ಮಾಸ್‌ ಅವರತಾರದಲ್ಲಿ ಚಾಕೋಲೆಟ್‌ ಹಿರೋ...`ಅಗ್ನಿಸಾಕ್ಷಿ` ವಿಜಯ್ ಸೂರ್ಯ ಈಗ ʼವೀರಪುತ್ರʼ

Sandalwood News : ಕಿರುತೆರೆಯಲ್ಲಿ ಹೆಚ್ಚು ಲೇಡಿಸ್‌ ಫ್ಯಾನ್‌ ಫಾಲೋಯಿಂಗ್‌ ಹೊಂದಿರುವ ನಾಯಕ ನಟರಲ್ಲಿ ವಿಜಯ್‌ ಸೂರ್ಯ ಕೂಡ ಒಬ್ಬರು. ಇವರು ಸಿನಿಮಾ ಮತ್ತು ಕಿರುತೆರೆ ಎರಡರಲ್ಲೂ ಸಕ್ರಿಯವಾಗಿರುವ ನಟ. ಅಗ್ನಿಸಾಕ್ಷಿ ಧಾರಾವಾಹಿ ಮೂಲಕ ಕನ್ನಡಿಗರ ಮನಗೆದ್ದಿದ್ದ ನಟ ಸದ್ಯ ನಮ್ಮ ಲಚ್ಚಿ ಸಿರೀಯಲ್‌ನಲ್ಲಿ ನಟಿಸುತ್ತಾ ಸಿನಿಮಾ ಕೆಲಸಗಳಲ್ಲಿಯೂ ತೊಡಗಿಕೊಂಡಿದ್ದಾರೆ. 

ಅಗ್ನಿಸಾಕ್ಷಿ ಸಿರೀಯಲ್‌ ಮೂಲಕ ಎಲ್ಲರ ಮನಗೆದ್ದ ವಿಜಯ್‌ ನಾಗತೀಹಳ್ಳಿ ಚಂದ್ರಶೇಖರ್ ನಿರ್ದೇಶನದ ಇಷ್ಟಕಾಮ್ಯ ಸಿನಿಮಾದ ಮೂಲಕ ಸಿನಿರಂಗವನ್ನು ಪ್ರವೇಶಿಸಿದರು.  ಇದೀಗ ಅವರ ಎರಡನೇ ಸಿನಿಮಾ ಅಪ್‌ಡೇಟ್‌ ಒಂದು ಹೊರಬಿದ್ದಿದೆ. 

ಇದನ್ನೂ ಓದಿ-ಮೈ ಚಳಿ ಬಿಟ್ಟು ಆಲಿಯಾ ಭಟ್‌ - ರಣವೀರ್​ ಸಿಂಗ್ ​ರೊಮ್ಯಾನ್ಸ್.. ವೈರಲ್‌ ಆಯ್ತು ವಿಡಿಯೋ!

ಹೌದು ಡಾ. ದೇವರಾಜ್‌. ಎಸ್‌ ನಿರ್ದೇಶನದಡಿಯಲ್ಲಿ ಮೂಡಿಬಂದಿರುವ ವೀರಪುತ್ರ ಸಿನಿಮಾದಲ್ಲಿ ವಿಜಯ್‌ ಸೂರ್ಯ ಉದ್ದ ಕೂದಲು ಬಿಟ್ಟು, ರಗಡ್ ಲುಕ್‌ನಲ್ಲಿ ವಿಜಯ್‌ ಕಾಣಿಸಿಕೊಂಡಿದ್ದಾರೆ. ಇದೀಗ ಅವರ  ಬರ್ತ್‌ಡೇ ನಿಮಿತ್ತ ಸಿನಿಮಾದ ಫಸ್ಟ್‌ ಲುಕ್‌ ರಿಲೀಸ್‌ ಮಾಡಲಾಗಿದೆ. 

ಇನ್ನು ಈ ವೀರಪುತ್ರ ಸಿನಿಮಾ ಫ್ಯಾಮಿಲಿ ರಿವೇಜ್ ಕಥಾಹಂದರವನ್ನು ಹೊಂದಿದ್ದು, ಗುರು ಬಂಡಿ ಅವರು ಈ ಚಿತ್ರಕ್ಕೆ ಹೂಡಿಕೆ ಮಾಡಿದ್ದಾರೆ. ಈ ವೀರಪುತ್ರ ಸಿನಿಮಾದಲ್ಲಿ ವಿಜಯ್ ಸೂರ್ಯಗೆ ಜೋಡಿಯಾಗಿ ಲೇಖಚಂದ್ರ ನಟಿಸುತ್ತಿದ್ದು, ಉಮಾಶ್ರೀ ಅವರು ಸಹ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.