ಮೂಳೆಗಳ ರಕ್ಷಣೆಗೆ ಈ ರೀತಿ ಕಾಳಜಿ ವಹಿಸಿ

ಬೆಂಗಳೂರು: ಒಬ್ಬ ವ್ಯಕ್ತಿ ಆರೋಗ್ಯವಾಗಿರಲು ದೇಹದ ಇತರ ಭಾಗಗಳಂತೆ ನಮ್ಮ ದೇಹದಲ್ಲಿನ ಅಸ್ಥಿಪಂಜರದ ವ್ಯವಸ್ಥೆಯ ಪಾತ್ರ ಮುಖ್ಯವಾಗಿದೆ. ಮೂಳೆಗಳು ನಮ್ಮ ದೇಹಕ್ಕೆ ಒಂದು ರಚನೆಯನ್ನು ಒದಗಿಸುತ್ತವೆ. ಅದೇ ಸಮಯದಲ್ಲಿ ಅವು ದೇಹದಲ್ಲಿನ ಕೆಲವು ಪ್ರಮುಖ ಅಂಗಗಳನ್ನು ಸಹ ರಕ್ಷಿಸುತ್ತವೆ. ಕ್ಯಾಲ್ಸಿಯಂ ಮತ್ತು ರಂಜಕದಂತಹ ಖನಿಜಗಳನ್ನು ಸಂಗ್ರಹಿಸಲು ಮತ್ತು ಸ್ನಾಯುಗಳನ್ನು ಉತ್ತೇಜಿಸಲು ಮೂಳೆಗಳು ಸಹಕಾರಿ. ಬಾಲ್ಯದಿಂದ ವೃದ್ಧಾಪ್ಯದವರೆಗೆ ಅವುಗಳಲ್ಲಿ ಹಲವು ಬದಲಾವಣೆಗಳಿವೆ. 30 ನೇ ವಯಸ್ಸಿಗೆ, ಮೂಳೆ ದ್ರವ್ಯರಾಶಿ ಸಾಂದ್ರತೆಯು ಉತ್ತುಂಗಕ್ಕೇರುತ್ತದೆ. ಹಾಗೆಯೇ ವಯಸ್ಸಾದಂತೆ ಮೂಳೆಗಳಲ್ಲಿ ಈ ದ್ರವ್ಯರಾಶಿಯ ಪ್ರಮಾಣವು ಕ್ರಮೇಣ ಕಡಿಮೆಯಾಗುತ್ತದೆ, ಇದು ಆಸ್ಟಿಯೊಪೊರೋಸಿಸ್ ಸ್ಥಿತಿಗೆ ಕಾರಣವಾಗುತ್ತದೆ. ನಮಗೆ ವಯಸ್ಸಾದಂತೆ ಈ ರೀತಿಯ ಬೆಳವಣಿಗೆಯಾಗುತ್ತದೆ. 

ಇಂತಹ ಪರಿಸ್ಥಿತಿಯಲ್ಲಿ ನಮ್ಮ ಮೂಳೆಗಳು ದುರ್ಬಲವಾಗುತ್ತವೆ ಮತ್ತು ಟೊಳ್ಳಾಗುತ್ತವೆ. ಈ ಸಂದರ್ಭದಲ್ಲಿ, ಯಾವುದೇ ಕಾರಣಕ್ಕಾಗಿ ಮೂಳೆ ಮುರಿದುಹೋದರೆ, ನಂತರ ಅವುಗಳನ್ನು ಮತ್ತೆ ಸೇರಲು ತುಂಬಾ ಕಷ್ಟವಾಗುತ್ತದೆ. ಅಂಕಿಅಂಶಗಳ ಪ್ರಕಾರ, 50 ವರ್ಷಕ್ಕಿಂತ ಮೇಲ್ಪಟ್ಟ ಜನರಿಗೆ ಸಣ್ಣ ಪುಟ್ಟ ಏಟಾದ ಸಂದರ್ಭದಲ್ಲೂ ಮೂಳೆ ಮುರಿಯುವ ಪ್ರವೃತ್ತಿಯನ್ನು ಹೊಂದಿರುತ್ತಾರೆ. 50 ವರ್ಷ ದಾಟಿದ ಬಳಿಕ ಇಬ್ಬರು ಮಹಿಳೆಯರಲ್ಲಿ ಇಬ್ಬರು ಮತ್ತು ನಾಲ್ಕು ಪುರುಷರಲ್ಲಿ ಒಬ್ಬರಲ್ಲಿ ಇಂತಹ ಮೂಳೆ ಮುರಿಯುವ ಸಾಧ್ಯತೆಯಿದೆ ಎಂದು ಕೆಲವು ಅಂಕಿ-ಅಂಶಗಳಿಂದ ತಿಳಿದುಬಂದಿದೆ. ಕಾರಣ ವಯಸ್ಸಾದಂತೆ ಅವರು ಆಸ್ಟಿಯೊಪೊರೋಸಿಸ್ ನಿಂದ ಬಳಲುತ್ತಿರುತ್ತಾರೆ. ಈ ಸಂದರ್ಭದಲ್ಲಿ, ಅದರ ಬಗ್ಗೆ ಸರಿಯಾದ ಕಾಳಜಿ ಬಹಳ ಮುಖ್ಯ.

