ಈ ಲಕ್ಷಣಗಳು ನಿಮ್ಮ ದೇಹದಲ್ಲಿ ಕಾಣಿಸಿಕೊಂಡರೆ, ತಕ್ಷಣವೇ ಮದ್ಯ ಸೇವನೆ ನಿಲ್ಲಿಸಿ..!

Alcohol side effects on body : ಪ್ರತಿ ಹತ್ತರಲ್ಲಿ ನಾಲ್ವರು ಮದ್ಯಪಾನ ಮಾಡುವ ಅಭ್ಯಾಸ ಹೊಂದಿರುತ್ತಾರೆ. ಮದ್ಯದ ಅಭ್ಯಾಸ ಆರೋಗ್ಯ ಒಳ್ಳೆಯದಲ್ಲ. ಆದ್ರೆ, ಸ್ವಲ್ಪ ಪ್ರಮಾಣದ ಮದ್ಯಪಾನ ಮಾಡಿದರೆ ತಪ್ಪಿಲ್ಲ ಅಂತ ವೈದ್ಯರು ಹೇಳುತ್ತಾರೆ. ಆಲ್ಕೋಹಾಲ್ ಎಷ್ಟೇ ಸೇವಿಸಿದರೂ ಅದು ಆರೋಗ್ಯಕ್ಕೆ ಹಾನಿಕರ ಎಂದು ಹಲವು ಸಮೀಕ್ಷೆಗಳು ಬಹಿರಂಗ ಪಡಿಸಿವೆ.. ಮದ್ಯಪಾನ ನಿಮ್ಮ ಆರೋಗ್ಯ ಮತ್ತು ಜೀವನವನ್ನು ಹಾನಿಗೊಳಿಸುತ್ತದೆ ಎಚ್ಚರ.

ಆಲ್ಕೋಹಾಲ್ ಸೇವನೆಯಿಂದ ಕೆಲವು ಸಮಸ್ಯೆಗಳನ್ನು ಉಂಟಾಗುತ್ತವೆ. ಆ ರೋಗಲಕ್ಷಣಗಳು ಕಾಣಿಸಿಕೊಂಡ ತಕ್ಷಣವೇ ಮದ್ಯಪಾನವನ್ನು ನಿಲ್ಲಿಸಬೇಕು ಎಂದು ವೈದ್ಯಕೀಯ ತಜ್ಞರು ಹೇಳುತ್ತಾರೆ. ಮದ್ಯದ ಪ್ರಭಾವದಿಂದ ಮನುಷ್ಯನಿಗೆ ಅನೇಕ ಸಮಸ್ಯೆಗಳು ಉದ್ಭವಿಸುತ್ತವೆ ಎಂದು ತಿಳಿದುಬಂದಿದೆ. ಆಂತರಿಕ ಮತ್ತು ಬಾಹ್ಯ ಸಮಸ್ಯೆಗಳು ಸಂಭವಿಸುತ್ತವೆ ಎಂದು ಅನೇಕ ಅಧ್ಯಯನಗಳು ತೋರಿಸಿವೆ. 

ಇದನ್ನೂ ಓದಿ:ಬಾಳೆಹಣ್ಣು ಮತ್ತು ತುಪ್ಪ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು..! ವಿಶೇಷವಾಗಿ ಪುರುಷರಿಗೆ

ಮದ್ಯಪಾನ ಮಾಡುವವರು ತಮ್ಮ ಆರೋಗ್ಯದ ಬಗ್ಗೆ ಹೆಚ್ಚು ಗಮನ ಹರಿಸಬೇಕು. ಅನಾರೋಗ್ಯದ ಯಾವುದೇ ಲಕ್ಷಣಗಳು ಕಂಡುಬಂದರೆ, ಆಲ್ಕೋಹಾಲ್ ಅನ್ನು ತಕ್ಷಣವೇ ನಿಲ್ಲಿಸಬೇಕು. ಬೆಳಿಗ್ಗೆ ಎದ್ದ ಮೇಲೆ ಅನಾರೋಗ್ಯದ ಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ. ತೂಕಡಿಕೆ.. ದೇಹದಲ್ಲಿ ಆಯಾಸ.. ಸುಸ್ತಾಗಿದ್ದಲ್ಲಿ ಮದ್ಯ ಸೇವನೆ ನಿಲ್ಲಿಸಬೇಕು.

ಆಲ್ಕೊಹಾಲ್ ರೋಗ ನಿರೋಧಕ ಶಕ್ತಿಯನ್ನು ಕುಂದಿಸಿ, ನಿಮ್ಮ ದೇಹವನ್ನು ದುರ್ಬಲಗೊಳಿಸುತ್ತದೆ. ಇದರಿಂದಾಗಿ ಸಣ್ಣಪುಟ್ಟ ವಿಷಯಗಳಿಗೂ ಅನಾರೋಗ್ಯ ಕಾಡುತ್ತದೆ. ಆಗಾಗ್ಗೆ ಅನಾರೋಗ್ಯಕ್ಕೆ ಒಳಗಾಗುತ್ತೀರಾ. ಈ ಸಂದರ್ಭದಲ್ಲಿ ನೀವು ಮದ್ಯಪಾನ ಸೇವನೆ ನಿಲ್ಲಿಸುವುದು ಉತ್ತಮ.

