ʼಜವಾನ್‌ʼ ರಿಲೀಸ್‌ಗೂ ಮುನ್ನ ತಿರುಪತಿ ದೇವಸ್ಥಾನದಲ್ಲಿ ಶಾರುಖ್‌ಖಾನ್‌

Shah Rukh Khan: ‌ʼಜವಾನ್ʼ ಚಿತ್ರಮಂದಿರಕ್ಕೆ ಬರಲು ಇನ್ನೇನು ಎರಡೇ ದಿನಗಳು ಬಾಕಿಯಿದ್ದು, ಬಾಲಿವುಡ್ ಸೂಪರ್‌ಸ್ಟಾರ್‌ ಶಾರುಖ್‌ಖಾನ್‌ ಅವರ ಪುತ್ರಿ ಸುಹಾನಾ ಖಾನ್‌ ಮತ್ತು ಮ್ಯಾನೇಜರ್‌ ನಯನತಾರಾ ಅವರೊಂದಿಗೆ ಮಂಗಳವಾರ ತಿರುಪತಿಯ ತಿರುಮಲ ದೇವಸ್ಥಾನದಲ್ಲಿ ಪ್ರಾರ್ಥನೆ ಸಲ್ಲಿಸಿದರು. ಅವರೊಟ್ಟಿಗೆ ʼಜವಾನ್‌ʼ ನಾಯಕಿ ನಯನತಾರಾ ಕೂಡ ತೆರಳಿದ್ದರು.

ಸಿನಿಮಾವು ರೆಡ್‌ ಚಿಲ್ಲಿಸ್‌ ಎಂಟರ್‌ಟೈನ್‌ಮೆಂಟ್‌ ಅಡಿಯಲ್ಲಿ ನಿರ್ಮಾಣವಾಗಿದ್ದು, ಅಟ್ಲಿ ಕುಮಾರ್‌ ನಿರ್ದೇಶಕರು, ಗೌರಿ ಖಾನ್‌ ನಿರ್ಮಾಣ ಮತ್ತು ಗೌರವ್‌ ವರ್ಮಾ ನಿರ್ಮಾಪಕರಾಗಿದ್ದಾರೆ. ಸೆಪ್ಟೆಂಬರ್‌ 7, 2023ರಂದು ಚಿತ್ರಮಂದಿರಗಳಲ್ಲಿ ವಿಶ್ವದಾದ್ಯಂತ ಹಿಂದಿ, ತಮಿಳು, ತೆಲುಗು ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ. ಸಿನಿಮಾದಲ್ಲಿ ದೀಪಿಕಾ ಪಡುಕೋಣೆ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡರೆ, ವಿಜಯ್‌ ಸೇತುಪತಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಸುನಿಲ್‌ ಗ್ರೋವರ್‌, ಸನ್ಯಾ ಮಲ್ಹೋತ್ರಾ, ರಿದ್ದಿ ಡೋಗ್ರಾ, ಸಂಜೀತಾ ಭಟ್ಟಾಚಾರ್ಯ, ಗಿರಿಜಾ ಓಕ್‌ ಮತ್ತು ಲೆಹರ್‌ ಖಾನ್‌ ಕೂಡ ಕಾಣಿಸಿಕೊಂಡಿದ್ದಾರೆ.

ಅಗಸ್ಟ್‌ 31ರಂದು ನಿರ್ಮಾಪಕ ಗೌರವ್‌ ವರ್ಮಾ ಟ್ರೇಲರ್‌ ಬಿಡುಗಡೆಗೊಳಿಸಿದ ನಂತರ ಶಾರುಕ್‌ ಖಾನ್‌ ಅವರ ಲುಕ್‌, ಡೈಲಾಗ್‌ಗಳು, ಆರು ಮಹಿಳೆಯರ ತಂಡವು ದೇಶಾದ್ಯಂತ ವಿವಿಧ ದರೋಡೆಗಳನ್ನು ನಡೆಸುವ ದೃಶ್ಯವನ್ನು ಟ್ರೇಲರ್‌ ತೋರಿಸಿದೆ. ಆದರೆ ಟ್ರೇಲರ್‌ ಕಥಾವಸ್ತುವಿನ ವಿವರಗಳನ್ನು ಮುಚಿಟ್ಟು, ಅಭಿಮಾನಗಳಲ್ಲಿ ಕೂತುಹಲವನ್ನು ಸೃಷ್ಟಿಸಿದ್ದಾರೆ.