ಬೋಳು ತಲೆ ಸಮಸ್ಯೆಯನ್ನು ನೈಸರ್ಗಿಕವಾಗಿ ನಿವಾರಿಸುತ್ತದೆ ಈ ಒಂದು ವಸ್ತು

Benefits of Onion Juice on Hair : ಹೆಚ್ಚುತ್ತಿರುವ ಮಾಲಿನ್ಯ ಮತ್ತು ಕೂದಲಿನ ಆರೈಕೆಯ ಕೊರತೆಯಿಂದಾಗಿ, ತಲೆಹೊಟ್ಟು, ಕೂದಲು ಉದುರುವಿಕೆ, ಒಣ ಕೂದಲು,  ಮುಂತಾದ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಪ್ರೋಟೀನ್, ಕೆರಾಟಿನ್ ಮತ್ತು ಸಲ್ಫರ್‌ನಿಂದಾಗಿ  ಕೂದಲು ಬಲವಾಗಿರುತ್ತದೆ. ಕೂದಲಿನಲ್ಲಿ ಪ್ರೋಟೀನ್, ವಿಟಮಿನ್, ಕ್ಯಾಲ್ಸಿಯಂನಂತಹ ಪೋಷಕಾಂಶಗಳ ಕೊರತೆಯಿದ್ದರೆ, ಕೂದಲು ಉದುರುವುದು, ತಲೆಹೊಟ್ಟು ಮುಂತಾದ ಸಮಸ್ಯೆಗಳು ಎದುರಾಗುತ್ತವೆ.  

ಕೂದಲಿಗೆ ಈರುಳ್ಳಿ ರಸದ ಪ್ರಯೋಜನಗಳು:  
ಕೂದಲು ಉದುರುವಿಕೆ, ತಲೆಹೊಟ್ಟು ಮತ್ತು ಒಣ ಮತ್ತು ನಿರ್ಜೀವ ಕೂದಲನ್ನು ತೊಡೆದುಹಾಕಲು, ಜನರು ಅನೇಕ ರೀತಿಯ ರಾಸಾಯನಿಕಯುಕ್ತ ಶ್ಯಾಂಪೂಗಳು, ಕಂಡಿಷನರ್, ಎಣ್ಣೆಗಳನ್ನು ಬಳಸುತ್ತಾರೆ. ಇದು ಕೂದಲಿಗೆ ಪ್ರಯೋಜನಕಾರಿಯಾಗುವ ಬದಲು ಹಾನಿ ಉಂಟು ಮಾಡುತ್ತದೆ. ಆದರೆ ಈರುಳ್ಳಿ ರಸವು ಯಾವುದೇ ಅಡ್ಡ ಪರಿಣಾಮವಿಲ್ಲದೆ  ಕೂದಲಿನ ಈ ಸಮಸ್ಯೆಗಳನ್ನು ನಿವಾರಿಸಬಲ್ಲದು .  

ಇದನ್ನೂ ಓದಿ : Side Effects of Almonds: ಹೆಚ್ಚು ಬಾದಾಮಿ ಸೇವಿಸಿದ್ರೆ ಏನಾಗುತ್ತೆ ಗೊತ್ತಾ..?

1. ಕೂದಲು ಉದುರುವಿಕೆಯ ಸಮಸ್ಯೆಯನ್ನು ನಿವಾರಿಸಿ: ಈರುಳ್ಳಿ ರಸದಲ್ಲಿ ಸಲ್ಫರ್ ಇರುತ್ತದೆ. ಇದರಿಂದಾಗಿ ಇದು ಕೂದಲು ಉದುರುವಿಕೆಯ ಸಮಸ್ಯೆಯನ್ನು ನಿವಾರಿಸುತ್ತದೆ ಮತ್ತು ಕೂದಲನ್ನು ಬೇರಿನಿಂದ ಬಲಪಡಿಸುತ್ತದೆ. ಅಲ್ಲದೆ ಇದು ಕಾಲಜನ್ ಉತ್ಪಾದನೆಗೆ ಸಹಾಯ ಮಾಡುತ್ತದೆ. ಈ ಸಲ್ಫರ್ ಕಾಲಜನ್ ತಲೆಯಲ್ಲಿ ಹೊಸ ಕೂದಲು ಕಿರುಚೀಲಗಳ ಬೆಳವಣಿಗೆಗೆ ಸಹಾಯ ಮಾಡುತ್ತದೆ. ಈರುಳ್ಳಿ ರಸದಿಂದ ತಲೆಗೆ ಮಸಾಜ್ ಮಾಡುವುದರಿಂದ ತಲೆಯಲ್ಲಿ ರಕ್ತ ಸಂಚಾರ ಹೆಚ್ಚುತ್ತದೆ.

