‌ʼಲಿಯೋʼ ಸಿನಿಮಾ ಪ್ರದರ್ಶನದ ವೇಳೆ ಚಿತ್ರಮಂದಿರದಲ್ಲೇ ನಿಶ್ಚಿತಾರ್ಥ ಮಾಡಿಕೊಂಡ ವಿಜಯ್‌ ಫ್ಯಾನ್..!

Leo Movie : ದಳಪತಿ ವಿಜಯ್‌ ಅವರಿಗೆ ಸಾಕಷ್ಟು ಜನ ಡೈ ಹಾರ್ಡ್‌ ಫ್ಯಾನ್ಸ್‌ಗಳಿದ್ದಾರೆ. ಅವರ ಹುಟ್ಟು ಹಬ್ಬದ ದಿನ ಅನೇಕ ಸಾಮಾಜಿಕ ಕಾರ್ಯಕ್ರಮಗಳನ್ನು ನಡೆಸುತ್ತಾರೆ. ಅಲ್ಲದೆ ಅವರ ಹೊಸ ಸಿನಿಮಾ ಹೆಸರು ಅನೌನ್ಸ್‌ ಆದಾಗಿನಿಂದ ಹಿಡಿದು ಬಿಡುಗಡೆಯಾಗುವವರೆಗೂ ಹಬ್ಬದ ವಾತಾವರಣವಿರುತ್ತದೆ. ಸಧ್ಯ ವಿಜಯ್‌ ಅಭಿಮಾನಿಗಳ ಅಭಿಮಾನಕ್ಕೆ ಇಲ್ಲೊಂದು ಪಕ್ಕಾ ಉದಾರಹಣೆ ಇದೆ ನೋಡಿ.. 

ಹೌದು.. ಇಂದು ವಿಶ್ವದಾದ್ಯಂತ ನಟ ವಿಜಯ್‌ ಅಭಿನಯದ ಲಿಯೋ ಸಿನಿಮಾ ಬಿಡುಗಡೆಯಾಗಿದೆ. ದಳಪತಿ ಅಭಿಮಾನಿಗಳು ಸಂಭ್ರಮಾಚರಣೆ ಜೋರಾಗಿದೆ. ಬೆಳಗ್ಗೆಯಿಂದಲೇ ಸಿನಿ ಪ್ರೇಕ್ಷಕರು ಚಿತ್ರಮಂದಿರತ್ತ ಧಾವಿಸುತ್ತಿದ್ದಾರೆ. ದಳಪತಿ ಫ್ಯಾನ್ಸ್‌ ಅವರ ಬಿಗ್‌ ಕಟೌಟ್‌ ನಿಲ್ಲಿಸಿ ಹಾರ, ಅಭಿಷೇಕ, ಆರತಿ ಬೆಳಗುತ್ತಿದ್ದಾರೆ.

ಇದರ ಬೆನ್ನಲೆ ವಿಜಯ್‌ ಅಭಿಮಾನಿಯೊಬ್ಬರು ʼಲಿಯೋʼ ಚಿತ್ರ ಪ್ರದರ್ಶನದ ವೇಳೆ ಚಿತ್ರಮಂದಿರಲ್ಲಿಯೇ ನಿಶ್ಚಿತಾರ್ಥ ಮಾಡಿಕೊಂಡು ಅಭಿಮಾನ ಮೆರೆದಿದ್ದಾರೆ. ಮಂಜುಳಾ ಮತ್ತು ವೆಂಕಟೇಶ್ ನಿಶ್ಚಿತಾರ್ಥ ಮಾಡಿಕೊಂಡ ದಂಪತಿ. ವೆಂಕಟೇಶ್, ವಿಜಯ್ ಅವರ ಕಟ್ಟಾ ಅಭಿಮಾನಿ. ಈ ಕುರಿತು ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ. ಪುದುಕೊಟ್ಟೈನಲ್ಲಿ ಥಿಯೇಟರ್ ಒಂದರಲ್ಲಿ ಈ ಘಟನೆ ನಡೆದಿದೆ.

ಇನ್ನು ವಿಜಯ್ ಅಭಿನಯದ 'ಲಿಯೋ' ಸಿನಿಮಾ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಲೋಕೇಶ್ ಕನಕರಾಜ್ ಚಿತ್ರವು ಮಿಶ್ರ ವಿಮರ್ಶೆಗಳ ಪಡೆದುಕೊಂಡಿದೆ. ಈ ಆಕ್ಷನ್ ಥ್ರಿಲ್ಲರ್ ಚಿತ್ರವನ್ನು, ಎಸ್ ಎಸ್ ಲಲಿತ್ ಕುಮಾರ್ ಮತ್ತು ಜಗದೀಶ್ ಪಳನಿಸಾಮಿ ನಿರ್ಮಾಣ ಮಾಡಿದ್ದಾರೆ. ಚಿತ್ರದಲ್ಲಿ ಸಂಜಯ್ ದತ್, ಅರ್ಜುನ್ ಸರ್ಜಾ, ತ್ರಿಶಾ, ಮಡೋನಾ ಸೆಬಾಸ್ಟಿಯನ್, ಗೌತಮ್ ವಾಸುದೇವ್ ಮೆನನ್, ಮಿಸ್ಕಿನ್, ಪ್ರಿಯಾ ಆನಂದ್ ಮತ್ತು ಇತರರು ನಟಿಸಿದ್ದಾರೆ.