Kichcha Sudeepa: ಕಿಚ್ಚ ಸುದೀಪ್ ಮುಂದಿನ Bigboss ಸೀಸನ್ ನಲ್ಲಿ ನಿರೂಪಣೆ ಮಾಡ್ತಾರಾ?

Kichcha Sudeepa News: ವಿಕ್ರಾಂತ್ ರೋಣ ಮತ್ತು ಕಬ್ಜ ಸಿನಿಮಾ ಬಳಿಕ ಯಾವ ಸಿನಿಮಾ ಮಾಡ್ತಾರೆ ಕಿಚ್ಚ..? ಮುಂದಿನ ನಡೆ ಏನು..? ಕರುನಾಡಿನ ಜನರ ಪ್ರೀತಿಯ ಕಿಚ್ಚ ಸುದೀಪ್ ವಿಕ್ರಾಂತ್ ರೋಣ ಮತ್ತು ಕಬ್ಜ ಸಿನಿಮಾ ಬಳಿಕ ಯಾವ ಬಿಗ್ ಬಜೆಟ್ ಸಿನಿಮಾ ಸಿನಿಮಾ ಮಾಡ್ತಾರೆ ಅನ್ನೋ ಪ್ರಶ್ನೆ ಕಿಚ್ಚನ ಕೋಟಿ ಅಭಿಮಾನಿಗಳ ಪ್ರಶ್ನೆ. ವರ್ಷಕ್ಕೆ ಒಂದು ಸಿನಿಮಾವಾದರೂ ನಮಗೆ ಕೊಡಿ ಅಂತ ಕಿಚ್ಚನ ಬಳಿ ಅಭಿಮಾನಿಗಳು ಕೇಳುತ್ತಲೇ ಇದ್ದಾರೆ. ಆದ್ರೆ ಕಿಚ್ಚ ಇಷ್ಟು ದಿನ ಎಲೆಕ್ಷನ್ ನಲ್ಲಿ ಸ್ಟಾರ್ ಪ್ರಚಾರಕರಾಗಿ ಓಡಾಡಿ ಸುಸ್ತಾಗಿದ್ದಾರೆ. ಸದ್ಯ ಫ್ಯಾಮಿಲಿ ಮತ್ತು ಫ್ರೆಂಡ್ಸ್ ಗಳ ಜೊತೆ ಸಮಯ ಕಳೆಯುತ್ತಿದ್ದಾರೆ.

ತಮ್ಮ ಮನೋಜ್ಞ ಅಭಿನಯದ ಮೂಲಕ ಅಭಿಮಾನಿಗಳಿಗೆ ಮನರಂಜನೆಯ ರಸದೌತಣವನ್ನೇ ಉಣಬಡಿಸುವ ಕಿಚ್ಚ ನೆಕ್ಸ್ಟ್ ಯಾವ ಸಿನಿಮಾ ಮಾಡ್ತಾರೆ, ಯಾರು ಡೈರೆಕ್ಟರ್ ಹಾಗೂ ನಿರ್ಮಾಪಕರು ಅನ್ನೋ ಮಾಹಿತಿ ಇಲ್ಲ. ಜೊತೆಗೆ ಮುಂದಿನ ಸಿನಿಮಾಗಳಿಗೆ ಕಿಚ್ಚನ ಆಯ್ಕೆ  ಯಾವ ರೀತಿ ಇರುತ್ತೆ ಅನ್ನೋ ಮಾಹಿತಿ ತಿಳಿದುಕೊಳ್ಳೋ ಪ್ರಯತ್ನ ನಡೆಸುತ್ತಿದ್ದಾರೆ ಕಿಚ್ಚನ ಫ್ಯಾನ್ಸ್. ಆದ್ರೆ ಕಿಚ್ಚ ಇನ್ನೂ ಯಾವುದೇ ರೀತಿಯ ಸುಳಿವನ್ನ ನೀಡಿಲ್ಲ .ಆದಷ್ಟು ಬೇಗ ಅಭಿಮಾನಿಗಳಿಗೆ ಸಿಹಿ ಮ್ಯಾಟರ್ ಕೊಡಲಿ ಅನ್ನೋದ್ರ ಚರ್ಚೆ ಇಡೀ ಗಾಂಧಿನಗರದಲ್ಲೂ ನಡೆಯುತ್ತಿದೆ.

ಇದನ್ನೂ ಓದಿ- ಏನ್ ಚಂದ ಕಾಣಿಸ್ತಾಳೆ ನಮ್ಮ ಹಾರ್ಟ್ ಕದ್ದ ನಿಶ್ವಿಕಾ ನಾಯ್ಡು ಅಂತಿದ್ದಾರೆ ಪಡ್ಡೆ ಹುಡುಗ್ರು..!

ಕಿಚ್ಚ ಸುದೀಪ್ ಇತ್ತೀಚಿಗೆ ಫ್ಯಾಮಿಲಿ, ಮಗಳು ಅಂತನೇ ಇದ್ದಾರೆ. ಆದರೆ ಸಿನಿಮಾ ಬಗ್ಗೆ ಯಾವುದೇ ರೀತಿಯ ಸುಳಿವು ಇಲ್ಲ. ಮುಂದೆ Bigboss ಸೀಸನ್ ನಲ್ಲಿ ನಿರೂಪಣೆ ಮಾಡೋದು ಕೂಡ ಡೌಟ್ ಅಂತ ಹೇಳಲಾಗುತ್ತಿದೆ. ಬಾಲಿವುಡ್ ತನಕ ನಂಟಿರೋ ಕಿಚ್ಚ ಇನ್ನೂ ಮುಂದೆ ಸಿನಿಮಾ ಮಾಡಿದ್ರೆ ಫ್ಯಾನ್ಸ್ ಗೆ ಕಿಕ್ ಕೊಡೋ ರೀತಿಯಲ್ಲೇ ಇರಬೇಕು ಅನ್ನೋ ಮಹದಾಸೆ ಕೂಡ ಇದಿಯಂತೆ.

ಇದನ್ನೂ ಓದಿ- ಅಮ್ಮನ ತಾಳಿ ಮತ್ತು ಮೂಗುಬೊಟ್ಟನ್ನ ಪತ್ನಿಗೆ ಕೊಟ್ಟ ನಟ ವಸಿಷ್ಠ ಸಿಂಹ ! ಯಾಕೆ ಗೊತ್ತಾ?