2. ಕಿರಿ ವಯಸ್ಸಿನಲ್ಲಿಯೇ ಕೂದಲು ಬಿಳಿಯಾಗುವುದನ್ನು ತಡೆಯುತ್ತದೆ :  
ಹೈಡ್ರೋಜನ್ ಪೆರಾಕ್ಸೈಡ್ ಕೂದಲು ಬಿಳಿಯಾಗಲು ಕಾರಣವಾಗುವ ಒಂದು ಅಂಶವಾಗಿದೆ. ಇದು ಈರುಳ್ಳಿ ಜ್ಯೂಸ್‌ನಲ್ಲಿರುವ ಕ್ಯಾಟಲೇಸ್ ಆಂಟಿಆಕ್ಸಿಡೆಂಟ್‌ನಿಂದ ಕಡಿಮೆಯಾಗುತ್ತದೆ. ಕ್ಯಾಟಲೇಸ್ ಎಂಬುದು ಈರುಳ್ಳಿ ರಸದಲ್ಲಿ ಕಂಡುಬರುವ ಉತ್ಕರ್ಷಣ ನಿರೋಧಕವಾಗಿದೆ. ಇದು ಕೂದಲು ಬಿಳಿಯಾಗುವುದನ್ನು ತಡೆಯಲು ನೈಸರ್ಗಿಕ ಪರಿಹಾರವಾಗಿದೆ. 

ಇದನ್ನೂ ಓದಿ  : ಈ ಸೈಲೆಂಟ್ ಕಿಲ್ಲರ್ ಕಾಯಿಲೆಯ ಸೈಲೆಂಟ್ ಲಕ್ಷಣಗಳನ್ನು, ಮರೆತೂ ಕೂಡ ನಿರ್ಲಕ್ಷಿಸಬೇಡಿ!

3. ಕೂದಲಿಗೆ ತೇವಾಂಶ ಮತ್ತು ಪೋಷಣೆ ನೀಡುತ್ತದೆ : ಈರುಳ್ಳಿ ರಸದಲ್ಲಿ ಹಲವು ರೀತಿಯ ಪೋಷಕಾಂಶಗಳಿವೆ. ಈ ಎಲ್ಲಾ ಪೋಷಕಾಂಶಗಳು ಹಾನಿಗೊಳಗಾದ ಮತ್ತು ಒಣಗಿದ ಕೂದಲನ್ನು ಪೋಷಿಸುವ ಕೆಲಸ ಮಾಡುತ್ತವೆ. ಆಂಟಿಆಕ್ಸಿಡೆಂಟ್, ಫ್ಲೇವನಾಯ್ಡ್ ಮತ್ತು ಉರಿಯೂತದ ಗುಣಲಕ್ಷಣಗಳು ಈರುಳ್ಳಿ ರಸದಲ್ಲಿ ಕಂಡುಬರುತ್ತವೆ. ಇದು ಕೂದಲಿನ ಬೇರುಗಳನ್ನು ಬಲಪಡಿಸುತ್ತದೆ. 

4. ತಲೆಹೊಟ್ಟು  ನಿವಾರಿಸುತ್ತದೆ : ತಲೆಹೊಟ್ಟು ಎಲ್ಲರೂ ಎದುರಿಸುವ ಸಾಮಾನ್ಯ ಸಮಸ್ಯೆಯಾಗಿದೆ. ಆದರೆ ಅದನ್ನು ತೊಡೆದುಹಾಕುವುದು ಬಲು ಕಷ್ಟ.  ಫಂಗಲ್ ಸೋಂಕಿನಿಂದ  ನೆತ್ತಿಯಲ್ಲಿ ತಲೆಹೊಟ್ಟು ಕಾಣಿಸಿಕೊಳ್ಳುತ್ತದೆ. ಈರುಳ್ಳಿ ರಸದಲ್ಲಿ ಕಂಡುಬರುವ ಆಂಟಿಮೈಕ್ರೊಬಿಯಲ್ ಮತ್ತು ಆಂಟಿಫಂಗಲ್ ಗುಣಲಕ್ಷಣಗಳಿಂದಾಗಿ, ಇದು ತಲೆಹೊಟ್ಟು ಉಂಟುಮಾಡುವ ಬ್ಯಾಕ್ಟೀರಿಯಾವನ್ನು ತಡೆಯುತ್ತದೆ.