ಇದನ್ನೂ ಓದಿ:ಸ್ಟೈಲ್‌ಗಾಗಿ ನೀವು ಬೆಳೆಸುವ ಉಗುರುಗಳಲ್ಲಿ ಎಷ್ಟು ರೀತಿಯ ಬ್ಯಾಕ್ಟೀರಿಯಾ ಇರುತ್ತೆ ಗೊತ್ತೆ..! 

ನಿದ್ರಾಹೀನತೆಯು ಆಲ್ಕೋಹಾಲ್ ಕುಡಿಯಲು ಒಂದು ಕಾರಣ ಎಂದು ಹೇಳಲಾಗುತ್ತದೆ. ಮದ್ಯಪಾನದಿಂದ ನಿದ್ದೆ ಬರುತ್ತದೆ ಎಂದು ಹೇಳುವುದು ಭ್ರಮೆ. ನಶೆಯಿಂದಲೇ ಮಲಗುವ ನಿದ್ದೆ ಅದು ಸಂಪೂರ್ಣ ನಿದ್ದೆಯಾಗಿರುವುದಿಲ್ಲ. ಆಲ್ಕೋಹಾಲ್ ಸೇವಿಸಿದ ನಂತರವೂ ನೀವು ನಿದ್ರಾಹೀನತೆಯನ್ನು ಅನುಭವಿಸುತ್ತಿದ್ದರೆ, ಮದ್ಯಪಾನವನ್ನು ನಿಲ್ಲಿಸುವ ಸಮಯ ಬಂದಿದೆ ಅಂತ ಅರ್ಥ.

ಹೊಟ್ಟೆಯಲ್ಲಿ ಉಬ್ಬುವುದು ಇದ್ದರೆ, ಅದು ಮದ್ಯದ ಪರಿಣಾಮ ಎಂದು ಗುರುತಿಸಬೇಕು. ಆಲ್ಕೊಹಾಲ್ ಜೀರ್ಣಾಂಗ ವ್ಯವಸ್ಥೆಯನ್ನು ಗಂಭೀರವಾಗಿ ಹಾನಿಗೊಳಿಸುತ್ತದೆ. ಅಜೀರ್ಣ ಮತ್ತು ಉಬ್ಬುವುದು ಮುಂತಾದ ಲಕ್ಷಣಗಳು ಕಾಣಿಸಿಕೊಂಡರೆ ಮದ್ಯಪಾನವನ್ನು ನಿಲ್ಲಿಸಬೇಕು.

ಇದನ್ನೂ ಓದಿ:ಸ್ಟೈಲ್‌ಗಾಗಿ ನೀವು ಬೆಳೆಸುವ ಉಗುರುಗಳಲ್ಲಿ ಎಷ್ಟು ರೀತಿಯ ಬ್ಯಾಕ್ಟೀರಿಯಾ ಇರುತ್ತೆ ಗೊತ್ತೆ..! 

ಆಲ್ಕೋಹಾಲ್ ಸಹ ಚರ್ಮದ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. ತುರಿಕೆ ಮತ್ತು ದದ್ದು ಇದ್ದರೆ ಅದು ಮದ್ಯದ ಕಾರಣದಿಂದಾಗಿ ಎಂದು ಅರ್ಥಮಾಡಿಕೊಳ್ಳಬೇಕು. ಮದ್ಯವನ್ನು ತಕ್ಷಣವೇ ನಿಲ್ಲಿಸಿದರೆ ಉತ್ತಮ ಪ್ರಯೋಜನವನ್ನು ಕಾಣಬಹುದು.

ಹಲ್ಲು ಮತ್ತು ವಸಡಿನ ಸಮಸ್ಯೆ ಬಂದರೆ ಅದು ಮದ್ಯಪಾನದಿಂದಲೂ ಬರಬಹುದು. ಆಲ್ಕೋಹಾಲ್‌ನಲ್ಲಿರುವ ರಾಸಾಯನಿಕಗಳು ಹಲ್ಲಿನ ದಂತಕವಚದ ಮೇಲೆ ದಾಳಿ ಮಾಡುತ್ತವೆ. ಮದ್ಯಪಾನ ಮಾಡುವುದನ್ನು ನಿಲ್ಲಿಸಿ. ಆಲ್ಕೋಹಾಲ್ ಯಾವುದೇ ರೂಪದಲ್ಲಿ ಆರೋಗ್ಯಕ್ಕೆ ಒಳ್ಳೆಯದಲ್ಲ ಎಂದು ಅರ್ಥಮಾಡಿಕೊಳ್ಳಬೇಕು.