ಪಿರಿಯೇಡ್ಸ್ ಸಮಯದಲ್ಲಿ ಹೆಣ್ಣು ಮಕ್ಕಳು ಚಹಾ ಸೇವಿಸಬಾರದು ! ಯಾಕೆ ಗೊತ್ತಾ ?

ಬೆಂಗಳೂರು : ಪಿರಿಯಡ್ಸ್ (ಋತುಸ್ರಾವ) ಮಹಿಳೆಯರ ದೇಹದಲ್ಲಿ ಸಂಭವಿಸುವ ನೈಸರ್ಗಿಕ ಪ್ರಕ್ರಿಯೆಯಾಗಿದೆ. ಇದರಲ್ಲಿ ನಿಮ್ಮ ಗರ್ಭಾಶಯದೊಳಗಿನ ರಕ್ತ ಮತ್ತು ಟಿಶ್ಯೂ ಯೋನಿಯ ಮೂಲಕ ಹೊರಬರುತ್ತದೆ. ಇದು ಪ್ರತಿ ತಿಂಗಳಿಗೊಮ್ಮೆ ಸಂಭವಿಸುತ್ತದೆ. ಮುಟ್ಟಿನ ಅವಧಿಯು ಸಾಮಾನ್ಯವಾಗಿ 3 ರಿಂದ 7 ದಿನಗಳವರೆಗೆ ಇರುತ್ತದೆ. ಇದು ವಯಸ್ಸಿನೊಂದಿಗೆ ಬದಲಾಗುತ್ತದೆ. ಜೀವನದ ವಿವಿಧ ಹಂತಗಳಲ್ಲಿ ಮಹಿಳೆಯರ ದೇಹದಲ್ಲಿ ಸಂಭವಿಸುವ ಬದಲಾವಣೆಗಳೊಂದಿಗೆ ಇದು 3 ದಿನ, ಐದು ದಿನ,  7 ದಿನ ಹೀಗೆ ಬದಲಾಗಬಹುದು. ಈ ಸಮಯದಲ್ಲಿ, ಮಹಿಳೆಯರಿಗೆ ಕೆಲವು ಕೆಲಸಗಳನ್ನು ಮಾಡದಂತೆ ಸಲಹೆ ನೀಡಲಾಗುತ್ತದೆ.  ಅದರಲ್ಲಿ ಒಂದು ಚಹಾ ಕುಡಿಯುವುದು.

ಋತುಚಕ್ರದ ಸಮಯದಲ್ಲಿ ಮಹಿಳೆಯರಿಗೆ ಚಹಾವನ್ನು ಶಿಫಾರಸು ಮಾಡುವುದಿಲ್ಲ. ಏಕೆಂದರೆ ಚಹಾವು ಕೆಫೀನ್ ಅನ್ನು ಹೊಂದಿರುತ್ತದೆ. ಇದನ್ನು  ಅತಿಯಾಗಿ ಸೇವಿಸಿದರೆ ಅನೇಕ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. ಕೆಲವು ಕಾರಣಗಳಿಂದಾಗಿ ಮಹಿಳೆಯರು ಋತುಚಕ್ರದ ಸಮಯದಲ್ಲಿ ಚಹಾವನ್ನು ಕುಡಿಯಬಾರದು. ಅವುಗಳು ಯಾವುವು ಎಂದರೆ :-

ಇದನ್ನೂ ಓದಿ : ಈ 5 ಅಂಗಗಳು ರಕ್ತದಲ್ಲಿನ ಸಕ್ಕರೆಯ ಮಟ್ಟವು ಹೆಚ್ಚಾದಾಗ ಸಂಕೇತ ನೀಡುತ್ತವೆ..! ನಿರ್ಲಕ್ಷಿಸಬೇಡಿ

ಕೆಫೀನ್‌ : 
ಚಹಾವು ಕೆಫೀನ್ ಅಂಶವನ್ನು ಹೊಂದಿರುತ್ತದೆ. ಇದು ಮಹಿಳೆಯರ ದೇಹದಲ್ಲಿ ಒತ್ತಡವನ್ನು ಹೆಚ್ಚಿಸುತ್ತದೆ ಮತ್ತು ಮುಟ್ಟಿನ ಸಮಯದಲ್ಲಿ ಉದ್ವೇಗವನ್ನು ಹೆಚ್ಚಿಸುತ್ತದೆ.

ಹೊಟ್ಟೆಯ ಗ್ಯಾಸ್ ಮತ್ತು ಅಜೀರ್ಣ :
ಮಹಿಳೆಯರಿಗೆ ಋತುಚಕ್ರದ ಸಮಯದಲ್ಲಿ ಗ್ಯಾಸ್ ಮತ್ತು ಅಜೀರ್ಣವಾಗಬಹುದು. ಚಹಾದಲ್ಲಿರುವ ಕೆಫೀನ್ ಈ ಸಮಸ್ಯೆಯನ್ನು ಮತ್ತಷ್ಟು  ಹೆಚ್ಚಿಸಬಹುದು.

ಕಿಬ್ಬೊಟ್ಟೆಯ ನೋವು:
ಚಹಾದಲ್ಲಿ ಕಂಡುಬರುವ ಕೆಫೀನ್ ಕಿಬ್ಬೊಟ್ಟೆಯ ನೋವನ್ನು ಹೆಚ್ಚಿಸಬಹುದು. ಕಿಬ್ಬೊಟ್ಟೆಯ ನೋವು  ಮುಟ್ಟಿನ ಸಮಯದಲ್ಲಿ ಮಳೆಯರನ್ನು ಅತಿಯಾಗಿ ಕಾಡುತ್ತದೆ.  ಚಹಾ ಈ ಸಮಸ್ಯೆಯನ್ನು ಮತ್ತಷ್ಟು ಹೆಚ್ಚಿಸಬಹುದು. 

ಇದನ್ನೂ ಓದಿ : ಮಧುಮೇಹಿಗಳಿಗೆ ʼಬೇವುʼ ವರದಾನ.. ಅನೇಕ ಸಮಸ್ಯೆಗಳಿಗೆ ರಾಮಬಾಣ..!

ಹಾರ್ಮೋನ್ ಬದಲಾವಣೆಗಳು:
ಋತುಚಕ್ರದ ಸಮಯದಲ್ಲಿ, ಮಹಿಳೆಯರ ದೇಹದಲ್ಲಿ ಹಾರ್ಮೋನ್‌ಗಳಲ್ಲಿ ಬದಲಾವಣೆ ಕಂಡುಬರುತ್ತದೆ. ಇದರಿಂದಾಗಿ ಅವರಿಗೆ ಸಮತೋಲಿತ ಆಹಾರದ ಅಗತ್ಯವಿರುತ್ತದೆ. ಚಹಾದಲ್ಲಿ ಕೆಫೀನ್‌ನೊಂದಿಗೆ ಯಾವುದೇ ವಿಶೇಷ ಪೋಷಕಾಂಶ ಇರುವುದಿಲ್ಲ. ಇದರಿಂದಾಗಿ ದೇಹವು ಸರಿಯಾದ ಪೋಷಣೆಯನ್ನು ಪಡೆಯುವುದಿಲ್ಲ.