Green Tea: ಅತಿಯಾದ ಗ್ರೀನ್ ಟೀ ಸೇವನೆಯಿಂದ ಶರೀರದ ಈ ಅಂಗಕ್ಕೆ ಭಾರಿ ಡ್ಯಾಮೇಜ್ ಸಾಧ್ಯತೆ... ಎಚ್ಚರ!

Green Tea Side Effects: ಸಾಮಾನ್ಯವಾಗಿ ತೂಕ ಇಳಿಕೆ ಮಾಡಿಕೊಂಡು, ಫಿಟ್ ಆಗಿರಲು ಜನರು ಗ್ರೀನ್ ಟೀ ಅನ್ನು ಸೇವಿಸುತ್ತಾರೆ. ಇದು ಉತ್ಕರ್ಷಣ ನಿರೋಧಕಗಳು ಮತ್ತು ಪೋಷಕಾಂಶಗಳಿಂದ ಸಮೃದ್ಧವಾಗಿದೆ, ಇದರಿಂದ ಆರೋಗ್ಯ ಸುಧಾರಿಸುತ್ತದೆ. ಹೀಗಾಗಿ ಭಾರತದಲ್ಲಿ ಗ್ರೀನ್ ಟೀ ಕುಡಿಯುವ ಟ್ರೆಂಡ್ ಇತ್ತೀಚಿನ ದಿನಗಳಲ್ಲಿ ಕ್ರಮೇಣ ಹೆಚ್ಚುತ್ತಿದೆ. ಪೌಷ್ಠಿಕಾಂಶದ ಅಂಶಗಳಿಂದ ಸಮೃದ್ಧವಾಗಿರುವ ಈ ಚಹಾವನ್ನು ನೀವು ಅಧಿಕವಾಗಿ ಸೇವಿಸಿದರೆ, ನಿಮ್ಮ ಆರೋಗ್ಯವೂ ಸಹ ಹಾನಿಗೊಳಗಾಗಬಹುದು. ಹಸಿರು ಚಹಾದ ಪ್ರಯೋಜನಗಳಿಂದಾಗಿ, ಅನೇಕ ಜನರು ಅದನ್ನು ಅಗತ್ಯವಾಗಿ ಸೇವಿಸುತ್ತಾರೆ. ಆದರೆ, ಹೆಚ್ಚು ಗ್ರೀನ್ ಟೀ ಕುಡಿಯುವುದರಿಂದ ನಿಮ್ಮ ಸ್ನಾಯುಗಳನ್ನು ದುರ್ಬಲಗೊಳ್ಳಬಹುದು ಮತ್ತು ಯಕೃತ್ತಿಗೆ ಸಂಬಂಧಿಸಿದ ಸಮಸ್ಯೆಗಳು ಎದುರಾಗಬಹುದು. ಹೆಚ್ಚು ಗ್ರೀನ್ ಟೀ ಸೇವನೆಯಿಂದ ಆರೋಗ್ಯದಲ್ಲಿ ಏನೆಲ್ಲಾ ಸಮಸ್ಯೆಗಳು ಉಂಟಾಗಬಹುದು ಎಂಬುದನ್ನು ತಿಳಿದುಕೊಳ್ಳೋಣ ಬನ್ನಿ.

ಅತಿಯಾದ ಕೆಫೀನ್ ಇರುತ್ತದೆ
ಹಸಿರು ಚಹಾ ಸೇವನೆ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ, ಆದರೆ ಇದು ಅತಿಯಾದ ಕೆಫೀನ್ ಅನ್ನು ಹೊಂದಿರುತ್ತದೆ. ಒಂದು ಕಪ್ ಗ್ರೀನ್ ಟೀ 12 ಮಿಗ್ರಾಂ ಕೆಫೀನ್ ಅನ್ನು ಹೊಂದಿರುತ್ತದೆ. ಕೆಫೀನ್ ಸಾಮಾನ್ಯವಾದ ಚಹಾ ಮತ್ತು ಕಾಫಿಯಲ್ಲಿಯೂ ಕಂಡುಬರುತ್ತದೆ, ಇದರ ಅತಿಯಾದ ಸೇವನೆಯು ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಅತಿಯಾದ ಕೆಫೀನ್ ತಲೆತಿರುಗುವಿಕೆ, ನಿದ್ರಾಹೀನತೆ, ವಾಕರಿಕೆ ಮತ್ತು ಚಡಪಡಿಕೆಯಂತಹ ಸಮಸ್ಯೆಗಳಿಗೆ ಕಾರಣವಾಗಬಹುದು.

ಕಬ್ಬಿಣದ ಕೊರತೆಗೆ ಕಾರಣ
ಹಸಿರು ಚಹಾದ ಅತಿಯಾದ ಸೇವನೆಯು ದೇಹದಲ್ಲಿ ಕಬ್ಬಿಣದ ಕೊರತೆಯನ್ನು ಉಂಟುಮಾಡಬಹುದು. ಸಂಶೋಧನೆಯ ಪ್ರಕಾರ, ಹಸಿರು ಚಹಾದ ಅತಿಯಾದ ಸೇವನೆಯು ದೇಹದಲ್ಲಿ ಕಬ್ಬಿಣದ ಹೀರಿಕೊಳ್ಳುವಿಕೆಯನ್ನು ತಡೆಯುತ್ತದೆ. ಇದು ಕಬ್ಬಿಣದ ಕೊರತೆಗೆ ಕಾರಣವಾಗುತ್ತದೆ ಮತ್ತು ರಕ್ತಹೀನತೆಯ ಅಪಾಯವನ್ನು ಹೆಚ್ಚಿಸುತ್ತದೆ.

