Ramadan 2023: ತಾಜಾ ಆಗಿ ಬೇಕ್ ಮಾಡಿದ ಬ್ರೆಡ್‌ನ ಸುವಾಸನೆ, ಗ್ರಿಲ್‌ನಲ್ಲಿ ಬಿಸಿಬಿಸಿ ಮಸಾಲೆಭರಿತ ಮಾಂಸಾಹಾರ ಮತ್ತು ಪ್ರತಿ ಖಾದ್ಯದ ರೋಮಾಂಚಕ ಬಣ್ಣಗಳು ಮತ್ತು ಹೊರಹೊಮ್ಮುವ ಸುವಾಸನೆಯ ದೃಶ್ಯವನ್ನು ಕಲ್ಪಿಸಿಕೊಳ್ಳಿ. ಅದುವೇ ಇಫ್ತಾರ್. ಆದರೆ, ರಂಜಾನ್ ಹಬ್ಬವು ಕೇವಲ ಆಹಾರಕ್ಕಿಂತ ಹೆಚ್ಚು. ರಂಜಾನ್ ಶೀಘ್ರವಾಗಿ ಸಮೀಪಿಸುತ್ತಿದ್ದು ಮನಸ್ಸಿನಲ್ಲಿ 'ಇಫ್ತಾರಿ' ಸಿದ್ಧತೆಗಳೊಂದಿಗೆ, ಮಧುಮೇಹ ಹೊಂದಿರುವ ಜನರು ಮತ್ತು ಅವರ ಆರೈಕೆ ಮಾಡುವವರಿಗೆ ಹಬ್ಬವನ್ನು ಪೂರ್ಣವಾಗಿ ಆಚರಿಸಲು ಸಹಾಯ ಮಾಡುವುದನ್ನು ಪರಿಗಣಿಸುವುದು ಮುಖ್ಯವಾಗಿದೆ. ಉಪವಾಸವನ್ನು ನಡೆಸುವುದು ಚತುರವಾಗಿರಬಹುದು - ಇದು ದಿನಚರಿ ಮತ್ತು ಜೀವನಶೈಲಿಯಲ್ಲಿ ತೀವ್ರವಾದ ಬದಲಾವಣೆಯನ್ನು ಒಳಗೊಂಡಿರುತ್ತದೆ, ಇದು ಜನರು ತಮ್ಮ ಗ್ಲೂಕೋಸ್ ಮಟ್ಟವನ್ನು ದಿನವಿಡೀ ವ್ಯಾಪ್ತಿಯಲ್ಲಿ ಇರಿಸಿಕೊಳ್ಳಲು ಕಷ್ಟವಾಗಬಹುದು. 


COMMERCIAL BREAK
SCROLL TO CONTINUE READING

ನಿಮ್ಮ ಗ್ಲೂಕೋಸ್ ಮಟ್ಟವನ್ನು ನಿರಂತರವಾಗಿ ಪರಿಶೀಲಿಸುವುದು ಅತ್ಯಗತ್ಯವಾಗಿರುತ್ತದೆ ಮತ್ತು ನಿಮ್ಮ ಸ್ವಂತ ಮನೆಯ ಸೌಕರ್ಯದಲ್ಲಿ ಇದನ್ನು ಮಾಡಲು ಅನೇಕ ಮಾರ್ಗಗಳಿವೆ. ಫ್ರೀಸ್ಟೈಲ್ ಲಿಬ್ರೆ ನಂತಹ ನಿರಂತರ ಗ್ಲೂಕೋಸ್ ಮಾನಿಟರಿಂಗ್ (CGM) ಧರಿಸಬಹುದಾದ ಸಾಧನಗಳು, ಮಧುಮೇಹ ಹೊಂದಿರುವ ಜನರಿಗೆ ನೀವು ಉಪವಾಸದಲ್ಲಿರುವಾಗ ಅಥವಾ ಇಫ್ತಾರ್ ಸಮಯದಲ್ಲಿ ನೈಜ-ಸಮಯದ ಗ್ಲೂಕೋಸ್ ರೀಡಿಂಗ್ ಗಳನ್ನು ಮತ್ತು  ಟ್ರೆಂಡ್‌ಗಳನ್ನು  ಪಡೆಯಲು ಸರಳವಾದ ಆಯ್ಕೆಯನ್ನು ನೀಡುತ್ತವೆ. ಸಾಂಪ್ರದಾಯಿಕ ಗ್ಲೂಕೋಸ್ ಪರೀಕ್ಷೆಯ ಆಯ್ಕೆಗಳೊಂದಿಗೆ ಬರುವ ಸೂಜಿ ಚುಚ್ಚುವ ನೋವುರಹಿತವಾಗಿ ಇದೆಲ್ಲವೂ ದೊರೆಯುತ್ತದೆ.


