ಸ್ಟೈಲ್‌ಗಾಗಿ ನೀವು ಬೆಳೆಸುವ ಉಗುರುಗಳಲ್ಲಿ ಎಷ್ಟು ರೀತಿಯ ಬ್ಯಾಕ್ಟೀರಿಯಾ ಇರುತ್ತೆ ಗೊತ್ತೆ..!

Nail Care Tips in Kannada : ನಮಗೆ ತಿಳಿದೋ ತಿಳಿಯದೆಯೋ, ನಾವು ದಿನವಿಡೀ ನಮ್ಮ ಕೈಗಳಿಂದ ದೇಹದ ಎಲ್ಲಾ ಭಾಗಗಳನ್ನು ಸ್ಪರ್ಶಿಸುತ್ತೇವೆ. ಆದರೆ ನಿಮ್ಮ ಅರ್ಧದಷ್ಟು ಅನಾರೋಗ್ಯಕ್ಕೆ ನಿಮ್ಮ ಸುಂದರವಾದ ಉಗುರುಗಳು ಕಾರಣವೆಂದು ನಿಮಗೆ ತಿಳಿದಿದೆಯೇ..? ಉಗುರುಗಳಲ್ಲಿ ಕೋಟ್ಯಂತರ ಸೂಕ್ಷ್ಮ ಜೀವಿಗಳಿವೆ ಎಂದು ಅಧ್ಯಯನವೊಂದು ಬಹಿರಂಗಪಡಿಸಿದೆ. ಈಗ ವಿವರಗಳನ್ನು ಕಂಡುಹಿಡಿಯೋಣ ಬನ್ನಿ.

ಉಗುರುಗಳು ಮನುಷ್ಯನ ಕೈಯನ್ನು ಸುಂದರವಾಗಿಸುತ್ತದೆ. ಅದಕ್ಕಾಗಿಯೇ ಹುಡುಗಿಯರು ತಮ್ಮ ಉಗುರುಗಳನ್ನು ಉದ್ದವಾಗಿ ಬೆಳಸಿ ಅವುಗಳಿಗೆ ವಿಶೇಷವಾಗಿ ಅಲಂಕರಿಸುತ್ತಾರೆ. ಆದರೆ 2021 ರಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ಮಾನವನಿಗೆ ಕಾಡುವ ಅರ್ಧದಷ್ಟು ಕಾಯಿಲೆಗಳಿಗೆ ಉಗುರುಗಳೇ ಕಾರಣವಂತೆ.

ಇದನ್ನೂ ಓದಿ:ಪ್ರತಿನಿತ್ಯ ನೆನೆಹಾಕಿದ ಮೆಂತ್ಯೆ ತಿನ್ನಿ: ಈ 5 ಕಾಯಿಲೆಗಳಿಂದ ಪಡೆಯಬಹುದು ಶಾಶ್ವತ ಮುಕ್ತಿ

ಹೌದು.. ಉಗುರುಗಳು ಕೋಟ್ಯಂತರ ಸೂಕ್ಷ್ಮ ಜೀವಿಗಳನ್ನು ಒಳಗೊಂಡಿವೆ ಎಂದು ಕಂಡುಬಂದಿದೆ. ಉಗುರುಗಳ ಕೆಳಗೆ 32 ವಿಧದ ಬ್ಯಾಕ್ಟೀರಿಯಾಗಳು ಮತ್ತು 28 ರೀತಿಯ ಶಿಲೀಂಧ್ರಗಳಿರುತ್ತವೆ ಎಂದು ಅಧ್ಯಯನವು ಬಹಿರಂಗಪಡಿಸಿದೆ. ಈ ಅಧ್ಯಯನವನ್ನು ಅಮೆರಿಕನ್ ಪೀಡಿಯಾಟ್ರಿಕ್ ಮೆಡಿಕಲ್ ಅಸೋಸಿಯೇಷನ್ ​​ಜರ್ನಲ್‌ನಲ್ಲಿ ಪ್ರಕಟಿಸಲಾಗಿದೆ.

ಉಗುರುಗಳ ಅಡಿಯಲ್ಲಿ ಸಂಗ್ರಹಿಸಲಾದ ಮಾದರಿಯಲ್ಲಿ 32 ರೀತಿಯ ಬ್ಯಾಕ್ಟೀರಿಯಾ ಮತ್ತು 28 ರೀತಿಯ ಶಿಲೀಂಧ್ರಗಳು ಇರುವುದು ಬಹಿರಂಗವಾಗಿದೆ. ಇದರಲ್ಲಿ ಶೇಕಡ 50ರಷ್ಟು ಸ್ಯಾಂಪಲ್‌ಗಳು ಕೇವಲ ಬ್ಯಾಕ್ಟೀರಿಯಾವನ್ನು ಹೊಂದಿದ್ದರೆ ಶೇಕಡ 6.3ರಷ್ಟು ಫಂಗಸ್ ಇದೆ. 43.7 ರಷ್ಟು ಬ್ಯಾಕ್ಟೀರಿಯಾ ಮತ್ತು ಫಂಗಸ್ ಎರಡನ್ನೂ ಒಳಗೊಂಡಿದೆ. 

