Corona Care Tips: ಕೋವಿಡ್‌ನಿಂದ ಬಚಾವಾಗಲು ಇಡೀ ದಿನ ಬಿಸಿನೀರು ಕುಡಿಯುತ್ತಿದ್ದರೆ ಅದು ಎಷ್ಟು ಅಪಾಯಕಾರಿ ಗೊತ್ತೇ?

ಬೆಂಗಳೂರು: ಇತ್ತೀಚಿನ ದಿನಗಳಲ್ಲಿ ಕರೋನಾವೈರಸ್ ನಿಂದ ಬಚಾವಾಗಲು ಪ್ರತಿಯೊಬ್ಬರೂ ಹಲವು ರೀತಿಯ ಕ್ರಮಗಳನ್ನು ಕೈಗೊಳ್ಳುತ್ತಾರೆ. ಅವುಗಳಲ್ಲಿ ಒಂದು ಬಿಸಿನೀರು ಸೇವನೆ. ಬಿಸಿನೀರು ಸೇವನೆಯಿಂದ ಕೋವಿಡ್‌ನಿಂದ ಬಚಾವಾಗಬಹುದು ಎಂಬುದು ಹಲವರ ನಂಬಿಕೆಯಾಗಿದೆ.

ಬಿಸಿನೀರು ಕುಡಿಯುವುದರಿಂದ ಬಾಯಾರಿಕೆ ತಣಿಸುವುದಿಲ್ಲ, ಆದರೆ ಬಿಸಿನೀರು ಗಂಟಲಿನ ನೋವನ್ನು ನಿವಾರಿಸುತ್ತದೆ ಮತ್ತು ಗಂಟಲು ಸ್ವಚ್ಛವಾಗಿಡಲು ಸಹ ಇದು ಪರಿಣಾಮಕಾರಿಯಾಗಿದೆ ಎಂದು ನಂಬಲಾಗಿದೆ. ಅನೇಕ ಜನರು ಬೆಳಿಗ್ಗೆ ಬಿಸಿನೀರು (Hot Water) ಕುಡಿಯುತ್ತಾರೆ ಮತ್ತು ಇದು ಆರೋಗ್ಯಕ್ಕೂ ತುಂಬಾ ಒಳ್ಳೆಯದು, ಆದರೆ ದಿನವಿಡೀ ಬಿಸಿನೀರು ಕುಡಿಯುವುದರಿಂದ ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮ ಉಂಟಾಗುತ್ತದೆ ಎಂದು ನಿಮಗೆ ತಿಳಿದಿದೆಯೇ?

ಇದನ್ನೂ ಓದಿ - Steam ಪಡೆಯುವುದರಿಂದ ಕರೋನಾದಿಂದ ರಕ್ಷಣೆ ಪಡೆಯಬಹುದೇ? ಇಲ್ಲಿದೆ ಸತ್ಯಾಸತ್ಯತೆ

* ಮೂತ್ರಪಿಂಡದ ಮೇಲೆ ಪರಿಣಾಮ :
ಮಾನವ ಮೂತ್ರಪಿಂಡಗಳು ವಿಶೇಷ ರೀತಿಯ ಕ್ಯಾಪಿಲ್ಲರಿ ವ್ಯವಸ್ಥೆಯನ್ನು ಹೊಂದಿದ್ದು ಅದು ಹೆಚ್ಚುವರಿ ನೀರು (Water) ಮತ್ತು ಜೀವಾಣುಗಳನ್ನು ತೆಗೆದುಹಾಕುತ್ತದೆ. ತಜ್ಞರ ಪ್ರಕಾರ, ಹೆಚ್ಚು ಬಿಸಿನೀರು ಕುಡಿಯುವುದರಿಂದ ನಮ್ಮ ಮೂತ್ರಪಿಂಡಗಳ ಮೇಲೆ ಪರಿಣಾಮ ಬೀರುತ್ತದೆ, ಇದರಿಂದಾಗಿ ಮೂತ್ರಪಿಂಡಗಳು ಕಾರ್ಯನಿರ್ವಹಿಸಲು ತೊಂದರೆ ಉಂಟಾಗುತ್ತದೆ.

