ಸಿಗರೇಟ್‌ ಸೇದುತ್ತೀರಾ..? ಹಾಗಿದ್ರೆ ನಿಮಗೆ ಮಕ್ಕಳಾಗುವುದು ಕಷ್ಟ..! ಏಕೆ, ಹೇಗೆ ಗೊತ್ತೆ..?

Mens Health : ಕ್ಯಾನ್ಸರ್, ಶ್ವಾಸಕೋಶ ಸಂಬಂಧಿ ಕಾಯಿಲೆಗಳು, ಹೃದ್ರೋಗಗಳು, ಪಾರ್ಶ್ವವಾಯು ಮುಂತಾದ ಅನೇಕ ದೀರ್ಘಕಾಲದ ಕಾಯಿಲೆಗಳಿಗೆ ಧೂಮಪಾನವು ಪ್ರಮುಖ ಕಾರಣಗಳಲ್ಲಿ ಒಂದಾಗಿದೆ. ಕ್ಯಾನ್ಸರ್ ನಿಂದ ಸಾಯುವವರಲ್ಲಿ 30 ಪ್ರತಿಶತ ಮತ್ತು ಶ್ವಾಸಕೋಶದ ಕಾಯಿಲೆಯಿಂದ ಸಾಯುವವರಲ್ಲಿ 80 ಪ್ರತಿಶತ ಧೂಮಪಾನಿಗಳಿದ್ದಾರೆ.. 2025 ರ ಹೊತ್ತಿಗೆ, ಪ್ರಪಂಚದಾದ್ಯಂತ 17 ಮಿಲಿಯನ್‌ಗಿಂತಲೂ ಹೆಚ್ಚು ಜನರು ಕ್ಯಾನ್ಸರ್‌ನಿಂದ ಬಳಲುತ್ತಿದ್ದಾರೆ.. ಅವರಲ್ಲಿ ಮುಕ್ಕಾಲು ಭಾಗದಷ್ಟು ಜನರು ಸಾಯುತ್ತಾರೆ ಎಂದು ಡೇಟಾ ಸೂಚಿಸುತ್ತದೆ.

ಹೆಚ್ಚಿನ ಕ್ಯಾನ್ಸರ್‌ ರೋಗಿಗಳು ಯಾರು ಅಂದ್ರೆ, ಸಿರಗೇಟ್‌ ವ್ಯಸನಿಗಳು.. ಇದೇ ರೀತಿ ಮುಂದುವರಿದರೆ 2030ರ ವೇಳೆಗೆ ವಿಶ್ವಾದ್ಯಂತ ಧೂಮಪಾನಿಗಳ ಸಂಖ್ಯೆ ಎರಡು ಶತಕೋಟಿ ತಲುಪಲಿದೆ. ತಂಬಾಕಿನ ದುಷ್ಪರಿಣಾಮಗಳು ಧೂಮಪಾನಿಗಳ ಜೀವನವನ್ನು ಮಾತ್ರವಲ್ಲದೆ ಅವರ ಕುಟುಂಬಗಳು ಮತ್ತು ಸ್ನೇಹಿತರ ಜೀವನವನ್ನು ಹಾಳುಮಾಡುತ್ತವೆ.

ಇದನ್ನೂ ಓದಿ:ಇವಳು ಸ್ಟಾರ್‌ ನಟಿಯ ಏಕೈಕ ಪುತ್ರಿ... 1 ಸಿನಿಮಾ ಮಾಡಿಲ್ಲ.. ಆದ್ರೂ ಫೇಮಸ್‌..! ಈಕೆ ʼಸೌಂದರ್ಯʼ ಎಂಬ ಪದಕ್ಕೆ ಸಮನಾರ್ಥ

ಧೂಮಪಾನವು ಅಂತಿಮವಾಗಿ ಶ್ವಾಸಕೋಶದ ಕ್ಯಾನ್ಸರ್, ಹೃದ್ರೋಗ ಮತ್ತು ಹೃದಯಾಘಾತದಂತಹ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು. ಧೂಮಪಾನಿಗಳೊಂದಿಗೆ ವಾಸಿಸುವವರಲ್ಲಿ ಹೃದ್ರೋಗದ ಅಪಾಯವು ಶೇಕಡಾ 25-30 ರಷ್ಟು ಮತ್ತು ಶ್ವಾಸಕೋಶದ ಕ್ಯಾನ್ಸರ್ನ ಅಪಾಯವು ಶೇಕಡಾ 20-30 ರಷ್ಟು ಹೆಚ್ಚು.

ಒಬ್ಬ ವ್ಯಕ್ತಿಯು ಸಿಗರೇಟ್ ಸೇದಿದಾಗ, ಅನೇಕ ರೀತಿಯ ಅಪಾಯಕಾರಿ ವಸ್ತುಗಳು ಅವನ ಶ್ವಾಸಕೋಶವನ್ನು ತಲುಪುತ್ತವೆ. ತಂಬಾಕಿನಲ್ಲಿ 7,000 ಕ್ಕೂ ಹೆಚ್ಚು ರಾಸಾಯನಿಕಗಳಲ್ಲಿ, ಕನಿಷ್ಠ 60 ಕಾರ್ಸಿನೋಜೆನ್ಸ್ ಎಂದು ಗುರುತಿಸಲಾಗಿದೆ. ಇವುಗಳಲ್ಲಿ ಬೆಂಜೀನ್, ಫಾರ್ಮಾಲ್ಡಿಹೈಡ್, ಆರೊಮ್ಯಾಟಿಕ್ ಅಮೈನ್, ನೈಟ್ರೋಸೊ ಅಮೈನ್, ಪಾಲಿಸಿಕ್ಲಿಕ್ ಆರೊಮ್ಯಾಟಿಕ್ ಹೈಡ್ರೋಕಾರ್ಬನ್ ಇತ್ಯಾದಿ ಸೇರಿವೆ.

ಇದನ್ನೂ ಓದಿ:ಶೂ ಬಿಟ್ಟು.. ಬರಿಗಾಲಿನಲ್ಲಿ ವಾಕಿಂಗ್‌ ಮಾಡಿದ್ರೆ ಇಷ್ಟೆಲ್ಲಾ ಪ್ರಯೋಜನಗಳಿವೆ..?

ಮತ್ತೊಂದೆಡೆ, ಅತಿಯಾದ ಧೂಮಪಾನಿಗಳು ಮಕ್ಕಳನ್ನು ಹೊಂದುವ ಸಾಧ್ಯತೆ ಕಡಿಮೆ ಎಂದು ತಜ್ಞರು ಹೇಳುತ್ತಾರೆ. ಚುಟ್ಟಾ, ಬೀಡಿ, ಸಿಗರೇಟು ಹೀಗೆ ಯಾವುದೇ ರೂಪದಲ್ಲಿ ತಂಬಾಕು ಸೇದುವ ಅಭ್ಯಾಸವಿದ್ದರೆ ಮಕ್ಕಳಾಗುವ ಸಾಧ್ಯತೆ ಕಡಿಮೆ. ಏಕೆಂದರೆ ಧೂಮಪಾನಿಗಳ ದೇಹವನ್ನು ನಿಕೋಟಿನ್ ಪ್ರವೇಶಿಸುತ್ತದೆ. ನಿಕೋಟಿನ್ ಪುರುಷ ವೀರ್ಯ ಕೋಶಗಳನ್ನು ಹಾನಿಗೊಳಿಸುತ್ತದೆ.