Trisha Krishnan: ಮೆಗಾಸ್ಟಾರ್‌ ʻವಿಶ್ವಂಭರʼದಲ್ಲಿ ನಟಿಸುವುದಕ್ಕೆ ತ್ರಿಷಾ ಪಡೆಯುತ್ತಿರುವ ಸಂಭಾವನೆ ಎಷ್ಟು ಗೊತ್ತೇ??

Trisha Krishnan Renumeration For Vishwambhara: ದಕ್ಷಿಣ ಚಿತ್ರರಂಗದ ಬಹುಭಾಷಾ ನಟಿ ತ್ರಿಷಾ ಕೃಷ್ಣನ್‌ ಮೆಗಾಸ್ಟಾರ್ ಚಿರಂಜೀವಿ ಜೊತೆಗೆ‌ ಎರಡನೇ ಬಾರಿಗೆ ತೆರೆ ಹಂಚಿಕೊಳ್ಳಲಿದ್ದಾರೆ. ಈ ನಟಿ ಸ್ಟಾಲಿನ್‌ ಸಿನಿಮಾದ ಬಳಿಕ ವಿಶ್ವಂಭರ ಎಂಬ ಅದ್ದೂರಿ ಚಿತ್ರದಲ್ಲಿ ತೆಲುಗು ಚಿತ್ರದ ನಟ ಚಿರಂಜೀವಿ ಜೊತೆಗೆ ನಟಿಸುತ್ತಿದ್ದಾರೆ.

ನಟಿ ತ್ರಿಷಾ ಒಂದು ದಶಕದ ನಂತರ ತೆಲುಗು ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದು, ಈ ಚಿತ್ರಕ್ಕಾಗಿ 12 ಕೋಟಿ ಸಂಭಾವನೆ ಪಡೆಯುತ್ತಿದ್ದಾರಂತೆ. ಈ ಸಿನಿಮಾಗೆ ಡೈರೆಕ್ಟರ್‌ ವಸಿಷ್ಠ ಆಕ್ಷನ್‌ ಕಟ್‌ ಹೇಳುತ್ತಿದ್ದು, ಈ ಚಿತ್ರವನ್ನು ಯುವಿ ಕ್ರಿಯೇಷನ್ಸ್ ನಿರ್ಮಾಣ ಮಾಡುತ್ತಿದೆ. ಈ ಸಿನಿಮಾದ ಹಾಡುಗಳಿಗೆ ಕೀರವಾಣಿ ಸಂಗೀತ ನೀಡುತ್ತಿದ್ದಾರೆ.

ಇದನ್ನೂ ಓದಿ: ಆಥಿಯಾ ಶೆಟ್ಟಿ ಪ್ರೆಗ್ನೆಂಟ್‌ ! ಕ್ರಿಕೆಟರ್‌ ಕೆಎಲ್‌ ರಾಹುಲ್ ತಂದೆ ಆಗಲಿದ್ದಾರಾ?

ತ್ರಿಷಾ ಕೃಷ್ಣನ್‌ ಮಣಿರತ್ನಂ ಪೊನ್ನಿಯನ್ ಸೆಲ್ವನ್ ಚಿತ್ರದ ಮೂಲಕ ಮತ್ತೊಮ್ಮೆ ಲೈಮ್ ಲೈಟ್‌ಗೆ ಬಂದ ನಟಿ, ಇತ್ತೀಚೆಗೆ ದಳಪತಿ ವಿಜಯ್ ಅಭಿನಯದ ಲಿಯೋ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಈಕೆ ಪ್ರಸ್ತುತ ಕಮಲ್ ಹಾಸನ್ ಅಭಿನಯದ ನಿರ್ದೇಶಕ ಮಣಿರತ್ನಂ ಮುಂಬರುವ ʻಥಗ್ ಲೈಫ್ ಇನ್ ಸೌತ್ʼ ಚಿತ್ರದಲ್ಲಿಯೂ  ನಟಿಸುತ್ತಿದ್ದಾರೆ.

ಬಹುಭಾಷಾ ತಾರೆ ತ್ರಿಷಾ 40ರ ಹರೆಯದಲ್ಲೂ ಸೌಂದರ್ಯದಲ್ಲಿ ಹೊಸ ಹೀರೋಯಿನ್‌ಗಳಿಗೆ ಪೈಪೋಟಿ ಕೊಡುವುದರ ಜೊತೆಗೆ ವಾವ್ ಎಂದು ಕೂಡ ಅನ್ನಿಸಿಕೊಂಡಿದ್ದಾರೆ. ಇನ್ನೂ ಸೋಶಿಯಲ್‌ ಮಿಡಿಯಾದಲ್ಲಿ ಅಂತು ತ್ರಿಶಾ ಮದುವೆ ಬಗ್ಗೆ ಆಗಾಗ ಹಲವು ವದಂತಿಗಳು ಹರಿದಾಡುತ್ತಿವೆ. ಆದರೆ ಅವುಗಳಲ್ಲಿ ಯಾವುದೂ ನಿಜವಾಗಲಿಲ್ಲ