ಇದನ್ನೂ ಓದಿ : ಬಿಪಿ ಸೇರಿದಂತೆ ಹಲವು ರೋಗಗಳಿಗೆ ರಾಮಬಾಣ ಈ ಎಲೆಯ ರಸ


ಡಾ. ದ್ವಾರಕಾನಾಥ್ C.S., AIIMS ನಲ್ಲಿ DM ಅಂತಃಸ್ರಾವಶಾಸ್ತ್ರಜ್ಞ, ಬೆಂಗಳೂರಿನ ಅಪೋಲೋ ಆಸ್ಪತ್ರೆಯಿಂದ HOD ಅಂತಃಸ್ರಾವಶಾಸ್ತ್ರಜ್ಞ ಹೇಳುತ್ತಾರೆ,  "ನಿಯಂತ್ರಿತ ಮಧುಮೇಹ ಹೊಂದಿರುವ ಜನರು, ವಿಶೇಷವಾಗಿ ರಂಜಾನ್ ಸಮಯದಲ್ಲಿ ದೀರ್ಘಾವಧಿಯವರೆಗೆ ಉಪವಾಸ ಮಾಡುವಾಗ ತಮ್ಮ ಸಕ್ಕರೆ ಮಟ್ಟವನ್ನು ನಿರ್ವಹಿಸಲು ತೆಗೆದುಕೊಳ್ಳಬಹುದಾದ ಕ್ರಮಗಳಿವೆ. 'ಸೆಹ್ರಿ' ಮತ್ತು 'ಇಫ್ತಾರ್' ನಡುವಿನ ಅವಧಿಗಳಲ್ಲಿ ಜನರು ಅನುಸರಿಸಬೇಕಾದ ಹಲವಾರು ಆರೋಗ್ಯಕರ ಆಹಾರ ಪದ್ಧತಿಗಳಿವೆ. ನಿಮ್ಮ ಉಪವಾಸದ ಸಮಯದಲ್ಲಿ ನಿಮ್ಮ ರಕ್ತದಲ್ಲಿನ ಸಕ್ಕರೆಯನ್ನು ಮೇಲ್ವಿಚಾರಣೆ ಮಾಡಲು ಮರೆಯಬೇಡಿ; ಬೆರಳನ್ನು ಚುಚ್ಚುವ ಅಗತ್ಯವಿರುವ ಸಾಂಪ್ರದಾಯಿಕ ರಕ್ತದ ಗ್ಲೂಕೋಸ್ ಮೀಟರ್‌ಗಳ ಜೊತೆಗೆ ಈಗ ನಿರಂತರ ಗ್ಲೂಕೋಸ್ ಮಾನಿಟರಿಂಗ್ CGM ಸಾಧನದ ಆಯ್ಕೆಗಳು ಲಭ್ಯವಿರುವುದರಿಂದ ನೀವು ಪ್ರಯಾಣದಲ್ಲಿರುವಾಗಲೂ ಇದನ್ನು ಸಲೀಸಾಗಿ ಮಾಡಬಹುದು. ಅವರ ಔಷಧಿಗಳ ಜೊತೆಗೆ ಅಗತ್ಯವಿರುವ ಯಾವುದೇ ಬದಲಾವಣೆಗಳನ್ನು ಅರ್ಥಮಾಡಿಕೊಳ್ಳಲು ಅವರ ವೈದ್ಯರ ಸಲಹೆಯನ್ನು ತೆಗೆದುಕೊಳ್ಳುವುದು ಸಹ ಮುಖ್ಯವಾಗಿದೆ."


