ಡೆಂಗ್ಯೂ-ಮಲೇರಿಯಾವಲ್ಲದೆ, ಮತ್ತೊಂದು ಮಾರಣಾಂತಿಕ ರೋಗಕ್ಕೆ ದೆಹಲಿಯಲ್ಲಿ 24 ಬಲಿ

ನವದೆಹಲಿ: ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಡೆಂಗ್ಯೂ, ಮಲೇರಿಯಾದಿಂದಾಗಿ ಈಗಾಗಲೇ ಭೀತಿ ತಲೆದೋರಿತ್ತು. ಈ ಮಧ್ಯೆ ಅಪಾಯಕಾರಿ ಕಾಯಿಲೆಯೊಂದು ಸಂಭವಿಸಿದ್ದು, ಇದೊಂದು ಮಾರಣಾಂತಿಕ ಕಾಯಿಲೆ ಎಂದು ಈಗಾಗಲೇ ಸಾಬೀತಾಗಿದೆ. ಕೆಲವೇ ತಿಂಗಳಲ್ಲಿ ಈ ರೋಗಕ್ಕೆ 24 ಮಂದಿ ಬಲಿಯಾಗಿದ್ದಾರೆ. ಮೃತಪಟ್ಟವರಲ್ಲಿ ಐದು ಜನರು ದೆಹಲಿ ಮೂಲದವರೇ ಆಗಿತ್ತು, ಉಳಿದವರು ಇತರ ರಾಜ್ಯಗಳಿಂದ ಬಂದವರಾಗಿದ್ದಾರೆ ಎಂದು ಅಧಿಕಾರಿಗಳು ಶುಕ್ರವಾರ ತಿಳಿಸಿದ್ದಾರೆ.

ಕಿಂಗ್ಸ್ವೇ ಕ್ಯಾಂಪ್ನಲ್ಲಿರುವ ಮಹರ್ಷಿ ವಾಲ್ಮೀಕಿ ಆಸ್ಪತ್ರೆಯಿಂದ ಈ  ಸಾಂಕ್ರಾಮಿಕ ರೋಗದ ಸಾಯುವ ಹೊಸ ಪ್ರಕರಣಗಳು ಹೊರಹೊಮ್ಮಿವೆ. ಹಿರಿಯ ಅಧಿಕಾರಿಯೊಬ್ಬರು, "ಸೆಪ್ಟೆಂಬರ್ 6 ರಿಂದ 183 ರೋಗಿಗಳು ಮುನಿಸಿಪಲ್ ಕಾರ್ಪೋರೇಶನ್ ಆಸ್ಪತ್ರೆಯಲ್ಲಿ ದಾಖಲಾಗಿದ್ದಾರೆ, ಅದರಲ್ಲಿ 23 ಮಂದಿ ಸಾವನ್ನಪ್ಪಿದ್ದಾರೆ" ಎಂದು ತಿಳಿಸಿದ್ದಾರೆ. ದೆಹಲಿ ಸರ್ಕಾರ ನಡೆಸುತ್ತಿರುವ LNJP ಆಸ್ಪತ್ರೆಯಲ್ಲಿ ಮತ್ತೋರ್ವ ರೋಗಿ ಸಾವನ್ನಪ್ಪಿದ್ದಾರೆ.

ಡಿಫ್ತಿರಿಯಾ ಎಂದರೇನು?
ಡಿಫ್ತಿರಿಯಾ ಒಂದು ಸಾಂಕ್ರಾಮಿಕ ರೋಗ. ಇದು ಒಬ್ಬ ವ್ಯಕ್ತಿಯಿಂದ ಇನ್ನೊಬ್ಬರಿಗೆ ಹರಡುವ ರೋಗ. ಇದು ಬ್ಯಾಕ್ಟೀರಿಯಾದ ಮೂಲಕ ಹರಡುತ್ತದೆ. ಈ ರೋಗದ ಸೋಂಕಿಗೆ ಒಳಗಾದಾಗ ಮೂಗು ಮತ್ತು ಗಂಟಲಿನ ಮೇಲೆ ಇದು ಸಂಪೂರ್ಣವಾಗಿ ಪರಿಣಾಮ ಬೀರುತ್ತವೆ. ಡಿಫ್ತಿರಿಯಾವು ಉಸಿರಾಟ, ಊತ ಮತ್ತು ದುರ್ಬಲತೆಗೆ ಕಾರಣವಾಗುತ್ತದೆ. ಇದರ ಮುಖ್ಯ ಗಮನವೆಂದರೆ, ಗಾಢ ಬೂದು ದ್ರವ್ಯದ ದಪ್ಪ ಪದರವು ಗಂಟಲಿನೊಳಗೆ ಸಂಗ್ರಹಿಸಲ್ಪಡುತ್ತದೆ. ಈ ಕಾರಣದಿಂದ, ಉಸಿರಾಟದಲ್ಲಿ ಸಮಸ್ಯೆ ಉಂಟಾಗುತ್ತದೆ.

ಸರಿಯಾದ ಸಮಯದಲ್ಲಿ ಡಿಫ್ತೀರಿಯಾವನ್ನು ಕಂಡುಕೊಳ್ಳುವುದು ಅತ್ಯಂತ ಮುಖ್ಯವಾದ ವಿಷಯವಾಗಿದೆ. ಈ ರೋಗದ ಸೋಂಕಿಗೆ ಒಳಗಾದ ಜನರು ಮನೆಯಲ್ಲಿ ಪ್ರತ್ಯೇಕವಾಗಿ ಇರುತ್ತಾರೆ. ವಿಶೇಷವಾಗಿ ಸೋಂಕಿತ ಜನರಿಂದ ಮಕ್ಕಳನ್ನು ದೂರವಿರಿಸಬೇಕು.