ʼ13ʼ ಸೆಪ್ಟೆಂಬರ್‌ 15ರಂದು ತೆರೆಗೆ

Raghavendra Rajkumar : 25 ವರ್ಷಗಳ ಬಳಿಕ ನಟ ರಾಘವೇಂದ್ರ ರಾಜಕುಮಾರ್‌ ಮತ್ತು ನಟಿ ಶ್ರುತಿ ಚಿತ್ರ ʼ13ʼ ರ ಮೂಲಕ ಒಟ್ಟಾಗಿ ನಟಿಸುತ್ತಿದ್ದು, ಸಿನಿಮಾ ಸೆಪ್ಟೆಂಬರ್‌ 15 ರಂದು ತೆರೆ ಕಾಣಲಿದೆ. ಚಿತ್ರದ ಪ್ರಚಾರಕ್ಕಾಗಿ ಶನಿವಾರ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ನಟ ರಾಘವೇಂದ್ರ ರಾಜಕುಮಾರ್‌ ʼ ನಾನು ಮತ್ತು ಶ್ರುತಿ 25 ವರ್ಷಗಳ ನಂತರ ಮತ್ತೇ ಒಟ್ಟಾಗಿ ಈ ಸಿನಿಮಾದಲ್ಲಿ ನಟಿಸಿದ್ದೇವೆ.

ಹಿಂದೂ-ಮುಸ್ಲಿಂ ಪತಿ-ಪತ್ನಿಯ ಜೀವನ ಕುರಿತು ಒಳಗೊಂಡ ಈ ಸಿನಿಮಾ, ಪ್ರೇಕ್ಷಕರನ್ನು ಕ್ಷಣಕ್ಷಣದಲ್ಲೂ ಕೂತುಹಲ ಮೂಡಿಸುತ್ತಾ ಕ್ಲೈಮ್ಯಾಕ್ಸ್‌ವರೆಗೂ ಕರೆದುಕೊಂಡು ಹೋಗುತ್ತದೆ. ಮೈಸೂರು ಎಂದರೆ ಅಪ್ಪಾಜಿಗೆ ಇಷ್ಟವಾದ ಊರು. ಮೈಸೂರುನಲ್ಲಿ ಚಿತ್ರೀಕರಣದಲ್ಲಿ ತೊಡಗಿಕೊಂಡಿದ್ದು ನನಗೂ ಇಷ್ಟವಾದ ಸಂಗತಿ. ಈ ಊರಿಗೊಂದು ಪಾರಂಪಿಕತೆಯಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು. 

ಇದನ್ನು ಓದಿ: ಶಿವಾಜಿ ಸುರತ್ಕಲ್ ಸಕ್ಸಸ್‌ ಬೆನ್ನಲ್ಲೇ 'ದೈಜಿ' ಕೈ ಹಾಕಿದ ರಮೇಶ್‌ ಅರವಿಂದ್‌..! 

ಈ ಚಿತ್ರದ ನಿರ್ದೇಶಕ ಕೆ.ನರೇಂದ್ರ ಬಾಬು ಮಾತನಾಡಿ ʼಪಾಲಳ್ಳಿ ಗ್ರಾಮದ ಸುತ್ತ ಶೇ40 ರಷ್ಟು ಚಿತ್ರೀಕರಣ ನಡೆಸಿದ್ದು, ವಿಭಿನ್ನ ಪರಿಕಲ್ಪನೆಯಲ್ಲಿ ಮೂಡಿಬಂದಿದೆ. ಮತ್ತು ನನ್ನ ನಿರ್ದೇಶನದ ಎಂಟನೇ ಚಿತ್ರ ಇದಾಗಿದೆ. ಈಗಾಗಲೇ ಚಿತ್ರದ ಟೀಸರ್‌, ಟ್ರೈಲರ್‌ ಹಾಗೂ ಹಾಡುಗಳು ರಿಲೀಸ್‌ ಆಗಿವೆ ಎಂದರು. 

ಸೆ.15ರಂದು ರಾಜ್ಯಾದ್ಯಂತ ಸಿನಿಮಾ ಬಿಡುಗಡೆಗೊಳ್ಳಲಿದ್ದು, 200ಕ್ಕೂ ಅಧಿಕ ಚಿತ್ರಮಂದಿರಗಳಲ್ಲಿ ರಿಲೀಸ್‌ ಆಗಲಿದೆ. ನಟ ರಾಘವೇಂದ್ರ ರಾಜಕುಮಾರ್‌, ಶ್ರುತಿ, ಪ್ರಮೋದ್‌ ಶೆಟ್ಟಿ ಹಾಗೂ ಬಾಲನಟ ವೇದಾಂತ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ ಎಂದು ಚಿತ್ರದ ನಿರ್ಮಾಪಕರಲ್ಲಿ ಒಬ್ಬರಾದ ಕೆ.ಸಂಪತ್‌ಕುಮಾರ್‌ ತಿಳಿಸಿದ್ದಾರೆ.