ವಯಸ್ಸಾದಂತೆ ಮೂಳೆಗಳಿಗೆ ಸಂಬಂಧಿಸಿದ ಹಲವು ರೀತಿಯ ತೊಂದರೆಗಳು ಕಾಣಿಸಿಕೊಳ್ಳುತ್ತವೆ. ಇದರಿಂದಾಗಿ ಜನರು ಸಮಯಕ್ಕೆ ಮುಂಚಿತವಾಗಿ ಈ ರೋಗಕ್ಕೆ ಬಲಿಯಾಗುತ್ತಾರೆ. ದೈನಂದಿನ ಆಹಾರದಲ್ಲಿ ಕ್ಯಾಲ್ಸಿಯಂ ಅಥವಾ ವಿಟಮಿನ್ ಡಿ ಕೊರತೆ, ಕಡಿಮೆ ದೈಹಿಕ ಚಟುವಟಿಕೆ, ಅತ್ಯಂತ ಕಡಿಮೆ ತೂಕ, ಮಾದಕತೆ, ಅನಿಯಮಿತ ಮಟ್ಟದ ಹಾರ್ಮೋನುಗಳು ಮತ್ತು ಕೆಲವು ಔಷಧಿಗಳನ್ನು ಸೇವಿಸುವುದರಿಂದ ಆಸ್ಟಿಯೊಪೊರೋಸಿಸ್ ಅಕಾಲಿಕವಾಗಿ ಕಾಣಿಸಿಕೊಳ್ಳುತ್ತದೆ.

ಫರಿದಾಬಾದ್‌ನ ಫೋರ್ಟಿಸ್ ಎಸ್ಕೋರ್ಟ್ಸ್ ಆಸ್ಪತ್ರೆಯ ಮೂಳೆ ವಿಭಾಗದ ಹೆಚ್ಚುವರಿ ನಿರ್ದೇಶಕ ಡಾ.ಹರೀಶ್ ಘುತಾ ಅವರು ಜಿನೀವಾಲೆಗೆ ಸಂಬಂಧಿಸಿದ ಕೆಲವು ವಿಷಯಗಳನ್ನು ಹಂಚಿಕೊಂಡಿದ್ದಾರೆ. ಇದು ಮೂಳೆಯ ಆರೋಗ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.

- ಕ್ಯಾಲ್ಸಿಯಂ ಮತ್ತು ವಿಟಮಿನ್ ಡಿ ಸಮೃದ್ಧವಾಗಿರುವ ಆಹಾರ ಮತ್ತು ಪಾನೀಯಗಳನ್ನು ಸೇರಿಸುವುದು ಉತ್ತಮ ಹಂತವಾಗಿದೆ. ಉದಾಹರಣೆಗೆ, ನಿಮ್ಮ ದೈನಂದಿನ ಆಹಾರದಲ್ಲಿ ಕಡಿಮೆ ಕೊಬ್ಬಿನ ಹಾಲಿನ ಉತ್ಪನ್ನಗಳನ್ನು ತೆಗೆದುಕೊಳ್ಳಿ, ಹಸಿರು ಸೊಪ್ಪು ತರಕಾರಿಗಳು, ದ್ವಿದಳ ಧಾನ್ಯಗಳು, ಬಾದಾಮಿ ಇತ್ಯಾದಿಗಳನ್ನು ತೆಗೆದುಕೊಳ್ಳಿ. 

- ವಾರಕ್ಕೆ ಕನಿಷ್ಠ ಎರಡು-ಮೂರು ಬಾರಿಯಾದರೂ ದೇಹಕ್ಕೆ ಸೂರ್ಯನ ಬೆಳಕನ್ನು ತೋರಿಸಿ. ಏಕೆಂದರೆ ಸೂರ್ಯನ ಬೆಳಕು ವಿಟಮಿನ್ ಡಿ ಯ ಉತ್ತಮ ಮೂಲವಾಗಿದೆ. ಇದಲ್ಲದೆ ಹಾಲು, ಸಿರಿಧಾನ್ಯಗಳು, ಬಾದಾಮಿ, ಟ್ಯೂನ ಮೀನು, ಸೀಗಡಿ ಮೀನುಗಳಲ್ಲಿ ಉತ್ತಮ ಪ್ರಮಾಣದ ವಿಟಮಿನ್ ಡಿ ಕಂಡುಬರುತ್ತದೆ. ಹಾಗಾಗಿ ನಿಮ್ಮ ದೈನಂದಿನ ಆಹಾರದಲ್ಲಿ ಇವುಗಳನ್ನು ಸೇರಿಸಿ.

- ನಿಯಮಿತವಾಗಿ ಕನಿಷ್ಠ ಅರ್ಧ ಘಂಟೆ ದೈಹಿಕ ವ್ಯಾಯಾಮ ಮಾಡಿ. ಇದು ಮೂಳೆಗಳು ಮತ್ತು ಸ್ನಾಯುಗಳನ್ನು ಬಲಪಡಿಸುತ್ತದೆ.

- ತಂಬಾಕು ಅಥವಾ ಆಲ್ಕೊಹಾಲ್ ಸೇವನೆಯಿಂದ ದೂರವಿರಿ.