Video: ಸೀರೆಯುಟ್ಟು ಹಾಡಿಗೆ ಸ್ಟೆಪ್ಸ್ ಹಾಕಿದ ಲೇಡೀಸ್! ವೈರಲ್ ಆಯ್ತು ಡ್ಯಾನ್ಸ್!

ನವದೆಹಲಿ: ಕಲೆ ಹಾಗೂ ಬುದ್ಧಿವಂತಿಕೆಗೆ ಯಾವುದೇ ವಯಸ್ಸಿನ ಮಿತಿಯಿಲ್ಲ ಎಂಬುದು ಎಲ್ಲರಿಗೂ ತಿಳಿದ ವಿಚಾರ. ಹೀಗಿದ್ದಾಗ ಮಾತ್ರ ಜೀವನವನ್ನು ಸುಂದರವಾಗಿಸಿಕೊಳ್ಳಲು, ಅನುಭವಿಸಲು ಸಾಧ್ಯ. ನಿಮಗೆ ಖುಷಿಯಾಗುವ ಯಾವುದೇ ಕಲೆಯಲ್ಲಿ ನೀವು ನಿಮ್ಮನ್ನು ತೊಡಗಿಸಿಕೊಳ್ಳಬಹುದು. ಇದೀಗ ಅಂತಹದೇ ಒಂದು ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. 

ಮಧ್ಯಮವರ್ಗದ ಮಹಿಳೆಯರಿಬ್ಬರು 'ಕುರುಬಾನಿ' ಸಿನಿಮಾ ಹಾಡಿಗೆ ಸೀರೆಯುಟ್ಟು ಸಖತ್ತಾಗಿ ಸ್ಟೆಪ್ ಹಾಕಿದ್ದಾರೆ. Being Women ಯೂಟ್ಯೂಬ್ ಚಾನೆಲ್ ಈ ಹಾಡನ್ನು ಅಪ್ಲೋಡ್ ಮಾಡಿದ್ದು, ಫೇಸ್ಬುಕ್ ಸೇರಿದಂತೆ ಎಲ್ಲಾ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ. ಫೇಸ್ಬುಕ್ ನಲ್ಲಿ ಇದುವರೆಗೂ ಈ ವೀಡಿಯೋವನ್ನು 3 ಲಕ್ಷಕ್ಕೂ ಅಧಿಕ ಮಂದಿ ವೀಕ್ಷಣೆ  ಮಾಡಿದ್ದಾರೆ. ಕಾಟನ್ ಸೀರೆಯುಟ್ಟು, ಮುಗುಳನ್ಗೆಯ ಮುಖದೊಂದಿಗೆ ಸಖತ್ತಾಗಿ ಡ್ಯಾನ್ಸ್ ಮಾಡಿರುವ ಇಬ್ಬರು ಮಹಿಳೆಯರು ಕಲೆಗೆ ಯಾವುದೇ ವಯಸ್ಸಿನ ಮಿತಿಯಿಲ್ಲ ಎಂಬುದನ್ನು ನಿರೂಪಿಸಿದ್ದಾರೆ.