ಪ್ರತಿದಿನ ಬೆಳಿಗ್ಗೆ ಈ ಮುದ್ರೆಯಲ್ಲಿ ಕುಳಿತುಕೊಳ್ಳಿ ಸಾಕು, ಕೀಲು ನೋವು, ಮಂಡಿ ನೋವು, ಸಂಧಿವಾತಕ್ಕೆ ಇದೇ ಪರಿಹಾರ ! ಔಷಧಿ,ಮಸಾಜ್ ಯಾವುದೂ ಬೇಡ !

ಬೆಂಗಳೂರು : ದೇಹದ ಭಾಗಗಳಲ್ಲಿ ಕಾಣಿಸಿಕೊಳ್ಳುವ ನೋವಿಗೆ ಅನೇಕ ಕಾರಣಗಳಿರಬಹುದು. ವಯಸ್ಸಾದಂತೆ ಹೈಪೋಥೈರಾಯ್ಡಿಸಮ್ ಸಹ ಸಾಮಾನ್ಯವಾಗಿದೆ. ಕೀಲುಗಳ ಮೇಲೆ ಅತಿಯಾದ ಒತ್ತಡ ಅಥವಾ ಪ್ರೋಟೀನ್ ಭರಿತ ಆಹಾರಗಳನ್ನು ಸೇವಿಸುವುದರಿಂದ ಸಂಧಿವಾತ ಅಥವಾ ಕೀಲು ನೋವಿಗೆ ಕಾರಣವಾಗಬಹುದು. ಅಂತಹ ಪರಿಸ್ಥಿತಿಯಲ್ಲಿ, ನೈಸರ್ಗಿಕವಾಗಿ ಈ ರೋಗಗಳನ್ನು ತೊಡೆದುಹಾಕಬೇಕು ಎಂದು ಬಯಸುವುದಾದರೆ ಈ ಯೋಗವು ಅದಕ್ಕೆ ಉತ್ತಮ ಆಯ್ಕೆಯಾಗಿದೆ. ಸಂಧಿ ಮುದ್ರೆಯು ಸಂಧಿವಾತ ಮತ್ತು ಕೀಲು ನೋವಿಗೆ ಸುಲಭ ಪರಿಹಾರವನ್ನು ಒದಗಿಸಿಕೊಡುತ್ತದೆ. 

ಸಂಧಿ ಮುದ್ರೆ ಎಂದರೇನು ? :
ಸಂಧಿ ಮುದ್ರೆಯು ಪೃಥ್ವಿ ಮುದ್ರೆ ಮತ್ತು ಆಕಾಶ ಮುದ್ರೆಯ ಮಿಶ್ರಣವಾಗಿದೆ. ಹೆಬ್ಬೆರಳನ್ನು ಉಂಗುರದ ಬೆರಳಿನಿಂದ ಜೋಡಿಸಿದರೆ ಪೃಥ್ವಿ ಮುದ್ರೆ  ರೂಪಿಸುತ್ತದೆ. ಮಧ್ಯದ ಬೆರಳನ್ನು ಹೆಬ್ಬೆರಳಿನಿಂದ ಸಂಪರ್ಕಿಸಿದರೆ ಆಕಾಶ ಮುದ್ರೆಯನ್ನು ರೂಪಿಸುತ್ತದೆ. ಆದ್ದರಿಂದ ಇದನ್ನು ಸಂಧಿ ಮುದ್ರೆ ಎಂದು ಕರೆಯಲಾಗುತ್ತದೆ.

ಇದನ್ನೂ ಓದಿ : ಮಧುಮೇಹಕ್ಕೆ ಸಂಜೀವಿನಿ ಪೋಷಕಾಂಶಗಳಿಂದಲೇ ತುಂಬಿರುವ ಈ ಹಣ್ಣು! ವಾರಕ್ಕೊಮ್ಮೆ ತಿಂದ್ರೆ ಶುಗರ್‌ ಕಂಟ್ರೋಲ್‌ ಇರುತ್ತೆ..

