Holi 2020 : ಹೋಳಿಯ ಹಾನಿಕಾರಕ ಬಣ್ಣಗಳಿಂದ ನಿಮ್ಮ ಕಣ್ಣುಗಳನ್ನು ಹೀಗೆ ರಕ್ಷಿಸಿ

ಬೆಂಗಳೂರು: ಹೋಳಿ ಬಣ್ಣಗಳು ಚರ್ಮ, ಕೂದಲು ಮತ್ತು ಕಣ್ಣುಗಳಿಗೆ ಹೆಚ್ಚು ಹಾನಿಯನ್ನುಂಟುಮಾಡುತ್ತವೆ. ಚರ್ಮದ ಮೇಲೆ ಹೋಳಿ ಬಣ್ಣವು ಕಣ್ಣನ್ನು ಕೆಂಪಾಗಿಸುವುದು, ಅಲರ್ಜಿಗಳು, ತುರಿಕೆ ಹೀಗೆ ಹಲವು ರೀತಿಯ ತೊಂದರೆ ಉಂಟುಮಾಡುತ್ತದೆ, ನಂತರ ಹಾನಿಕಾರಕ ಬಣ್ಣಗಳು ಕಣ್ಣಿನ ಒಳಗೆ ಹೋದಲ್ಲಿ ಕಣ್ಣು ಉರಿ, ಅಲರ್ಜಿ ಹೀಗೆ ಇತ್ಯಾದಿಗಳ ತೊಂದರೆಗಳು ಉಂಟಾಗಬಹುದು.

ಹೋಳಿಯಲ್ಲಿ, ಪರಸ್ಪರರು ಬಣ್ಣ ಹಚ್ಚಿಕೊಳ್ಳದಿದ್ದರೆ ಮನಸ್ಸು ಒಪ್ಪುವುದಿಲ್ಲ. ಆದಾಗ್ಯೂ, ಹೋಳಿಯಲ್ಲಿ ಕೆಲವರು ಬಹಳ ಉತ್ಸುಕರಾಗಿರುತ್ತಾರೆ, ಇನ್ನೂ ಕೆಲವರು ಬಣ್ಣ ಹಚ್ಚುವ ಸಂಭ್ರಮದಲ್ಲಿ ರಾಸಾಯನಿಕ ಭರಿತ ಬಣ್ಣಗಳನ್ನು ಕಣ್ಣುಗಳಿಗೆ ಮತ್ತು ಬಾಯಿಗೆ ಅನ್ವಯಿಸಲಾಗುತ್ತದೆ. ಈ ರಾಸಾಯನಿಕ ಬಣ್ಣಗಳು ಚರ್ಮ ಮತ್ತು ಕಣ್ಣುಗಳಿಗೆ ತುಂಬಾ ಹಾನಿಕಾರಕ. ಹೋಳಿ ಆಡುವಾಗ (2020 ರಲ್ಲಿ) ನಿಮ್ಮ ಕಣ್ಣುಗಳನ್ನು ಸುರಕ್ಷಿತವಾಗಿರಿಸಲು(Eye care tips on holi) ಈ ಸಲಹೆಗಳನ್ನು ಬಳಸುವುದು ಉತ್ತಮ.

ತಕ್ಷಣ ಕಣ್ಣುಗಳನ್ನು ತೊಳೆಯಬೇಡಿ:
ಆಗಾಗ್ಗೆ ನಾವು ಹೋಳಿಯಲ್ಲಿ ಬಣ್ಣ ಹಚ್ಚಿದ ಕೂಡಲೇ ತಕ್ಷಣ ನೀರಿನಿಂದ ತೊಳೆಯಲು ಪ್ರಾರಂಭಿಸುತ್ತೇವೆ. ನೀವು ಇದನ್ನು ಮಾಡುವುದನ್ನು ತಪ್ಪಿಸಬೇಕು. ವಿಶೇಷವಾಗಿ, ಕಣ್ಣುಗಳಲ್ಲಿ ಒಣ ಬಣ್ಣ ಹೋದಾಗ, ಮರೆತೂ ಸಹ ಕಣ್ಣಿಗೆ ನೀರು ಹಾಕಬೇಡಿ. ಇದು ಕಣ್ಣುಗಳಿಗೆ ಬಣ್ಣವನ್ನು ಹರಡುತ್ತದೆ ಮತ್ತು ಎಲ್ಲವೂ ಮಸುಕಾಗಿ ಕಾಣಿಸಿಕೊಳ್ಳಲು ಪ್ರಾರಂಭಿಸುತ್ತದೆ. ನೀವು ಕಣ್ಣುಗಳಲ್ಲಿ ಐಕ್ಲೈನರ್ ಡ್ರಾಪ್ ಹಾಕುವುದು ಉತ್ತಮ.

