Side Effects of Guava: ಈ ಜನರೂ ಮರೆತೂ ಕೂಡ ಸೀಬೆ ಹಣ್ಣನ್ನು ಸೇವಿಸಬಾರದು

Side Effects of Guava:   ಚಳಿಗಾಲದಲ್ಲಿ ಸೀಬೆ ಹಣ್ಣು ತಿನ್ನುವುದು ಆರೋಗ್ಯಕ್ಕೆ ಒಳ್ಳೆಯದು ಎಂದು ಪರಿಗಣಿಸಲಾಗುತ್ತದೆ. ವಿಶೇಷವಾಗಿ ಹಿರಿಯರು ಹೊಟ್ಟೆಯ ಜೀರ್ಣಶಕ್ತಿಯನ್ನು ಹೆಚ್ಚಿಸಲು ಮತ್ತು ಅತಿಸಾರವನ್ನು ನಿವಾರಿಸಲು ಬಾಳೆಹಣ್ಣಿನ ಜೊತೆಗೆ ಸೀಬೆ ಹಣ್ಣನ್ನು ಸೇವಿಸಲು ಸಲಹೆ ನೀಡುತ್ತಾರೆ. ಇದನ್ನು ಸೇವಿಸುವುದರಿಂದ ದೇಹದ ರೋಗನಿರೋಧಕ ಶಕ್ತಿ ವೇಗವಾಗಿ ಹೆಚ್ಚಾಗುತ್ತದೆ. ಆದರೆ ಕೆಲವರು, ಸೀಬೆ ಹಣ್ಣನ್ನು ಮರೆಗೂ ಕೂಡ ಸೇವಿಸಬಾರದು. ಸೇವಿಸಿದರೆ, ಅವರು ತೀವ್ರವಾಗಿ ಅನಾರೋಗ್ಯಕ್ಕೆ ಒಳಗಾಗಬಹುದು ಮತ್ತು ಅವರನ್ನು ಆಸ್ಪತ್ರೆಗೆ ಸೇರಿಸಬೇಕಾಗಬಹುದು. ಚಳಿಗಾಲದಲ್ಲಿ ಸೀಬೆ ಹಣ್ಣು ಸೇವನ್ನೆಯಿಂದ ಯಾರು ದೂರವಿರಬೇಕು ತಿಳಿದುಕೊಳ್ಳೋಣ ಬನ್ನಿ,

ಈ ರೋಗಗಳ ರೋಗಿಗಳು ಸೀಬೆ ಹಣ್ಣನ್ನು ಸೇವಿಸಬಾರದು
ಆರೋಗ್ಯ ತಜ್ಞರ ಪ್ರಕಾರ, ಗರ್ಭಿಣಿ ಮತ್ತು ಹಾಲುಣಿಸುವ ಮಹಿಳೆಯರು ಸೀಬೆ ಹಣ್ಣನ್ನು ತಿನ್ನುವುದನ್ನು ತಪ್ಪಿಸಬೇಕು. ಇದಕ್ಕೆ ಕಾರಣವೆಂದರೆ ಸೀಬೆ ಹಣ್ಣು ತಂಪಾದ ಗುಣಧರ್ಮವನ್ನು ಹೊಂದಿರುತ್ತದೆ. ಇದರಿಂದಾಗಿ ಗರ್ಭಿಣಿ ಮತ್ತು ನವಜಾತ ಶಿಶುಗಳ ಆರೋಗ್ಯವು ಹದಗೆಡಬಹುದು. ನೆಗಡಿ ಮತ್ತು ಶೀತದಿಂದ ಬಳಲುತ್ತಿರುವವರು ಸೀಬೆ ಹಣ್ಣನ್ನು ತಿನ್ನುವುದನ್ನು ತಪ್ಪಿಸಬೇಕು.

ಎಸ್ಜಿಮಾದಿಂದ ಬಳಲುತ್ತಿರುವವರು ಸೀಬೆ ಹಣ್ಣನ್ನು ತಿನ್ನುವುದನ್ನು ತಪ್ಪಿಸಬೇಕು. ಹೀಗೆ ಮಾಡುವುದರಿಂದ ಅವರು ಚರ್ಮದ ಕಿರಿಕಿರಿಯನ್ನು ಎದುರಿಸಬೇಕಾಗಬಹುದು. ಅಂಥವರು ಅಪ್ಪಿತಪ್ಪಿಯೂ ಪೇರಲ ಎಲೆಗಳನ್ನು ಬಳಸಬಾರದು. ಇದು ಚರ್ಮದ ಕಾಯಿಲೆಗೆ ಕಾರಣವಾಗಬಹುದು.

