ʼರೋಸ್ ಆಪಲ್ ಜ್ಯೂಸ್ʼ ಮಹತ್ವ ಗೊತ್ತೆ..! ರೋಗನಿರೋಧಕ ಶಕ್ತಿ ಹೆಚ್ಚಿಸುತ್ತೆ ಈ ಹಣ್ಣು

Rose Apple fruit Benefits : ಬೇಸಿಗೆಯಲ್ಲಿ ಅನೇಕ ಜನರು ನಿರ್ಜಲೀಕರಣದ ಸಮಸ್ಯೆಯಿಂದ ಬಳಲುತ್ತಾರೆ. ನಿರ್ಜಲೀಕರಣದ ಸಮಸ್ಯೆಯಿಂದ ಪರಿಹಾರ ಪಡೆಯಲು ಜನರು ಅನೇಕ ಪಾನೀಯಗಳನ್ನು ಕುಡಿಯುತ್ತಾರೆ. ಹೊರಗಿನ ಪಾನೀಯಗಳನ್ನು ಸೇವಿಸುವುದರಿಂದ ಆರೋಗ್ಯ ಸಮಸ್ಯೆಗಳು ಉಂಟಾಗಬಹುದು. ಅತಿಯಾಗಿ ತಂಪು ಪಾನೀಯಗಳನ್ನು ಕುಡಿಯುವುದರಿಂದ ಸುಲಭವಾಗಿ ತೂಕ ಹೆಚ್ಚಾಗಬಹುದು ಎನ್ನುತ್ತಾರೆ ತಜ್ಞರು. 

ಅಲ್ಲದೆ ಈ ಪಾನೀಯಗಳು ಹೆಚ್ಚಿನ ಸಕ್ಕರೆ ಮಟ್ಟವನ್ನು ಹೊಂದಿರುತ್ತವೆ. ಇದನ್ನು ಸೇವಿಸುವುದರಿಂದ ಟೈಪ್-2 ಮಧುಮೇಹಕ್ಕೆ ಕಾರಣವಾಗಬಹುದು. ಹೊರಗೆ ಸಿಗುವ ಪದಾರ್ಥಗಳಿಗಿಂತ ಆರೋಗ್ಯಕರ ಹಾಗೂ ರುಚಿಕರವಾದ ಪಾನೀಯಗಳನ್ನು ಮನೆಯಲ್ಲಿಯೇ ತಯಾರಿಸಿ ಕುಡಿಯುವುದರಿಂದ ಆರೋಗ್ಯ ಸಮಸ್ಯೆಗಳು ನಿಮ್ಮನ್ನು ಬಾಧಿಸುವುದಿಲ್ಲ ಎನ್ನುತ್ತಾರೆ ಆರೋಗ್ಯ ತಜ್ಞರು. 

ಇದನ್ನೂ ಓದಿ:ನೀವು ವೇಗವಾಗಿ ಸ್ಲಿಮ್ ಆಗಲು ಬಯಸುವಿರಾ? ಹಾಗಾದರೆ ಈ 5 ತರಕಾರಿಗಳನ್ನು ಸೇವಿಸಿ!

ರೋಸ್‌ ಸೇಬಿನ ಜ್ಯೂಸ್‌ : ಅಲೋವೆರಾ ತಿರುಳು, ಜೇನುತುಪ್ಪ, ನಿಂಬೆ ರಸ, ಶುಂಠಿ ತುಂಡುಗಳು ಮತ್ತು ರೋಸ್‌ ಸೇಬುಗಳನ್ನು ಬೇಸಿಗೆಯಲ್ಲಿ ಬಳಸಬೇಕು. ಇದರಿಂದ ದೇಹ ತಂಪಾಗಿರುತ್ತದೆ. ಒಂದು ಜಾರ್‌ನಲ್ಲಿ ಅಲೋವೆರಾ ದೊಡ್ಡ ತುಂಡು, ಆರು ಗುಲಾಬಿ ಸೇಬುಗಳನ್ನು ಕತ್ತರಿಸಿ ಅದರಲ್ಲಿ ಹಾಕಿ. ನಂತರ ಶುಂಠಿಯನ್ನು ತುಂಡುಗಳಾಗಿ ಕತ್ತರಿಸಿ ಜಾರ್‌ನಲ್ಲಿ ಹಾಕಿ. ಈ ಎರಡಕ್ಕೂ ನೀರು ಸೇರಿಸಿ ಮತ್ತು ನಿಧಾನವಾಗಿ ಮಿಶ್ರಣ ಮಾಡಿ. ಈ ರಸವನ್ನು ಒಂದು ಪಾತ್ರೆಯಲ್ಲಿ ತೆಗೆದುಕೊಂಡು ಅದರಲ್ಲಿ ಸಾಕಷ್ಟು ತಣ್ಣೀರು ಸುರಿಯಿರಿ ಮತ್ತು ಮಿಶ್ರಣ ಮಾಡಿ. ರುಚಿಗೆ ಬೇಕಾದಷ್ಟು ಜೇನುತುಪ್ಪ ಮತ್ತು ನಿಂಬೆ ರಸವನ್ನು ಸೇರಿಸಿ. ಹೀಗೆ ಮಾಡುವುದರಿಂದ ಎನರ್ಜಿ ಡ್ರಿಂಕ್ ಆಗುತ್ತದೆ. 

ಬೇಸಿಗೆಯಲ್ಲಿ ಹೊರಗೆ ಬಂದ ನಂತರ ಈ ಪಾನೀಯವನ್ನು ತಯಾರಿಸಿ ಕುಡಿಯುವುದರಿಂದ ಉತ್ತಮ ಆರೋಗ್ಯದ ಜೊತೆಗೆ ರುಚಿಯನ್ನು ಪಡೆಯಬಹುದು. ಮಾರುಕಟ್ಟೆಯಲ್ಲಿ ಸಿಗುವ ತಂಪು ಪಾನೀಯಗಳನ್ನು ಕುಡಿದು ಆರೋಗ್ಯ ಹಾಳು ಮಾಡಿಕೊಳ್ಳುವ ಬದಲು ಮನೆಯಲ್ಲಿಯೇ ಪೇಯ ತಯಾರಿಸಿ ಕುಡಿಯುವುದು ಉತ್ತಮ.