭಿಮಾನಿಗಳು ಸರ್ಮಥನೆ ಮಾಡಿಕೊಳ್ಳುತ್ತಿದ್ದಾರೆ. ಸಧ್ಯ ತ್ರಿಷಾ ನಾಯಕಿಯಾಗಿ ನಟಿಸುತ್ತಿರುವ ಚಿತ್ರಗಳಲ್ಲಿ 'ಲಿಯೋ' ದಸರಾ ಉಡುಗೊರೆಯಾಗಿ ಪ್ರೇಕ್ಷಕರ ಮುಂದೆ ಬರಲಿದೆ. 

ಈ ಸಿನಿಮಾದಲ್ಲಿ ಹಲವು ವರ್ಷಗಳ ನಂತರ ದಳಪತಿ ವಿಜಯ್ ಜೊತೆ ತ್ರಿಶಾ ನಟಿಸುತ್ತಿದ್ದು, ಬೆಳ್ಳಿತೆರೆಯಲ್ಲಿ ಈ ಜೋಡಿಯನ್ನು ನೋಡಲು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಚಿತ್ರವು ಪ್ರಸ್ತುತ ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿದ್ದು ಅಕ್ಟೋಬರ್ 19 ರಂದು ಬಿಡುಗಡೆಯಾಗಲಿದೆ.