ಮಧುಮೇಹಿಗಳು ಸೀಬೆ ಸೇವಿಸುವುದನ್ನು ತಪ್ಪಿಸಬೇಕು
ಮಧುಮೇಹ ರೋಗಿಗಳು ಸೀಬೆ ಹಣ್ಣನ್ನು ಸೇವಿಸಬಹುದು. ಆದರೆ ಅವರು ಕನಿಷ್ಠ ಪ್ರಮಾಣದಲ್ಲಿ ಮಾತ್ರ ಸೇವಿಸಬೇಕು. ಇದಕ್ಕೆ ಕಾರಣವೆಂದರೆ ಸೀಬೆ ಹಣ್ಣಿನಲ್ಲಿ ಸಕ್ಕರೆ ಅಂಶವಿದ್ದು, ಇದು ನಿಮ್ಮ ಮಧುಮೇಹದ ಮಟ್ಟವನ್ನು ಹೆಚ್ಚಿಸುತ್ತದೆ. ನಿಮ್ಮ ವೈದ್ಯರನ್ನು ಸಂಪರ್ಕಿಸಿದ ನಂತರ ಸೀಬೆ ಹಣ್ಣನ್ನು ಸೇವಿಸಬೇಕೋ ಅಥವಾ ಬಾರದೋ ನಿರ್ಧರಿಸಬಹುದು.

ಇಷ್ಟರಲ್ಲಿಯೇ ಯಾವುದೇ ಕಾಯಿಲೆಯ ಶಸ್ತ್ರ ಚಿಕಿತ್ಸೆಗೆ ಒಳಗಾಗಲು ಹೊರಟಿರುವ ಜನರು ಶಸ್ತ್ರಚಿಕಿತ್ಸೆಗೆ 2 ವಾರಗಳ ಮೊದಲು ಸೀಬೆ ಹಣ್ಣನ್ನು ಸೇವಿಸುವುದನ್ನು ನಿಲ್ಲಿಸಬೇಕು. ಹೀಗೆ ಮಾಡುವುದರಿಂದ ದೇಹದ ರಕ್ತ ಸಂಚಾರದಲ್ಲಿ ಅಡಚಣೆ ಉಂಟಾಗಿ ಉಸಿರಾಟದ ಸಮಸ್ಯೆ ಮತ್ತು ಹೃದಯಾಘಾತದ ಅಪಾಯ ಹೆಚ್ಚುತ್ತದೆ.

ಇದನ್ನೂ ಓದಿ-Kidney Stone ಸಮಸ್ಯೆ ನಿವಾರಣೆಗೆ ಇಲ್ಲಿದೆ ರಾಮಬಾಣ, ನಿತ್ಯ ಈ 3 ಜ್ಯೂಸ್ ಸೇವಿಸಿ

ಗ್ಯಾಸ್ಟ್ರೋ ರೋಗಿಗಳಿಗೂ ಹಾನಿ
ಹೊಟ್ಟೆಯಲ್ಲಿ ಗ್ಯಾಸ್ ಸಮಸ್ಯೆಯೊಂದಿಗೆ ಹೋರಾಡುತ್ತಿರುವ ಜನರು ಸಹ ಸೀಬೆ ಹಣ್ಣನ್ನು ಸೇವಿಸುವುದನ್ನು ತಪ್ಪಿಸಬೇಕು. ಇದರಿಂದಾಗಿ ಅವರ ಗ್ಯಾಸ್ಟ್ರೋ ಸಮಸ್ಯೆ ಮತ್ತಷ್ಟು ಹೆಚ್ಚಾಗುತ್ತದೆ. ಸೀಬೆ ಹಣ್ಣನ್ನು ತಿಂದ ಬಳಿಕ ನಿಮಗೆ ಹೊಟ್ಟೆ ಸೆಳೆತ ಅಥವಾ ವಾಂತಿಯ ಲಕ್ಷಣ ಕಾಣಿಸಿಕೊಂಡರೆ, ನೀವು ಸೀಬೆ ಹಣ್ಣನ್ನು ಸೇವಿಸುವುದನ್ನು ತಪ್ಪಿಸಬೇಕು.

ಇದನ್ನೂ ಓದಿ-Weight Loss: ಈ ಎಲೆಗಳ ಚಹಾ ಸೇವಿಸಿ ನೀವು ತೂಕ ಇಳಿಸಿಕೊಳ್ಳಬಹುದು

(ಹಕ್ಕುತ್ಯಾಗ- ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಸಾಮಾನ್ಯ ಜ್ಞಾನ ಹಾಗೂ ಮನೆಮದ್ದು ಮಾಹಿತಿಯನ್ನು ಆಧರಿಸಿದೆ. ಅನುಸರಿಸುವ ಮುನ್ನ ವೈದ್ಯಕೀಯ ಸಲಹೆ ಪಡೆದುಕೊಳ್ಳಿ. ಜೀ ಕನ್ನಡ ನ್ಯೂಸ್ ಈ ಮಾಹಿತಿಯನ್ನು ಪುಷ್ಠಿಕರಿಸುವುದಿಲ್ಲ)

ಇದನ್ನೂ ನೋಡಿ-