ಹಳ್ಳಿಗಾಡಿನಲ್ಲಿ ಉಚಿತವಾಗಿ ಸಿಗುವ ಈ ಹಣ್ಣು ಆಮಶಂಕೆಯಿಂದ ಮಧುಮೇಹದವರೆಗೂ ರಾಮಬಾಣವಿದ್ದಂತೆ..!

ಬೆಂಗಳೂರು: ಹಳ್ಳಿಗಾಡು ಪ್ರದೇಶಗಳಲ್ಲಿನ ವಾತಾವರಣವೇ ಮನುಷ್ಯರ ಆರೋಗ್ಯಕ್ಕೆ ನೈಸರ್ಗಿಕ ಕೊಡುಗೆ ಆಗಿದೆ. ಇಲ್ಲಿ ಸುಲಭವಾಗಿ ಲಭ್ಯವಿರುವ ಕೆಲವು ಸೊಪ್ಪು, ತರಕಾರಿ, ಹಣ್ಣುಗಳು ಹಲವು ಕಾಯಿಲೆಗಳಿಗೆ ಅತ್ಯುತ್ತಮ ಮದ್ದು ಎಂದರೂ ತಪ್ಪಾಗುವುದಿಲ್ಲ. ಅಂತಹದ್ದೇ ಒಂದು ಹಣ್ಣು "ನೇರಳೆ ಹಣ್ಣು". 

ಗ್ರಾಮಾಂತರ ಭಾಗಗಳಲ್ಲಿ ಹೊಲ, ಗದ್ದೆಗಳ ಅಂಚಿನಲ್ಲಿ ಸರ್ವೇ ಸಾಮಾನ್ಯವಾಗಿ ಕಾಣಸಿಗುವ ನೇರಳೆ ಹಣ್ಣು ಆರೋಗ್ಯದ ಗಣಿ. ಪ್ರಸ್ತುತ, ಜಾಮೂನ್ ಎಂತಲೇ ಪ್ರಸಿದ್ದಿಯಾಗಿರುವ ಈ ಹಣ್ಣು ಹಲವು ರೋಗಗಳಿಗೆ ರಾಮಬಾಣವಿದ್ದಂತೆ. 

ಇದನ್ನೂ ಓದಿ- ದಿನ ಬೆಳಿಗ್ಗೆ ಈ ಪಾನೀಯಗಳನ್ನ ಕುಡಿದ್ರೆ ಎಷ್ಟೇ ವರ್ಷದ ಫ್ಯಾಟ್ ಆದ್ರೂ ಕೆಲವೇ ದಿನದಲ್ಲಿ ಕರಗುತ್ತೆ 

ನೇರಳೆ ಹಣ್ಣಿನಲ್ಲಿರುವ ಪೋಷಕಾಂಶಗಳು: 
ನೇರಳೆ ಹಣ್ಣಿನಲ್ಲಿ ದೇಹಕ್ಕೆ ಅಗತ್ಯವಾದ ಪ್ರೊಟೀನ್, ಕಾರ್ಬೊಹೈಡ್ರೇಟ್, ಪಾಸ್ಪರಸ್, ಪೊತ್ಯಾಸಿಯಮ್, ಗಂಧಕ, ಥಯಾಮಿನ್, ಪೋಲಿಕ್ ಆಮ್ಲ, ಕೊಬ್ಬು, ಕ್ಯಾಲ್ಸಿಯಂ, ಕಬ್ಬಿಣ, ಸೋಡಿಯಂ, ತಾಮ್ರ, ವಿಟಮಿನ್ ಎ, ಸಿ, ನಿಕೋಟಿನಿಲ್ ಆಮ್ಲ ಸಮೃದ್ಧವಾಗಿದೆ. 

ಇದನ್ನೂ ಓದಿ- ಮಧುಮೇಹಕ್ಕಷ್ಟೇ ಅಲ್ಲ ಕೂದಲು, ಚರ್ಮದ ಆರೈಕೆಗೂ ಅತ್ಯುತ್ತಮ ಮನೆಮದ್ದು 'ಜಾಮೂನ್ ಹಣ್ಣು'​

ಈ ಆರೋಗ್ಯ ಸಮಸ್ಯೆಗಳಿಗೆ ನೈಸರ್ಗಿಕ ಮದ್ದು ನೇರಳೆ ಹಣ್ಣು: 
* ಪಿತ್ತ ಸಂಬಂಧಿತ ಸಮಸ್ಯೆ:
ನೇರಳೆ ಹಣ್ಣಿನ ರಸ ಸೇವನೆಯು ಪಿತ್ತ ಸಂಬಂಧಿತ ಸಮಸ್ಯೆಗಳನ್ನು ತಕ್ಷಣವೇ ಉಪಶಮನ ಮಾಡುತ್ತದೆ. 

* ಆಮಶಂಕೆ ಸಮಸ್ಯೆ: 
ಆಮಶಂಕೆ ಸಮಸ್ಯೆ ಇರುವವರು ನೇರಳೆ ಜ್ಯೂಸ್ ಕುಡಿಯುವುದರಿಂದ ಪರಿಹಾರ ಪಡೆಯಬಹುದು. 

* ನಿದ್ರಾಹೀನತೆ: 
ಅಂಗೈ, ಅಂಗಾಲು ಉರಿಯಿಂದ ರಾತ್ರಿ ವೇಳೆ ನಿದ್ರೆ ಬರುತ್ತಿಲ್ಲ ಎಂದಾದರೆ ಜೇನುತುಪ್ಪದಲ್ಲಿ ಬೆರೆಸಿದ ಜಾಮೂನ್ ತಿನ್ನುವುದು ಹೆಚ್ಚು ಲಾಭದಾಯಕ.

* ಮಧುಮೇಹ: 
ನೇರಳೆ ಹಣ್ಣಿನ ಒಣ ಬೀಜವನ್ನು ಪುಡಿ ಮಾಡಿ ನಿತ್ಯವೂ ಚಿಟಿಕೆಯಷ್ಟು ಈ ಪುಡಿಯನ್ನು ಜೇನುತುಪ್ಪದಲ್ಲಿ ಬೆರೆಸಿ ತಿನ್ನುವುದರಿಂದ ಮಧುಮೇಹ ಯಾವತ್ತೂ ಹೆಚ್ಚಾಗುವುದಿಲ್ಲ.