`ಪ್ಯಾರಾಸಿಟಮಾಲ್` ಮಾತ್ರೆ ಈ ವಯಸ್ಸಿನವರಿಗೆ ಒಳ್ಳೆಯದಲ್ಲ..! ನುಂಗುವ ಮುನ್ನ ಒಮ್ಮೆ ಯೋಚಿಸಿ..

Paracetamol health tips : ಪ್ಯಾರಾಸಿಟಮಾಲ್.. ಈ ಟ್ಯಾಬ್ಲೆಟ್ ಬಗ್ಗೆ ಗೊತ್ತಿಲ್ಲದವರೇ ಇಲ್ಲ.. ಚಿಕ್ಕ ಮಕ್ಕಳಿಂದ ಹಿಡಿದು ಮುದುಕರವರೆಗೂ ಸಣ್ಣ ಜ್ವರ ಬಂದರೆ ಸಾಕು.. ಮೆಡಿಕಲ್‌ ಶಾಪ್‌ಗೆ ಹೋಗಿ ಪ್ಯಾರಾಸಿಟಮಾಲ್ ಮಾತ್ರೆ ತಂದು ಸೇವಿಸುತ್ತಾರೆ. ಆದರೆ ಈ ಮಾತ್ರೆ ಕೆಲವು ವಯಸ್ಸಿನವರಿಗೆ ಒಳ್ಳೆಯದಲ್ಲ..  

ಜ್ವರ ಮತ್ತು ನೋವಿನಿಂದ ಉಪಶಮನ ಪಡೆಯಲು ಪ್ಯಾರಾಸಿಟಮಾಲ್ ಮಾತ್ರೆಗಳನ್ನು ಬಳಸಲಾಗುತ್ತದೆ. ಈ ಟ್ಯಾಬ್ಲೆಟ್ ತುಂಬಾ ಒಳ್ಳೆಯದು. ಅದಕ್ಕಾಗಿಯೇ ಜನರು ಜ್ವರ ಬಂದಾಗ ಇದನ್ನು ಬಳಸುತ್ತಾರೆ. ಅನೇಕ ಜನರು ವೈದ್ಯರನ್ನು ಸಂಪರ್ಕಿಸದೆ ಪ್ಯಾರಾಸಿಟಮಾಲ್ ತೆಗೆದುಕೊಳ್ಳಲು ಪ್ರಾರಂಭಿಸುತ್ತಾರೆ.  

ಇದನ್ನೂ ಓದಿ:ಪೈಲ್ಸ್‌ ಸಮಸ್ಯೆಯನ್ನು ಮೂಲದಿಂದಲೇ ನಿವಾರಿಸುತ್ತೆ ಈ ತರಕಾರಿ.. ಆದರೆ ತಿನ್ನುವ ವಿಧಾನ ಹೀಗಿರಬೇಕು!

ಬ್ರಿಟನ್ ನಲ್ಲಿ ನಡೆಸಿದ ಅಧ್ಯಯನದಲ್ಲಿ ಇದು ಬಹಿರಂಗವಾಗಿದೆ. 65 ವರ್ಷ ಮೇಲ್ಪಟ್ಟವರು ಪ್ಯಾರೆಸಿಟಮಾಲ್ ಅನ್ನು ಹೆಚ್ಚು ಬಳಸಿದರೆ, ಗಂಭೀರ ಹೃದಯ, ಹೊಟ್ಟೆ ಮತ್ತು ಮೊಣಕಾಲು ರೋಗಗಳು ಬರುವ ಸಾಧ್ಯತೆಯಿದೆ ಎಂದು ವಿಜ್ಞಾನಿಗಳು ಹೇಳುತ್ತಾರೆ. UK ನಾಟಿಂಗ್‌ಹ್ಯಾಮ್ ವಿಶ್ವವಿದ್ಯಾಲಯದ ಸಂಶೋಧಕರು ಈ ಅಧ್ಯಯನವನ್ನು ನಡೆಸಿದ್ದಾರೆ.

ಈ ಅಧ್ಯಯನವು 65 ವರ್ಷ ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನ ಜನರ ಮೇಲೆ ನಡೆಸಲಾಯಿತು. ಪ್ಯಾರಾಸಿಟಮಾಲ್ ದೀರ್ಘಕಾಲಿಕ ಬಳಕೆಯು ವಯಸ್ಸಾದವರಲ್ಲಿ ಜಠರಗರುಳಿನ, ಹೃದಯ ಮತ್ತು ಮೂತ್ರಪಿಂಡದ ತೊಂದರೆಗಳ ಅಪಾಯವನ್ನು ಹೆಚ್ಚಿಸುತ್ತದೆ ಎಂದು ಕಂಡುಬಂದಿದೆ.

ಇದನ್ನೂ ಓದಿ:ತುಪ್ಪಕ್ಕೆ ಈ ಪದಾರ್ಥ ಬೆರೆಸಿ ತಿನ್ನಿ.. ಹೊಟ್ಟೆಯ ಎಲ್ಲ ಸಮಸ್ಯೆಗಳಿಗೂ ಇದೊಂದೇ ಮದ್ದು!

ದೀರ್ಘಕಾಲದ ನೋವು, ಸಂಧಿವಾತದಿಂದ ಬಳಲುತ್ತಿರುವ ರೋಗಿಗಳು ನೋವನ್ನು ನಿವಾರಿಸಲು ಪ್ಯಾರಸಿಟಮಾಲ್ ಮಾತ್ರೆಗಳನ್ನು ಬಳಸಲಾಗುತ್ತದೆ. ಆದರೆ ಹಾಗೆ ಮಾಡುವುದರಿಂದ ಅವರ ಹೃದಯ ಮತ್ತು ಮೂತ್ರಪಿಂಡಗಳ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತದೆ ಎನ್ನಲಾಗಿದೆ.

ಸೂಚನೆ : ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿಯಾಗಿದೆ. ಇದು ಎಲ್ಲರಿಗೂ ಸಮಾನವಾಗಿ ಅನ್ವಯಿಸದಿರಬಹುದು. ಫಲಿತಾಂಶಗಳು ವ್ಯಕ್ತಿಯ ಆರೋಗ್ಯವನ್ನು ಅವಲಂಬಿಸಿರುತ್ತದೆ. ಇದನ್ನು ಅಳವಡಿಸಿಕೊಳ್ಳುವ ಮುನ್ನ ಸಂಬಂಧಿತ ತಜ್ಞರಿಂದ ಸಲಹೆ ಪಡೆಯಿರಿ..