ನಾನು ಐಶಾರಾಮಿ ಹೋಟೆಲ್‌ ಹೊರಗೆ ಭಿಕ್ಷುಕಿಯಾಗಿ ನಿಂತಿದ್ದೆ..! ಬಿಸ್ಕೆಟ್‌ ಕೊಟ್ಟದ್ದರು

Vidya balan : ಬಾಲಿವುಡ್‌ ನಟಿ ವಿದ್ಯಾ ಬಾಲನ್ ಪ್ರಸ್ತುತ 'ನೀಯತ್' ಸಿನಿಮಾದ ಪ್ರಚಾರ ಕಾರ್ಯದಲ್ಲಿ ಬ್ಯುಸಿಯಾಗಿದ್ದಾರೆ. ಇತ್ತೀಚಿಗೆ ಸಂದರ್ಶನವೊಂದರಲ್ಲಿ ವಿದ್ಯಾ ಹೇಳಿದ ಮಾತು ಕೇಳಿ ಆಕೆಯ ಫ್ಯಾನ್ಸ್‌ ಶಾಕ್‌ ಆಗಿದ್ದಾರೆ. ತಾವು ಒಮ್ಮೆ ಮುಂಬೈನ ಪಂಚತಾರಾ ಹೋಟೆಲ್‌ನ ಹೊರಗೆ ಭಿಕ್ಷುಕಿಯಂತೆ ನಟಿಸಿದ್ದಾಗಿ ಹೆಳಿಕೊಂಡಿದ್ದಾರೆ.

ಇಂಡಿಯನ್ ಮ್ಯೂಸಿಕ್ ಗ್ರೂಪ್‌ನಲ್ಲಿ ನಾನು ಸ್ವಯಂ ಸೇವಕಿ ಆಗಿದ್ದೆ. ಅವರು ಪ್ರತಿ ವರ್ಷ ಶಾಸ್ತ್ರೀಯ ಸಂಗೀತ ಕಚೇರಿಗಳು, ಭಾರತೀಯ ಶಾಸ್ತ್ರೀಯ ಸಂಗೀತ ಕಛೇರಿಗಳನ್ನು ಆಯೋಜಿಸುತ್ತಾರೆ. ಮೂರು ದಿನಗಳ ಕಾಲ ಸಂಗೀತ ಉತ್ಸವ ಇರುತ್ತದೆ. ಇದು ರಾತ್ರಿಯಿಡೀ ಇರುತ್ತಿತ್ತು. ನಾವು ಎಲ್ಲವನ್ನೂ ಸಂಘಟಿಸಲು ಸಹಾಯ ಮಾಡುತ್ತಿದ್ದೆವು. ಕಾರ್ಯಕ್ರಮದ ನಂತರ ನಾವೆಲ್ಲರೂ ನಾರಿಮನ್ ಪಾಯಿಂಟ್‌ಗೆ ವಾಕ್ ಮಾಡಲು ಹೋಗುತ್ತಿದ್ದೆವು.

ಇದನ್ನೂ ಓದಿ: ಲಸ್ಟ್‌ ಸ್ಟೋರಿಸ್‌ 2 ಸೆಟ್‌ನಲ್ಲೇ ತಮನ್ನಾ-ವಿಜಯ್‌..; ನಿರ್ದೇಶಕ ಸುಜೋಯ್ ಘೋಷ್‌!

ಒಮ್ಮೆ ನನಗೆ ನನ್ನ ಗೆಳೆಯರು ಸವಾಲ್‌ ಹಾಕಿದ್ದರು. ನನಗೆ ಒಬೆರಾಯ್‌ನಲ್ಲಿರುವ ಕಾಫಿ ಶಾಪ್‌ಗೆ ಹೋಗಿ ಬಿಸ್ಕೆಟ್‌ ತಗೆದುಕೊಂಡು ಬರುವುದಾಗಿ ಹೇಳಿದ್ದರು. ಅದರಂತೆ ನಾನು ಹೋಟೇಲ್‌ ಹತ್ತಿರ ಹೋಗಿ, ದಯವಿಟ್ಟು ನನಗೆ ಹಸಿವಾಗಿದೆ, ನಾನು ನಿನ್ನೆಯಿಂದ ಏನನ್ನೂ ತಿಂದಿಲ್ಲ ಎಂದೆ ಇದರಿಂದ ನನ್ನ ಸ್ನೇಹಿತ ಮುಜುಗರಕ್ಕೊಳಗಾದರು ಆದ್ರೆ, ನಾನು ಪಂತವನ್ನು ಗೆದ್ದೆ ಎಂದು ವಿದ್ಯಾ ಹೇಳಿಕೊಂಡಿದ್ದಾರೆ.

'ನೀಯಾತ್' ಚಿತ್ರದ ಕುರಿತು ಹೇಳುವುದಾದರೆ, ಈ ಚಿತ್ರವು ಜುಲೈ 7 ರಂದು ಥಿಯೇಟರ್‌ಗೆ ಬರಲಿದೆ. ವಿದ್ಯಾ ಬಾಲನ್ ಜೊತೆಗೆ ಈ ಸಿನಿಮಾದಲ್ಲಿ ನೀರಜ್ ಕಬಿ, ರಾಮ್ ಕಪೂರ್, ರಾಹುಲ್ ಬೋಸ್ ಮತ್ತು ಪ್ರಖಜಕ್ತಾ ಕೋಲಿ ಪ್ರಮುಖ ಪಾತ್ರಗಳಲ್ಲಿದ್ದಾರೆ. 'ನೀಯತ್' ಜೊತೆಗೆ ವಿದ್ಯಾ 'ಲವರ್ಸ್' ಚಿತ್ರದಲ್ಲೂ ಕಾಣಿಸಿಕೊಳ್ಳಲಿದ್ದಾರೆ.