ಕಣ್ಣುಗಳನ್ನು ಉಜ್ಜಬೇಡಿ:
ಕಣ್ಣುಗಳಿಗೆ ಸಣ್ಣ ದೂಳೆ ಆಗಲಿ ಅಥವಾ ಬಣ್ಣವಾಗಲಿ ಬಿದ್ದಾಗ ಕಣ್ಣುಗಳನ್ನು ಸ್ವಲ್ಪವೂ ಉಜ್ಜಬೇಡಿ. ಇದು ಕಣ್ಣಿನ ಕಿರಿಕಿರಿ ಮತ್ತು ಕಣ್ಣು ಕೆಂಪಾಗುವುದಕ್ಕೆ ಕಾರಣವಾಗಬಹುದು. ಕಣ್ಣುಗಳ ಹೊರಗೆ ಬಣ್ಣವಿದ್ದರೆ, ಮೊದಲು ಅದನ್ನು ಬಟ್ಟೆಯಿಂದ ತೆಗೆದುಹಾಕಿ. ನಂತರ ಕಣ್ಣಿನ ಡ್ರಾಪ್ ಹಾಕಿ.

ವೈದ್ಯರ ಬಳಿಗೆ ಹೋಗಿ:
ಕಣ್ಣು ಉರಿ ಇದ್ದರೆ ಕಣ್ಣಿನ ಡ್ರಾಪ್ಸ್ ಹಾಕಿ. ಆದರೂ ಉರಿ, ತುರಿಕೆ ಹೋಗದಿದ್ದರೆ, ವೈದ್ಯರನ್ನು ಭೇಟಿ ಮಾಡಿ. ಉತ್ತಮ ನಯಗೊಳಿಸುವ ಕಣ್ಣಿನ ಹನಿಗಳನ್ನು ಬಳಸಿ. ದೃಷ್ಟಿಯಲ್ಲಿ ಸಮಸ್ಯೆ ಹೆಚ್ಚು ಇದ್ದರೆ, ತಪ್ಪದೇ ವೈದ್ಯರ ಬಳಿಗೆ ಹೋಗಿ. ಹೋಳಿ ದಿನದಂದು ಸನ್ಗ್ಲಾಸ್ ಬಳಸಿ.

ಹೋಳಿ ಆಡಲು ಸುರಕ್ಷಿತ ಮಾರ್ಗಗಳು
- ಉತ್ತಮ ಗುಣಮಟ್ಟದ ಬಣ್ಣಗಳನ್ನು ಬಳಸಿ.
- ಶಾಶ್ವತ ಬಣ್ಣಗಳಿಂದ ದೂರವಿರಿ.
- ನೀರಿನಲ್ಲಿ ಕರಗುವ ಬಣ್ಣಗಳನ್ನು ಬಳಸಿ.
- ಗೋಲ್ಡ್, ಸಿಲ್ವರ್, ಹಸಿರು ಬಣ್ಣಗಳನ್ನು ಹೆಚ್ಚು ಬಳಸಬೇಡಿ.
- ಹೆಚ್ಚು ಒಣ ಬಣ್ಣಗಳು ಸಿಲಿಕಾ ಅಂಶಗಳನ್ನು ಒಳಗೊಂಡಿರುತ್ತವೆ ಮತ್ತು ಅವು ನಿಮ್ಮ ಕಣ್ಣುಗಳನ್ನು ಹಾನಿಗೊಳಿಸುತ್ತವೆ.
- ಹೆಚ್ಚಾಗಿ ಒಣ ಬಣ್ಣಗಳು ಚರ್ಮದ ಅಲರ್ಜಿಗೆ ಕಾರಣವಾಗಬಹುದು. ಕೆಲವೊಮ್ಮೆ ಅಲರ್ಜಿ ಚರ್ಮದ ಕ್ಯಾನ್ಸರ್ ರೂಪವನ್ನು ಸಹ ಪಡೆಯಬಹುದು.

ನೆನಪಿಡಿ: ಬಣ್ಣ ಹಚ್ಚುವಾಗ ನಿಮ್ಮ ಜೊತೆಗೆ ನಿಮ್ಮ ಜೊತೆಗಿರುವವರ ಬಗ್ಗೆಯೂ ಎಚ್ಚರ ವಹಿಸಿ, ಯಾರಿಗೂ ಬಲವಂತವಾಗಿ ಬಣ್ಣ ಹಚ್ಚಬೇಡಿ. ಅದರಲ್ಲೂ ಮುಖ್ಯವಾಗಿ ಕಣ್ಣಿನ ಭಾಗಕ್ಕೆ ಬಣ್ಣ ಹಚ್ಚಬೇಡಿ.