ವಿಚ್ಛೇದನ ವದಂತಿ ನಡುವೆ ಅಭಿಷೇಕ್ ಬಚ್ಚನ್-ಐಶ್ವರ್ಯ ರೈ ಒಟ್ಟಿಗೆ ಸಿನಿಮಾ ಮಾಡ್ತಾರಾ? ಈ ಸಿನಿಮಾ ಮಾಡುವ ಟಾಪ್ ಡೈರೆಕ್ಟರ್ ಯಾರು?

Aishwarya Rai Abhishek Bachchan: ಬಾಲಿವುಡ್ ನ ಹೈಪ್ರೊಫೈಲ್ ಜೋಡಿ ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯ ರೈ ದಾಂಪತ್ಯದಲ್ಲಿ ಬಿರುಕು ಮೂಡಿದ್ದು ಅವರಿಬ್ಬರು ಇವತ್ತೋ-ನಾಳೆಯೋ ಡೈವೋರ್ಸ್ ಆಗಿಯೇ ಬಿಡುತ್ತಾರೆ ಎನ್ನುವ ದಟ್ಟ ವದಂತಿಯ ನಡುವೆ ಅವರಿಬ್ಬರು ಒಟ್ಟಿಗೆ ಸಿನಿಮಾ ಮಾಡುತ್ತಾರೆ ಎನ್ನುವ ಸಿಹಿ ಸುದ್ದಿಯೊಂದು ಕೇಳಿಬರುತ್ತಿದೆ. ಈಗಾಗಲೇ ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯ ರೈ ಪರಸ್ಪರ ಬೇರೆಯಾಗಿದ್ದಾರೆ, ಪ್ರತ್ಯೇಕವಾಗಿ ವಾಸವಾಗಿದ್ದಾರೆ ಎನ್ನುವ ಊಹಾಪೋಹದ ನಡುವೆ ಇವರಿಬ್ಬರನ್ನು ತೆರೆಯಮೇಲೆ ಒಂದೇ ತೆಕ್ಕೆಗೆ ತರುವ ಸಾಮರ್ಥ್ಯವುಳ್ಳ ಆ ನಿರ್ದೇಶಕ ಯಾರು ಎನ್ನುವ ಕುತೂಹಲವೂ ಹುಟ್ಟುಕೊಂಡಿದೆ. 

ಫಸ್ಟ್ ಆಫ್ ಆಲ್… ಅಭಿಷೇಕ್ ಬಚ್ಚನ್ ಅವರಾಗಲಿ ಅಥವಾ ಐಶ್ವರ್ಯ ರೈ ಅವರಾಗಲಿ ಇತ್ತೀಚಿನ ವರ್ಷಗಳಲ್ಲಿ ಎಂದೂ ಕೂಡ ತಾವಿಬ್ಬರು ಮತ್ತೆ ಒಟ್ಟಿಗೆ ಸಿನಿಮಾ ಮಾಡುವ ಮನಸ್ಸಿದೆ, ಅಥವಾ ಅಂಥದೊಂದು ಆಲೋಚನೆ ಇದೆ ಎಂದು ಹೇಳಿಕೊಂಡಿಲ್ಲ. ಆದರೀಗ ಧಿಡೀರನೇ ಈ ತಾರಾ ಜೋಡಿ ತೆರೆಯ ಮೇಲೆ ಒಟ್ಟಿಗೆ ಕಾಣಿಸಿಕೊಳ್ಳಲಿದೆ ಎಂಬ ಸಂಗತಿ ಕೇಳಿಬರುತ್ತಿದೆ. 

ಇದನ್ನೂ ಓದಿ- ಅಭಿಷೇಕ್ ಬಚ್ಚನ್-ಐಶ್ವರ್ಯ ರೈ ವಿಚ್ಛೇದನ ವದಂತಿ ನಡುವೆ ರತನ್ ಟಾಟಾ ಮಾಜಿ ಪ್ರೇಯಸಿ ಶಾಕಿಂಗ್ ಹೇಳಿಕೆ!

ಕೆಲವೊಮ್ಮೆ ಹೀಗೆ ಆಗುತ್ತೆ; ಇಡೀ ಜಗತ್ತೇ ಒಂದು ರೀತಿಯಲ್ಲಿ ಯೋಚನೆ ಮಾಡುತ್ತಿದ್ದಾಗ ಅದರ ಕೇಂದ್ರಬಿಂದು ಆಗಿರುವ ವ್ಯಕ್ತಿಗಳು ಯಾರೂ ಊಹೆಮಾಡಲಾಗದಂತಹ ಅಚ್ಚರಿಗಳನ್ನು ಕೊಟ್ಟು ಬಿಡುತ್ತಾರೆ. ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯ ರೈ ದಂಪತಿಗಳ ವಿಷಯದಲ್ಲೂ ಹಾಗೇ ಹಾಗುತ್ತಾ ಕಾದುನೋಡಬೇಕು. ಏಕೆಂದರೆ ‘ಗಂಡ-ಹೆಂಡತಿಯ ಜಗಳ ಉಂಡು ಮಲಗುವವರೆಗೆ…’ ಎನ್ನುವ ಮಾತೇ ಇದೆಯಲ್ಲ… ಯಾರಿಗೆ ಗೊತ್ತು- ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯ ರೈ ನಡುವೆಯೂ ಕಹಿ ಕರಗಿ ಸಿಹಿ ಸಮಯ ಬಂದಿರಬಹುದು. ಏಷ್ಟೆಯಾದ್ರೂ, ಅವರು ಕೂಡ ಎಲ್ಲರಂತೆ ಗಂಡ-ಹೆಂಡಿರು ತಾನೇ…