ಜೀರ್ಣಾಂಗ ವ್ಯವಸ್ಥೆ
ಹೆಚ್ಚು ಕೆಫೀನ್ ನಿಮ್ಮ ಜೀರ್ಣಾಂಗ ವ್ಯವಸ್ಥೆಯನ್ನು ಹಾನಿಗೊಳಿಸುತ್ತದೆ. ಅತಿಯಾಗಿ ಗ್ರೀನ್ ಟೀ ಕುಡಿಯುವುದರಿಂದ ಜೀರ್ಣಕಾರಿ ರಸದ ಸಮತೋಲನ ಹಾಳುಮಾಡುತ್ತದೆ ಮತ್ತು ಹೊಟ್ಟೆಯ ತೊಂದರೆ ಹೆಚ್ಚಾಗುತ್ತದೆ. ಗ್ರೀನ್ ಟೀ ಕೂಡ ಅಸಿಡಿಟಿ ಸಮಸ್ಯೆಗೆ ಕಾರಣವಾಗಬಹುದು.

ಯಕೃತ್ತಿನ ಹಾನಿ
ಹಸಿರು ಚಹಾವು ನಿಮ್ಮ ಯಕೃತ್ತನ್ನು ಸಹ ಹಾನಿಗೊಳಿಸುತ್ತದೆ. ಸಂಶೋಧನೆಯ ಪ್ರಕಾರ, ಹಸಿರು ಚಹಾವು EGCG (ಒಂದು ರೀತಿಯ ಕ್ಯಾಟೆಚಿನ್) ಅನ್ನು ಹೊಂದಿರುತ್ತದೆ, ಇದು ಯಕೃತ್ತಿಗೆ ಹಾನಿಕಾರಕ. ಸದ್ಯಕ್ಕೆ ಈ ವಿಷಯದ ಕುರಿತು ಹೆಚ್ಚಿನ ಸಂಶೋಧನೆಗಳು ನಡೆಯುತ್ತಿವೆ.

ಇದನ್ನೂ ಓದಿ-Corona ಬೂಸ್ಟರ್ ಡೋಸ್ ರೂಪದಲ್ಲಿ ಕಾರ್ಬಿವ್ಯಾಕ್ಸ್ ಗೆ ಅನುಮತಿ ನೀಡಿದ ಕೇಂದ್ರ ಸರ್ಕಾರ

ಗರ್ಭಿಣಿಯರು ಹೆಚ್ಚು ಗ್ರೀನ್ ಟೀ ಕುಡಿಯಬಾರದು
ಗರ್ಭಿಣಿಯರು ದಿನಕ್ಕೆ ಎರಡು ಬಾರಿ ಮಾತ್ರ ಗ್ರೀನ್ ಟೀ ಕುಡಿಯಬೇಕು. ಇದರಲ್ಲಿ ಕೆಫೀನ್ ಇದ್ದು, ಇದು ತಾಯಿ ಮತ್ತು ಮಗುವಿನ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ.

ಇದನ್ನೂ ಓದಿ-Cancer Risk: ಪುರುಷ ಹಾಗೂ ಮಹಿಳೆಯರಲ್ಲಿ ಯಾರಿಗೆ ಕ್ಯಾನ್ಸರ್ ಅಪಾಯ ಹೆಚ್ಚು, ಅಧ್ಯಯನ ಹೇಳಿದ್ದೇನು?

ಹಕ್ಕುತ್ಯಾಗ - ಈ ಮಾಹಿತಿಯ ನಿಖರತೆ, ಸಮಯೋಚಿತತೆ ಮತ್ತು ನೈಜತೆಯನ್ನು ಖಚಿತಪಡಿಸಿಕೊಳ್ಳುವ ಎಲ್ಲಾ ಪ್ರಯತ್ನಗಳನ್ನು ಮಾಡಲಾಗಿದೆ. ಆದರೆ, ಇದು ಜೀ ಕನ್ನಡ ನ್ಯೂಸ್ ನೈತಿಕ ಹೊಣೆಗಾರಿಕೆಯಲ್ಲ. ಯಾವುದೇ ಉಪಾಯವನ್ನು ಅನುಸರಿಸುವ ಮೊದಲು ವೈದ್ಯರನ್ನು ಸಂಪರ್ಕಿಸಬೇಕು ಎಂದು ನಾವು ಕೋರುತ್ತೇವೆ. ನಿಮಗೆ ಮಾಹಿತಿಯನ್ನು ನೀಡುವುದು ಮಾತ್ರ ನಮ್ಮ ಈ ಲೇಖನದ ಹಿಂದಿನ ಉದ್ದೇಶ.

ಇದನ್ನೂ ನೋಡಿ-