ನಿಮ್ಮ ಉಪವಾಸದ ಸಮಯದಲ್ಲಿ, CGM ಸಾಧನದ ಮೂಲಕ ಸಮಯದ ವ್ಯಾಪ್ತಿಯಂತಹ ಮೆಟ್ರಿಕ್‌ಗಳನ್ನು ಬಳಸಿಕೊಳ್ಳುವುದು ಮಧುಮೇಹವನ್ನು ನಿರ್ವಹಿಸುವ ವಿಷಯಕ್ಕೆ ಬಂದಾಗ ಅತ್ಯಂತ ಸಹಾಯಕವಾಗಬಹುದು. ವ್ಯಾಪ್ತಿಯಲ್ಲಿನ ಸಮಯವೆಂದರೆ ವ್ಯಕ್ತಿಯೊಬ್ಬರ ಗ್ಲೂಕೋಸ್ ಮಟ್ಟಗಳು ನಿರ್ದಿಷ್ಟಪಡಿಸಿದ ವ್ಯಾಪ್ತಿಯಲ್ಲಿ (ಸಾಮಾನ್ಯವಾಗಿ 70 - 180 mg/dl) ಇರುವ ಸಮಯದ ಶೇಕಡಾವಾರು. ನಿಮ್ಮ ರಕ್ತದಲ್ಲಿನ ಸಕ್ಕರೆಯ ರೀಡಿಂಗ್ ಅನ್ನು ಹೆಚ್ಚಾಗಿ ಪರಿಶೀಲಿಸುವುದು ಸಮಯದ ವ್ಯಾಪ್ತಿಯನ್ನು ಹೆಚ್ಚಿಸುತ್ತದೆ, ಇದು ನಿಮ್ಮ ಗ್ಲೂಕೋಸ್ ನಿಯಂತ್ರಣವನ್ನು ಸುಧಾರಿಸುತ್ತದೆ ಮತ್ತು ದೀರ್ಘಾವಧಿಯ ಆರೋಗ್ಯ ಸಮಸ್ಯೆಗಳ ಅಪಾಯವನ್ನು ಕಡಿಮೆ ಮಾಡುತ್ತದೆ. ಪ್ರತಿ ದಿನ 24 ಗಂಟೆಗಳಲ್ಲಿ ಸುಮಾರು 17 ಗಂಟೆಗಳ ಕಾಲ ವ್ಯಾಪ್ತಿಯಲ್ಲಿರುವ ಗುರಿಯನ್ನು ವ್ಯಕ್ತಿಯು ಹೊಂದಿರಬೇಕು. ಇದಲ್ಲದೆ, ಮಧುಮೇಹ ಇರುವವರು ರಂಜಾನ್ ಆಚರಿಸುವಾಗ ನೆನಪಿನಲ್ಲಿಟ್ಟುಕೊಳ್ಳಬೇಕಾದ ಕೆಲವು ಪ್ರಮುಖ ವಿಷಯಗಳಿವೆ.


ಈ ವರ್ಷ ರಂಜಾನ್ ಆಚರಿಸುವಾಗ ನಿಮ್ಮ ಮಧುಮೇಹವನ್ನು ನಿಯಂತ್ರಿಸಲು ಕೆಲವು ಸಲಹೆಗಳು ಇಲ್ಲಿವೆ:


1.    ಶಕ್ತಿಯನ್ನು ನೀಡುವ ಸೆಹ್ರಿ (ಸೂರ್ಯೋದಯದ ಮುಂಚಿನ) ಊಟವನ್ನು ಸೇವಿಸಿ: ಓಟ್ಸ್ ಮತ್ತು ಮಲ್ಟಿಗ್ರೇನ್ ಬ್ರೆಡ್‌ನಿಂದ ಕಂದು ಅಥವಾ ಬಾಸ್ಮತಿ ಅಕ್ಕಿಯವರೆಗೆ, ತರಕಾರಿಗಳು, ಮಸೂರ (ದಾಲ್) ಮತ್ತು ಇನ್ನೂ ಮುಂತಾದ, ನಿಧಾನವಾಗಿ ಶಕ್ತಿಯನ್ನು ಬಿಡುಗಡೆ ಮಾಡುವ ಹೆಚ್ಚು ನಾರಿನಂಶ-ಭರಿತ ಪಿಷ್ಟದ ಆಹಾರಗಳನ್ನು ನಿಮ್ಮ ಊಟದಲ್ಲಿ ಸೇರಿಸಿಕೊಳ್ಳಿ. ನೀವು ಶಕ್ತಿಗಾಗಿ ಮೀನು, ಪನ್ನೀರು ಮತ್ತು ಬೀಜಗಳಂತಹ ಪ್ರೋಟೀನ್‌ಗಳನ್ನು ಸಹ ಸೇವಿಸಬಹುದು. ಸಾಕಷ್ಟು ದ್ರವಾಹಾರಗಳನ್ನು ಸೇವಿಸಿ, ಆದರೆ ಕಾಫಿ, ತಂಪು ಪಾನೀಯಗಳು ಮುಂತಾದ ಸಕ್ಕರೆ ಅಥವಾ ಹೆಚ್ಚು ಕೆಫೀನ್ ಹೊಂದಿರುವ ಪಾನೀಯಗಳನ್ನು ತಪ್ಪಿಸಿ.