ಅದೇನೇ ಇರಲಿ,‘ಟೈಮ್ಸ್ ನೌ’ ಮಾಧ್ಯಮದ ವರದಿಯ ಪ್ರಕಾರ ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯ ರೈ ಜೊತೆಯಾಗಿ ಸಿನಿಮಾ ಮಾಡುತ್ತಿದ್ದಾರೆ. ಆ ಸಿನಿಮಾದಲ್ಲಿ ಅವರು ಪ್ರೇಮಿಗಳಾಗಿರುತ್ತಾರೋ, ಗಂಡ-ಹೆಂಡತಿಯಾಗಿ ಕಾಣಿಸಿಕೊಳ್ಳುತ್ತಾರೋ ಅದು ಬೇರೆ ವಿಚಾರ ಅವರಿಬ್ಬರು ಜೊತೆಯಾಗಿ ಸ್ಕ್ರೀನ್ ಶೇರ್ ಮಾಡಿಕೊಳ್ಳುತ್ತಾರೆ ಅಥವಾ ಆನ್ ಸ್ಕ್ರೀನ್ ರೋಮ್ಯಾನ್ಸ್ ಮಾಡುತ್ತಾರೆ ಎನ್ನುವುದೇ ಅವರ ಅಭಿಮಾನಿಗಳ ಪಾಲಿಗೆ ಕಚಗುಳಿ ನೀಡುವಂತಹ ಸುದ್ದಿ.

ಇದನ್ನೂ ಓದಿ- ಐಶ್ವರ್ಯ ರೈ 'ಅತಿಲೋಕ ಸುಂದರಿ' ವಿಚ್ಛೇದನ ವದಂತಿ ನಡುವೆ ಅಭಿಷೇಕ್ ಬಚ್ಚನ್ ವಿಡಿಯೋ ವೈರಲ್

ಮಾತನಾಡುವುದಕ್ಕೂ ಸಿದ್ಧರಿಲ್ಲದ ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯ ರೈ ಅವರನ್ನು ಒಟ್ಟಾಗಿ ಸಿನಿಮಾ ಮಾಡುವಂತೆ ಒಪ್ಪಿಸಲು ನಿರ್ದೇಶಕನಾದವನಿಗೆ ಬೇರೆಯದೇ ಲೇವಲ್ ತಾಖತ್ತು ಬೇಕು. ಅದನ್ನು ಪ್ರದರ್ಶಿಸಿರುವವರು ಖ್ಯಾತ ನಿರ್ದೇಶಕ ಮಣಿರತ್ನಂ ಅವರಂತೆ. ಇದು ನಿಜವೂ ಇರಬಹುದು. ಏಕೆಂದರೆ ಇದೇ ಮಣಿರತ್ನಂ 2007ರಲ್ಲಿ ಇದೇ ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯ ರೈ ಹಾಕಿಕೊಂಡು ‘ಗುರು’ ಎನ್ನುವ ಸಿನಿಮಾ ಮಾಡಿದ್ದರು. 2010ರಲ್ಲಿ ‘ರಾವಣ್’ ಎಂಬ ಚಿತ್ರ ಮಾಡಿದ್ದರು. ಇದಲ್ಲದೆ ಮಣಿರತ್ನಂ ಅವರು ಬಚ್ಚನ್ ಕುಟುಂಬ ಮತ್ತು ಐಶ್ವರ್ಯ ರೈ ಜೊತೆ ತುಂಬಾ ಚೆನ್ನಾಗಿದ್ದಾರೆ. ಹಾಗಾಗಿ ಮತ್ತೆ ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯ ರೈ ಅವರನ್ನು ಒಟ್ಟಿಗೆ ತೆರೆಯ ಮೇಲೆ ತರಬಹುದು. ಇದರಿಂದಾಗಿ ತೆರೆಯಿಂದಾಚೆಗೂ ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯ ರೈ ದಾಂಪತ್ಯದಲ್ಲಿ ಮೂಡಿರುವ ಬಿರುಕು ಮಾಯವಾಗಿ ಬೆಳಕು ಬರಬಹುದು. ಆಲ್ ದಿ ಬೆಸ್ಟ್ ಫಾರ್ ದಿಸ್ ಕ್ಯೂಟ್ ಕಪಲ್ ಎನ್ನೋಣವೇ…