ಯುಜುವೇಂದ್ರ ಚಹಾಲ್‌ ಜೊತೆಗಿನ ವಿಚ್ಛೇದನದ ನಂತರ ಧನಶ್ರೀ ಪಡೆಯಲಿರುವ ಜೀವನಾಂಶ ಎಷ್ಟು ಗೊತ್ತಾ..?

Yuzvendra Chahal: ನರ್ತಕಿ ಹಾಗೂ ನೃತ್ಯ ಸಂಯೋಜಕಿ ಧನಶ್ರೀ ವರ್ಮಾ ಮತ್ತು ಭಾರತೀಯ ಕ್ರಿಕೆಟಿಗ ಯುಜುವೇಂದ್ರ ಸಿಂಗ್ ಚಹಾಲ್ ಇತ್ತೀಚಿನ ದಿನಗಳಲ್ಲಿ ಸಾಕಷ್ಟು ಸುದ್ದಿಯಲ್ಲಿದ್ದಾರೆ. ಇಬ್ಬರ ವೈಯುಕ್ತಿಕ ಬದುಕಿನಲ್ಲಿ ನೆಯುತ್ತಿರುವ ಬೆಳವಣಿಗೆಗಳು ಇದಕ್ಕೆಲ್ಲಾ ಕಾರಣ, ಈ ಇಬ್ಬರೂ ವಿಚ್ಛೇದನ ಪಡೆಯಲಿದ್ದಾರೆ ಎಂಬ ಸುದ್ದಿ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ. 

ಇಬ್ಬರು ಕೂಡ ಶೀಘ್ರವೇ ವಿಚ್ಛೇದನ ಪಡೆಯಲಿದ್ದಾರೆ ಎನ್ನುವ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡಿತ್ತು, ಇದೀಗ ಇದರ ಬೆನ್ನಲ್ಲೆ ಇಬ್ಬರೂ ಸಾಮಾಜಿಕ ಜಾಲತಾಣಗಳಲ್ಲಿ ಒಬ್ಬರನ್ನೊಬ್ಬರು ಪರಸ್ಪರ ಅನ್ ಫಾಲೋ ಮಾಡಿದ್ದಾರೆ. ಒಟ್ಟಿಗೆ ಕ್ಲಿಕ್ ಮಾಡಿದ ಎಲ್ಲಾ ಫೋಟೋಗಳನ್ನು ಸಹ ಡಿಲೀಟ್‌ ಮಾಡಿದ್ದಾರೆ. ವರದಿಗಳ ಪ್ರಕಾರ ಅವರಿಬ್ಬರ ಆಪ್ತ ವ್ಯಕ್ತಿಯೊಬ್ಬರು ದಂಪತಿಗಳು ಬೇರೆಯಾಗಲಿದ್ದಾರೆ ಎಂದು ಹೇಳಿದ್ದು, ಇವರಿಬ್ಬರ ಬಿರುಕೆಗೆ ನಿಖರವಾದ ಕಾರಣ ಏನು ಎಂಬುದು ಇನ್ನೂ ಕೂಡ ತಿಳಿದು ಬಂದಿಲ್ಲ. ಇಬ್ಬರೂ ಬೇರ್ಪಟ್ಟರೆ ಧನಶ್ರೀಗೆ ಜೀವನಾಂಶ ಎಷ್ಟು ಸಿಗುತ್ತದೆ ಎಂಬುದನ್ನು ತಿಳಿಯಲು ಮುಂದೆ ಓದಿ...

ಧನಶ್ರೀ ಮತ್ತು ಯುಜುವೇಂದ್ರ ಪ್ರತ್ಯೇಕಗೊಂಡರೆ, ಕಾನೂನಿನ ಪ್ರಕಾರ, ಆಸ್ತಿಯ 50-50 ರಷ್ಟು ಪಾಲು ಅವರ ನಡುವೆ ಹಂಚಿಕೆಯಾಗುತ್ತದೆ. ಚಾಹಲ್ ಒಂದು ವರ್ಷಕ್ಕೆ ಸುಮಾರು 45 ಕೋಟಿ ರೂಪಾಯಿ ಗಳಿಸುತ್ತಾರೆ. ಅಲ್ಲದೆ, ಕ್ರಿಕೆಟ್‌ ಅಷ್ಟೆ ಅಲ್ಲದೆ ಚಹಾಲ್‌ ಆದಾಯ ಬರುವಂತಹ ಹಲವು ಮೂಲಗಳನ್ನು ಹೊಂದಿದ್ದಾರೆ. 2024 ರ ಐಪಿಎಲ್‌ನಲ್ಲಿ 6.4 ಕೋಟಿ ಗಳಿಸಿದ್ದ ಚಹಾಲ್‌, ಈ ವರ್ಷದ ಹರಾಜಿನಲ್ಲಿ ಬರೋಬ್ಬರಿ 18 ಕೋಟಿಗೆ ಹರಾಜಾಗಿದ್ದಾರೆ, ಬಿಸಿಸಿಐನಿಂದ 1 ಕೋಟಿ ಪಡೆದಿರುವ ಚಹಾಲ್‌ ಇದಷ್ಟೆ ಅಲ್ಲದೆ, ಬ್ರಾಂಡ್‌ ಅನುಮೋದನೆಯ ಮೂಲಕ ಸಾಕಷ್ಟು ಹಣವನ್ನು ಸಂಪಾದನೆ ಮಾಡಿದ್ದಾರೆ.

ಧನಶ್ರೀ ಬಗ್ಗೆ ಹೇಳುವುದಾದರೆ, ಅವರ ವಾರ್ಷಿಕ ಆದಾಯ ಸುಮಾರು 25 ಕೋಟಿ ಎಂದು ಹೇಳಲಾಗುತ್ತಿದೆ. ಮಾಡೆಲ್, ನೃತ್ಯ ಸಂಯೋಜಕಿ ಮತ್ತು ವೃತ್ತಿಯಲ್ಲಿ ಸೋಷಿಯಲ್‌ ಮೀಡಿಯಾ ಇನ್‌ಫ್ಲೂಎನ್‌ಸರ್‌ ಆಗಿರುವ ಅವರು ಅತ್ಯಧಿಕ ಗಳಿಕೆಯು ನೃತ್ಯ ವೀಡಿಯೊಗಳಿಂದ ಬರುತ್ತದೆ. ಇನ್ನೂ 2020 ರಲ್ಲಿ ವಿವಾಹವಾಗಿದ್ದ ಯುಜುವೇಂದ್ರ ಚಹಾಲ್‌ ಹಾಗೂ ಧನುಶ್ರೀ ಇಬ್ಬರೂ ಕೂಡ ವಿಚ್ಛೇದನ ಪಡೆಯಲಿದ್ದಾರೆ ಎನ್ನುವ ಸುದ್ದಿ ಸಾಕಷ್ಟು ದಿನಗಳಿಂದ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿತ್ತು. ಇದೀಗ ಜೋಡಿ ಪರಸ್ಪರ ಫೋಟೋಗಳನ್ನು ಡಿಲೀಟ್‌ ಮಡಿರುವುದು ವಿಚ್ಛೇದನ ವದಂತಿಗಳಿಗೆ ಮತ್ತಷ್ಟು ಪುಷ್ಠಿ ನೀಡಿರುವುದಲ್ಲದೆ, ಅಭಿಮಾನಿಗಲಿಗೆ ಶಾಕ್‌ ನೀಡಿದೆ.