2.    ಇಫ್ತಾರ್ ಸಮಯದಲ್ಲಿ ಸರಿಯಾಗಿ ಶಕ್ತಿಯನ್ನು ಮರುಭರ್ತಿ (ಉಪವಾಸ ಮುರಿಯುವುದು) ಮಾಡಿಕೊಳ್ಳಿ: ಖರ್ಜೂರ ಮತ್ತು ಹಾಲಿನೊಂದಿಗೆ ಉಪವಾಸವನ್ನು ಸಾಂಪ್ರದಾಯಿಕವಾಗಿ ಮುರಿಯಲಾಗುತ್ತದೆ, ಇದನ್ನು ನೀವು ಸಂಕೀರ್ಣ ಕಾರ್ಬೋಹೈಡ್ರೇಟ್‌ಗಳೊಂದಿಗೆ ಮುಂದುವರ್ರಿಸಬಹುದು. ನಿಮ್ಮನ್ನು ನೀವು ಹೈಡ್ರೇಟ್ ಮಾಡಿಕೊಳ್ಲುದನ್ನು ಖಚಿತಪಡಿಸಿಕೊಳ್ಳಿ. ಸಿಹಿ ಮತ್ತು ಕರಿದ ಅಥವಾ ಎಣ್ಣೆಯುಕ್ತ ಆಹಾರವನ್ನು ಮಿತವಾಗಿ ಸೇವಿಸಿ, ಏಕೆಂದರೆ ಇವುಗಳು ನಿಮ್ಮ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು. ಮಲಗುವ ಮುನ್ನ ಹಣ್ಣುಗಳ ಸೇವನೆಯು ಮುಂಜಾನೆಯ ತನಕ ಸಕ್ಕರೆಯ ಮಟ್ಟವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.


3.    ಹಗುರವಾದ ವ್ಯಾಯಾಮವನ್ನು ಅನುಸರಿಸಿ: ದೈಹಿಕ ಚಟುವಟಿಕೆಯನ್ನು ಮುಂದುವರಿಸಿ ಆದರೆ ಹೆಚ್ಚುವರಿ ಶ್ರಮವನ್ನು ತಪ್ಪಿಸಲು ಅದರ ತೀವ್ರತೆಯನ್ನು ಕಡಿಮೆ ಮಾಡಿ. ನೀವು ಸರಳವಾದ ಜೀವನಕ್ರಮಗಳು, ವಾಕಿಂಗ್ ಅಥವಾ ಯೋಗವನ್ನು ಪ್ರಯತ್ನಿಸಬಹುದು. ಪ್ರತಿರೋಧ ತರಬೇತಿಯು ಸ್ನಾಯುಗಳ ನಷ್ಟವನ್ನು ತಪ್ಪಿಸಲು ಮತ್ತು ಈ ಸಮಯದಲ್ಲಿ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.