ಸಂಧಿ ಮುದ್ರೆಯನ್ನು ಹೇಗೆ ಮಾಡುವುದು ? :
ಸಂಧಿ ಮುದ್ರೆಯನ್ನು ಮಾಡಲು, ಮೊದಲು ಬಲಗೈಯ ಹೆಬ್ಬೆರಳಿನ ಮುಂಭಾಗದ ಭಾಗವನ್ನು ಉಂಗುರದ ಬೆರಳಿನ ಮುಂಭಾಗದೊಂದಿಗೆ ಜೋಡಿಸಿ. ಎಡಗೈಯ ಹೆಬ್ಬೆರಳಿನ ಮುಂಭಾಗದ ಭಾಗವನ್ನು ಮಧ್ಯದ ಬೆರಳಿನ ಮುಂಭಾಗದ ಭಾಗದೊಂದಿಗೆ ಸಂಪರ್ಕಿಸಿ. ಈ ಮುದ್ರೆಯಲ್ಲಿ 15 ನಿಮಿಷಗಳ ಕಾಲ ಇರುವಂತೆ ದಿನಕ್ಕೆ ನಾಲ್ಕು ಬಾರಿ ಮಾಡಿ. ಇದು ದೇಹದ ಯಾವುದೇ ಭಾಗದಲ್ಲಿ ನೋವು ಕಾಣಿಸಿಕೊಂಡರೂ ಆ ನೋವಿನಿಂದ ಪರಿಹಾರವನ್ನು ನೀಡುತ್ತದೆ. ನಿರಂತರವಾಗಿ ಒಂದೇ ಭಂಗಿಯಲ್ಲಿ ಕುಳಿತುಕೊಳ್ಳುವುದು ಅಥವಾ ದಿನವಿಡೀ ನಿಂತಿರುವುದರಿಂದಲೂ ಮಣಿಕಟ್ಟು, ಕಣಕಾಲುಗಳು, ಭುಜಗಳಲ್ಲಿ ನೋವು ಕಾಣಿಸಿಕೊಳ್ಳುತ್ತದೆ. ಸಂಧಿ ಮುದ್ರೆಯು ಸಂಧಿವಾತ ರೋಗಿಗಳಿಗೆ ತುಂಬಾ ಪ್ರಯೋಜನಕಾರಿಯಾಗಿದೆ. 

ಕೀಲು ನೋವಿನಿಂದ ಪರಿಹಾರ : 
ಕೀಲು ನೋವು ಕೆಲವು ರೀತಿಯ ಗಾಯಗಳಿಂದ ಉಂಟಾಗಬಹುದು. ಕೀಲುಗಳ ಮೇಲಿನ ಅತಿಯಾದ ಒತ್ತಡ, ಅತಿಯಾದ ಪ್ರೋಟೀನ್ ಸೇವನೆ ಅಥವಾ ವಯಸ್ಸಾದ ಕಾರಣದಿಂದ ಚಳಿಗಾಲದಲ್ಲಿ ಕೀಲು ನೋವು ಕಾಣಿಸಿಕೊಳ್ಳಬಹುದು.  ಅಧಿಕ ತೂಕ ಹೊಂದಿರುವ ಪುರುಷರಿಗಿಂತ ಮಹಿಳೆಯರಲ್ಲಿ ಈ ಸಮಸ್ಯೆ ಹೆಚ್ಚು ಸಾಮಾನ್ಯವಾಗಿದೆ. ಸಂಧಿ ಮುದ್ರೆಯನ್ನು  ಮಾಡುವುದರಿಂದ ಮಣಿಕಟ್ಟು, ಕಣಕಾಲು, ಭುಜ ಮುಂತಾದ ಕಡೆಗಳಲ್ಲಿ ಕಾಣಿಸಿಕೊಳ್ಳುವ ನೋವು ನಿವಾರಣೆಯಾಗುತ್ತದೆ. 

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ. 

ಸಂಧಿವಾತದಿಂದ ಪರಿಹಾರ : 
ಸಂಧಿ ಮುದ್ರೆಯು ಸಂಧಿವಾತ ರೋಗಿಗಳಿಗೆ ಪ್ರಯೋಜನಕಾರಿಯಾಗಿದೆ. ಥೈರಾಯ್ಡ್ ರೋಗಿಗಳಾಗಿದ್ದರೆ ಬೆಳಿಗ್ಗೆ 15 ನಿಮಿಷಗಳ ಕಾಲ ದಿನಕ್ಕೆ ನಾಲ್ಕು ಬಾರಿ ಈ ಮುದ್ರೆಯನ್ನು ಮಾಡಬೇಕು. ಈ ಯೋಗವನ್ನು ಮಾಡುವುದರೊಂದಿಗೆ ನಿಮ್ಮ ಆಹಾರಕ್ರಮವನ್ನು ಸಹ ಆರೋಗ್ಯಕರವಾಗಿರಿಸಿಕೊಳ್ಳಬೇಕು. ಆಗ ಮಾತ್ರ ಈ ಆಸನವು ಈ ರೋಗದಲ್ಲಿ ಉಪಯುಕ್ತವಾಗಬಹುದು.