* ಸ್ಲೀಪ್ ಅಪ್ನಿಯಾ:
ರಾತ್ರಿಯಲ್ಲಿ ನಿದ್ದೆ ಮಾಡುವಾಗ ಬಿಸಿನೀರು ಕುಡಿಯುವ ಅಭ್ಯಾಸ ನಿಮ್ಮಲ್ಲಿದ್ದರೆ ನಿಮಗೆ ನಿದ್ರಾಹೀನತೆ ಸಮಸ್ಯೆ ಇರಬಹುದು. ಬಿಸಿ ನೀರನ್ನು ಕುಡಿಯುವ ಮೂಲಕ ರಾತ್ರಿಯಲ್ಲಿ ಹೆಚ್ಚು ನೀರು ಸೇವಿಸುವ ಸಮಸ್ಯೆಯೂ ನಿಮಗೆ ಇರಬಹುದು. ಹಾಗಾಗಿ ರಾತ್ರಿ ವೇಳೆ ಬಿಸಿ ನೀರನ್ನು ಕುಡಿಯದಿದ್ದರೆ ಒಳ್ಳೆಯದು ಎಂದು ಹೇಳಲಾಗುತ್ತದೆ.

* ಅಧಿಕ ರಕ್ತದೊತ್ತಡದ ಅಪಾಯ :
ಹೆಚ್ಚು ಬಿಸಿನೀರು ಕುಡಿಯುವುದರಿಂದ ನಿಮ್ಮ ದೇಹದಲ್ಲಿನ ರಕ್ತದ ಪ್ರಮಾಣ ಹೆಚ್ಚಾಗುತ್ತದೆ. ರಕ್ತದ ಹರಿವು ಒಂದು ಮುಚ್ಚಿದ ವ್ಯವಸ್ಥೆಯಾಗಿದೆ ಮತ್ತು ಹೆಚ್ಚಿನ ಪ್ರಮಾಣದಲ್ಲಿ ಬಿಸಿನೀರನ್ನು ಕುಡಿಯುವುದರಿಂದ ಅಧಿಕ ರಕ್ತದೊತ್ತಡ ಮತ್ತು ಇತರ ಹೃದಯ ಸಂಬಂಧಿತ ಕಾಯಿಲೆಗಳಿಗೆ ಕಾರಣವಾಗಬಹುದು.

ಇದನ್ನೂ ಓದಿ - Immunity Booster Drink: ಕರೋನಾ ಯುಗದಲ್ಲಿ ರಾಮಬಾಣವಾಗಿ ಕಾರ್ಯನಿರ್ವಹಿಸಲಿದೆ ಈ ಪಾನೀಯ

* ರಕ್ತನಾಳಗಳಲ್ಲಿ ಉರಿಯೂತದ ತೊಂದರೆಗಳು:
ನೀವು ಬಾಯಾರಿಕೆಯಿಲ್ಲದೆ ಬಿಸಿನೀರನ್ನು ಕುಡಿಯುತ್ತಿದ್ದರೆ, ಅದು ನಿಮಗೆ ತುಂಬಾ ಅಪಾಯಕಾರಿ. ಇದು ನಿಮ್ಮ ಮೆದುಳಿನಲ್ಲಿ ಊತಕ್ಕೆ ಕಾರಣವಾಗಬಹುದು ಮತ್ತು ತಲೆನೋವು ಉಂಟುಮಾಡಬಹುದು. ಆದ್ದರಿಂದ ಬಾಯಾರಿಕೆ ಇಲ್ಲದೆ ಬಿಸಿನೀರು ಕುಡಿಯದಂತೆ ವಿಶೇಷ ಕಾಳಜಿ ವಹಿಸಿ.

*  ಆಂತರಿಕ ಅಂಗಗಳ ಮೇಲೆ ಕೆಟ್ಟ ಪರಿಣಾಮ:
ಬಿಸಿನೀರು ಕುಡಿಯುವುದರಿಂದ ದೇಹದ ಉಷ್ಣತೆಯ ಮೇಲೂ ಪರಿಣಾಮ ಬೀರುತ್ತದೆ. ದೇಹದ ಆಂತರಿಕ ಅಂಗಗಳಲ್ಲಿ ಕಿರಿಕಿರಿಯುಂಟುಮಾಡುವ ಅಪಾಯವೂ ಹೆಚ್ಚಾಗುತ್ತದೆ. ಏಕೆಂದರೆ ಆಂತರಿಕ ಅಂಗಗಳ ಅಂಗಾಂಶಗಳು ಬಹಳ ಸೂಕ್ಷ್ಮವಾಗಿರುತ್ತವೆ. ಬೆಚ್ಚಗಿನ ನೀರನ್ನು ಪದೇ ಪದೇ ಕುಡಿಯುವುದರಿಂದ ನಿಮ್ಮ ಆಂತರಿಕ ಅಂಗಗಳಲ್ಲಿ ಗುಳ್ಳೆಗಳು ಉಂಟಾಗಬಹುದು.