ಚಿರಂಜೀವಿ ಕುಟುಂಬದಲ್ಲಿ ಮದುವೆ ಸಂಭ್ರಮ : ನಟ ವರುಣ್‌ ತೇಜ್‌, ಲಾವಣ್ಯ ತ್ರಿಪಾಠಿ ನಿಶ್ಚಿತಾರ್ಥ

Varun Tej and Lavanya Tripathi engagement : ಟಾಲಿವುಡ್‌ನ ʼಮಿಸ್ಟರ್ʼ ಮತ್ತು ʼಅಂತರಿಕ್ಷಂʼ ಸಿನಿಮಾದಲ್ಲಿ ಒಟ್ಟಾಗಿ ನಟಿಸಿದ್ದ ಜೋಡಿ ವರುಣ್ ತೇಜ್ ಮತ್ತು ಲಾವಣ್ಯ ತ್ರಿಪಾಠಿ ಶುಕ್ರವಾರ ರಾತ್ರಿ ಖಾಸಗಿ ಸಮಾರಂಭದಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಮಣಿಕೊಂಡದಲ್ಲಿರುವ ನಾಗಬಾಬು ಅವರ ಮನೆಯಲ್ಲಿ ಮೆಗಾ ಸೋದರಸಂಬಂಧಿಗಳು, ಆಪ್ತರು ಮತ್ತು ಕುಟುಂಬ ಸದಸ್ಯರ ಸಮ್ಮುಖದಲ್ಲಿ ಪ್ರೇಮ ಪಕ್ಷಿಗಳು ಉಂಗುರ ಬದಲಾಯಿಸಿಕೊಂಡರು.

ವರುಣ್‌ ತಂದೆ ನಾಗಬಾಬು ಹಾಗೂ ಅವರ ತಾಯಿ ಅಂಜನಾ ದೇವಿ, ಚಿರಂಜೀವಿ ಮತ್ತು ಕುಟುಂಬ, ಪವನ್ ಕಲ್ಯಾಣ್, ರಾಮ್ ಚರಣ್ ಮತ್ತು ಕುಟುಂಬ, ಅಲ್ಲು ಅರವಿಂದ್ ಮತ್ತು ಕುಟುಂಬ, ಅಲ್ಲು ಅರ್ಜುನ್ ಮತ್ತು ಕುಟುಂಬ, ಅಲ್ಲು ಬಾಬಿ ಮತ್ತು ಕುಟುಂಬ, ಅಲ್ಲು ಸಿರಿಶ್, ವೈದ್ಯ ವೆಂಕಟೇಶ್ವರ ರಾವ್ ಮತ್ತು ಕುಟುಂಬದವರು, ಸಾಯಿ ಧರಮ್ ತೇಜ್, ವೈಷ್ಣವ್ ತೇಜ್, ಸುಶ್ಮಿತಾ ಕೊನಿಡೇಲ ಮತ್ತು ಅವರ ಕುಟುಂಬ, ಶ್ರೀಜಾ ಕೊನಿಡೇಲ ಸೇರಿದಂತೆ ಹಲವರು ಈ ಸಂದರ್ಭದಲ್ಲಿ ಭಾಗಿಯಾಗಿದ್ದರು. ಮದುವೆ ದಿನಾಂಕ ಇನ್ನೂ ಅಂತಿಮಗೊಂಡಿಲ್ಲ.

ಇದನ್ನೂ ಓದಿ: ʼದಿ ಕೇರಳ ಸ್ಟೋರಿʼ ನಟಿ ಹೊಟ್ಟೆಗೆ ಶಸ್ತ್ರ ಚಿಕಿತ್ಸೆ..! ಆಗಿದ್ದೇನು ಗೊತ್ತಾ..?

ಈ ಕುರಿತು ವರುಣ್ ತೇಜ್ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ನಿಶ್ಚಿತಾರ್ಥದ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಮತ್ತೊಂದೆಡೆ, ಲಾವಣ್ಯ ಕೂಡ ಅದೇ ಚಿತ್ರಗಳನ್ನು ತಮ್ಮ ಸೋಷಿಯಲ್‌ ಮೀಡಿಯಾ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಸದ್ಯ ಈ ಸುಂದರ ಜೋಡಿಗೆ ಅವರ ಅಭಿಮಾನಿಗಳು, ನಟ- ನಟಿಯರು ಶುಭ ಕೋರುತ್ತಿದ್ದಾರೆ.