ಇದನ್ನೂ ಓದಿ:ರಾತ್ರಿ ನಿದ್ರೆ ಸರಿಯಾಗಿ ಬರ್ತಿಲ್ವಾ? ಈ ಸಲಹೆ ಪಾಲಿಸಿ ಸುಖವಾಗಿ ನಿದ್ರಿಸಿ

ಪ್ರತಿದಿನ ನಾವು ನಮ್ಮ ಕೈಗಳಿಂದ ನಮ್ಮ ಮುಖ, ಕಣ್ಣು, ಕಿವಿ, ಮೂಗು ಮುಂತಾದ ದೇಹದ ಭಾಗಗಳನ್ನು ಸ್ಪರ್ಶಿಸುತ್ತೇವೆ. ಅದಕ್ಕಾಗಿಯೇ ಉಗುರುಗಳನ್ನು ಕಾಲಕಾಲಕ್ಕೆ ಸ್ವಚ್ಛವಾಗಿಟ್ಟುಕೊಳ್ಳಬೇಕು. ಉಗುರುಗಳ ಅಡಿಯಲ್ಲಿರುವ ಬ್ಯಾಕ್ಟೀರಿಯಾ ಮತ್ತು ಶಿಲೀಂಧ್ರಗಳು ಸಾಮಾನ್ಯವಾಗಿ ಹಾನಿಕಾರಕವಲ್ಲ ಆದರೆ ಕೆಲವು ಸಂದರ್ಭಗಳಲ್ಲಿ, ರೋಗನಿರೋಧಕ ಶಕ್ತಿ ಕಡಿಮೆಯಾದಾಗ, ಉಗುರುಗಳು ಗಾಯಗೊಂಡರೆ ಅಥವಾ ಸೋಂಕಿಗೆ ಒಳಗಾದರೆ, ಈ ಸೂಕ್ಷ್ಮಾಣು ಜೀವಿಗಳು ಸೋಂಕನ್ನು ಉಲ್ಬಣಗೊಳಿಸುತ್ತವೆ. ಉಗುರು ಬಣ್ಣ ಬದಲಾವಣೆ, ಊತ ಮತ್ತು ನೋವು ಇದರ ಲಕ್ಷಣಗಳು. 

ಅದಕ್ಕಾಗಿಯೇ ದಿನಕ್ಕೆ ಎರಡು ಬಾರಿಯಾದರೂ ಕೈ ಮತ್ತು ಉಗುರುಗಳನ್ನು ಸೋಪಿನಿಂದ ತೊಳೆಯಬೇಕು. ಉಗುರುಗಳ ಅಡಿಯಲ್ಲಿ ಸಂಗ್ರಹವಾಗುವ ಹೊಲಸನ್ನು ತೆಗೆದುಹಾಕಲು ಮೃದುವಾದ ಬ್ರಷ್ ಅನ್ನು ಬಳಸಬೇಕು. ಅಲ್ಲದೆ, ಉಗುರುಗಳನ್ನು ಬೆಳೆಯದಂತೆ ನೋಡಿಕೊಳ್ಳಿ. ಉಗುರುಗಳು ಉದ್ದವಾಗಿರುವುದರಿಂದ ತ್ಯಾಜ್ಯಗಳು ಮತ್ತು ಕಲ್ಮಶಗಳು ಅದರಲ್ಲಿ ಸಂಗ್ರಹಗೊಳ್ಳುತ್ತವೆ. ಉಗುರುಗಳನ್ನು ನಿಯಮಿತವಾಗಿ ಟ್ರಿಮ್ ಮಾಡುವುದು ಒಳ್ಳೆಯದರು. ನಿಮ್ಮ ಉಗುರುಗಳಿಗೆ ನೇಲ್ ಪಾಲಿಶ್ ಹಚ್ಚುವ ಅಭ್ಯಾಸವಿದ್ದರೆ, ಮೊದಲು ಉಗುರುಗಳನ್ನು ಸ್ವಚ್ಛಗೊಳಿಸಿ ನಂತರ ಹಚ್ಚಿಕೊಳ್ಳಿ.