ʼದಿಲೀಪ್‌ಕುಮಾರ್ʼ ರೆಹಮಾನ್‌ ಆಗಿದ್ದು ಹೇಗೆ..? ಖ್ಯಾತ ಸಂಗೀತ ನಿರ್ದೇಶಕನ ಮತಾಂತರದ ಹಿಂದಿದೆ ರೋಚಕ ಕಥೆ

AR Rahman : ಖ್ಯಾತ ಗಾಯಕ ಮತ್ತು ಸಂಗೀತ ಸಂಯೋಜಕ ರೆಹಮಾನ್ ಅವರು ಭಾರತದಲ್ಲಿ ಮಾತ್ರವಲ್ಲದೆ ಪ್ರಪಂಚದಾದ್ಯಂತ ತಮ್ಮ ಸಂಗೀತದಿಂದ ಜನಪ್ರಿಯರಾಗಿದ್ದಾರೆ. ಅವರ ಹಾಡುಗಳು ಮತ್ತು ಸಂಗೀತ ಬಹಳ ಜನಪ್ರಿಯವಾಗಿವೆ. ರೆಹಮಾನ್ ಹಿಂದೂ ಕುಟುಂಬದಲ್ಲಿ ಹುಟ್ಟಿದ್ದು ಬಹುತೇಕ ಎಲ್ಲರಿಗೂ ಗೊತ್ತಿರುವ ವಿಚಾರ. ಇದೀಗ ಅವರು ಮತಾಂತರ ಏಕಾದರೂ ಅಂತ ಗೂಗಲ್‌ನಲ್ಲಿ ಸರ್ಚ್‌ ಮಾಡುತ್ತಿದ್ದಾರೆ.

ಎ.ಆ.ರ್ ರೆಹಮಾನ್ ಹಿಂದೂ ಕುಟುಂಬದಲ್ಲಿ ಜನಿಸಿದರು. ಅವರ ನಿಜವಾದ ಹೆಸರು ದಿಲೀಪ್‌ಕುಮಾರ್. ಗಾಯಕ 1989 ರಲ್ಲಿ 23 ನೇ ವಯಸ್ಸಿನಲ್ಲಿ ಇಸ್ಲಾಂಗೆ ಮತಾಂತರಗೊಂಡರು. ನಂತರ ಅವರು ತಮ್ಮ ಹೆಸರನ್ನು ರೆಹಮಾನ್ ಎಂದು ಬದಲಾಯಿಸಿಕೊಂಡರು. ಇಸ್ಲಾಂ ಎಂದರೆ ಸರಳ ಜೀವನ ಎಂದು ಅವರು ಅನೇಕ ಬಾರಿ ಹೇಳಿದ್ದಾರೆ. ಸಧ್ಯ ಟಾಕ್ ಶೋನಲ್ಲಿ ಎಆರ್ ರೆಹಮಾನ್ ಅವರು ಇಸ್ಲಾಂಗೆ ಏಕೆ ಮತಾಂತರಗೊಂಡರು ಎಂಬುವುದರ ಬಗ್ಗೆ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ಭಾರತದ ಅತ್ಯಂತ ಶ್ರೀಮಂತ ಡಾನ್ಸ್‌ ಕೊರಿಯೋಗ್ರಫರ್‌ ಯಾರು ಗೊತ್ತೆ..! 1 ಸಾಂಗ್‌ಗೆ 50 ಲಕ್ಷ ರೂ..

ಕ್ಯಾನ್ಸರ್‌ನಿಂದ ಬಳಲುತ್ತಿದ್ದ ತಮ್ಮ ತಂದೆ ತನ್ನ ಕೊನೆಯ ದಿನಗಳಲ್ಲಿ ಸೂಫಿಯಿಂದ ಗುಣಮುಖರಾದರು. ಕೆಲವು ವರ್ಷಗಳ ನಂತರ ಎ.ಆರ್‌. ರೆಹಮಾನ್ ತಮ್ಮ ಕುಟುಂಬದೊಂದಿಗೆ ಸೂಫಿಯನ್ನು ಭೇಟಿಯಾದರು ಮತ್ತು ಅವರ ಮಾತುಗಳಿಂದ ಬಹಳ ಪ್ರಭಾವಿತರಾಗಿ, ಮತಾಂತರಗೊಳ್ಳಲು ನಿರ್ಧರಿಸಿದ್ದಾಗಿ ತಿಳಿಸಿದ್ದಾರೆ.

ಎಆರ್ ರೆಹಮಾನ್ ಅವರು 6 ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳು, ಎರಡು ಆಸ್ಕರ್ ಪ್ರಶಸ್ತಿಗಳು, ಎರಡು ಗ್ರ್ಯಾಮಿ ಪ್ರಶಸ್ತಿಗಳು, ಒಂದು ಗೋಲ್ಡನ್ ಗ್ಲೋಬ್ ಪ್ರಶಸ್ತಿಯನ್ನು ಪಡೆದಿದ್ದಾರೆ. ಅವರ ಪತ್ನಿ ಹೆಸರು ಸೈರಾ ಬಾನೋ, ಅವರಿ ಮೂವರು ಮಕ್ಕಳಿದ್ದು ಖತೀಜಾ, ರಹೀನಾ ಮತ್ತು ಅಮೀನ್ ಅವರ ಹೆಸರುಗಳು.