4.    ಒಳ್ಳೆಯ ನಿದ್ರೆ  ಮಾಡಿ: ಸಾಕಷ್ಟು ಸಮಯದ – ಅದೂ ಉತ್ತಮ ಗುಣಮಟ್ಟದ - ನಿದ್ರೆಯು ಉತ್ತಮ ಆರೋಗ್ಯ ಮತ್ತು ಕ್ಷೇಮಕ್ಕೆ ಪ್ರಮುಖವಾಗಿದೆ. ವಿಶೇಷವಾಗಿ ರಂಜಾನ್ ಸಮಯದಲ್ಲಿ ನಿಮ್ಮ ಶಕ್ತಿಯನ್ನು ಉಳಿಸಿಕೊಳ್ಳಲು ನಿಮ್ಮ ಮುಂಜಾನೆಯ ಊಟವು ಪ್ರಮುಖವಾಗಿದ್ದರೆ, ಸಾಕಷ್ಟು ನಿದ್ರೆ ಪಡೆಯುವುದು ಸಹ ಮುಖ್ಯವಾಗಿದೆ. ಇದು ನಿದ್ರೆಯ ಅಭಾವವನ್ನು ತಪ್ಪಿಸಲು ಸಹಾಯ ಮಾಡುತ್ತದೆ, ಇದು ನಿಮ್ಮ ಹಸಿವಿನ ಮೇಲೆ ಪರಿಣಾಮ ಬೀರಬಹುದು. ಇದು ಚಯಾಪಚಯವನ್ನು ಉತ್ತೇಜಿಸುತ್ತದೆ ಮತ್ತು ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ, ಇದು ಮಧುಮೇಹವನ್ನು ನಿರ್ವಹಿಸುವಲ್ಲಿ ನಿರ್ಣಾಯಕವಾಗಿದೆ.


ಇದನ್ನೂ ಓದಿ : ತೂಕ ಇಳಿಕೆಯಿಂದ ಹಿಡಿದು ಸುಂದರ ತ್ವಚೆ ಪಡೆಯುವವರೆಗೂ ತುಂಬಾ ಲಾಭದಾಯಕ ಈ ತರಕಾರಿ


ಈ ಸಲಹೆಗಳ ಜೊತೆಗೆ, ಮಧುಮೇಹ ಹೊಂದಿರುವ ಜನರು ಹೈಪರ್ಗ್ಲೈಸೀಮಿಯಾ ಅಥವಾ ಹೈಪೊಗ್ಲಿಸಿಮಿಯಾದ ಯಾವುದೇ ಪ್ರವೃತ್ತಿಗಳ ಬಗ್ಗೆ ಜಾಗರೂಕರಾಗಿರಬೇಕು ಮತ್ತು ಇವುಗಳನ್ನು ಕೂಡಲೇ ಗಮನಿಸಿಕೊಳ್ಳಬೇಕು. ಇದಕ್ಕೆ, ನಿಮ್ಮ ರಕ್ತದಲ್ಲಿನ ಸಕ್ಕರೆಯು ತುಂಬಾ ಹೆಚ್ಚಿದ್ದರೆ ಅಥವಾ ಕಡಿಮೆಯಿದ್ದರೆ - ಉಪವಾಸದ ಸಮಯದಲ್ಲಿ, ಮೊದಲು ಅಥವಾ ನಂತರ - ನೀವು ಏನು ಮಾಡಬಹುದು ಎಂಬ ಯೋಜನೆಯನ್ನು ರೂಪಿಸುವುದು ಪ್ರಮುಖವಾಗಿದೆ. ಅಷ್ಟೇ ಅಲ್ಲದೆ, ನಿಮ್ಮ ಉಪವಾಸದ ಸಮಯದಲ್ಲಿಯೂ ಸಹ ಕನಿಷ್ಠ ಮುಕ್ಕಾಲು ದಿನದವರೆಗೆ ಉದ್ದೇಶಿತ ಗ್ಲೂಕೋಸ್ ಶ್ರೇಣಿಯಲ್ಲಿ ನೀವು ಹೇಗೆ ಉಳಿಯಬಹುದು ಎಂಬುದರ ಕುರಿತು ನಿಮ್ಮ ವೈದ್ಯರ ಸಲಹೆಯನ್ನು ತೆಗೆದುಕೊಳ್ಳುವುದು ಮುಖ್ಯವಾಗಿದೆ. ಆದ್ದರಿಂದ, ಮಧುಮೇಹ ಹೊಂದಿರುವ ಕೆಲವು ಜನರು ರಂಜಾನ್ ಸಮಯದಲ್ಲಿ ಉಪವಾಸ ಮಾಡಲು ಆಯ್ಕೆ ಮಾಡಿಕೊಂಡಲ್ಲಿ, ಸಿದ್ಧ ಯೋಜನೆಯನ್ನು ಹೊಂದಿರುವುದು ಈ ಸಮಯದಲ್ಲಿ ನಿಮ್ಮ ಆರೋಗ್ಯವನ್ನು ನಿರ್ವಹಿಸಲು ಸಹಾಯ ಮಾಡುತ್ತದೆ.


https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.