ಮಕ್ಕಳ ಒಣ ಕೆಮ್ಮನ್ನು ಕ್ಷಣ ಮಾತ್ರದಲ್ಲಿ ನಿವಾರಿಸುತ್ತದೆ ಈ ಮನೆ ಮದ್ದು

Dry cough home remedy : ಚಿಕ್ಕ ಮಕ್ಕಳ ಆರೋಗ್ಯ ಬಹಳ ಸೂಕ್ಷ್ಮವಾಗಿದ್ದು, ಹವಾಮಾನದಲ್ಲಿ ಸ್ವಲ್ಪ ಬದಲಾವಣೆಯಾದರೂ ಅನಾರೋಗ್ಯಕ್ಕೆ ಒಳಗಾಗುತ್ತಾರೆ. ಇದೀಗ ವಾತಾವರಣದ ಕಾರಣದಿಂದಾಗಿ ಚಿಕ್ಕ ಮಕ್ಕಳಲ್ಲಿ ಶೀತ ಮತ್ತು ಕೆಮ್ಮಿನಂತಹ ಸಮಸ್ಯೆಗಳು ಕಾಣಿಸಿಕೊಂಡಿವೆ. ಕೆಲವು ಮಕ್ಕಳಂತೂ ದೀರ್ಘ ಕಾಲದವರೆಗೆ ಒಣ ಕೆಮ್ಮಿನ ಸಮಸ್ಯೆಯನ್ನು ಎದುರಿಸುತ್ತಾರೆ. ಒಣ ಕೆಮ್ಮಿಗೆ ಹಲವಾರು ಕೆಮ್ಮಿನ ಸಿರಪ್‌ಗಳು ಲಭ್ಯವಿದ್ದರೂ, ಕೆಲವೊಮ್ಮೆ ಇದು ಪರಿಹಾರವಾಗಲು ಬಹಳಷ್ಟು ಸಮಯ ತೆಗೆದುಕೊಳ್ಳುತ್ತದೆ. ಇಂದು ನಾವು ಮನೆಯಲ್ಲಿಯೇ ತಯಾರಿಸಬಹುದಾದ 100% ನೈಸರ್ಗಿಕ ಕೆಮ್ಮಿನ ಸಿರಪ್ ಬಗ್ಗೆ  ಹೇಳುತ್ತಿದ್ದೇವೆ. ಇದನ್ನೂ ಮನೆಯಲ್ಲಿಯೇ ತಯಾರಿಸಬಹುದಾಗಿದ್ದು, ಯಾವುದೇ ರೀತಿಯ ಅಡ್ಡ ಪರಿಣಾಮಗಳನ್ನು ಉಂಟುಮಾಡುವುದಿಲ್ಲ. ಮಾತ್ರವಲ್ಲ ಕೆಮ್ಮಿನ ಸಮಸ್ಯೆಯಿಂದ ಪರಿಹಾರ ನೀಡುತ್ತದೆ.  

ಮನೆಯಲ್ಲಿ ತಯಾರಿಸಿದ ಕೆಮ್ಮಿನ ಸಿರಪ್‌ಗೆ ಬೇಕಾದ ಪದಾರ್ಥಗಳು : 
ಒಂದು ಟೀಚಮಚ ನಿಂಬೆ ರಸ
ಟೀಚಮಚ ತುರಿದ ಶುಂಠಿ
ಜೇನುತುಪ್ಪದ ಒಂದು ಚಮಚ
ಒಂದು ಪಿಂಚ್ ಕರಿಮೆಣಸು
ಒಂದು ಚಮಚ ಆಪಲ್ ಸೈಡರ್ ವಿನೆಗರ್
ಒಂದು ಕಪ್ ನೀರು

ಇದನ್ನೂ ಓದಿ : ತೂಕ ನಷ್ಟಕ್ಕೆ ನಿಜವಾಗಿಯೂ ಸಹಕಾರಿ ಆಗಿದೆಯೇ ಮೊಟ್ಟೆ!

ಮನೆಯಲ್ಲಿ ಸಿರಪ್ ತಯಾರಿಸುವುದು ಹೇಗೆ ?
ಒಂದು ಪಾತ್ರೆಯಲ್ಲಿ ಒಂದು ಲೋಟ ನೀರು ಹಾಕಿ ಉರಿಯಲ್ಲಿ ಇಡಿ. ನೀರು ಸ್ವಲ್ಪ ಬಿಸಿಯಾದಾಗ, ಈ ಮೇಲೆ ಹೇಳಿದ ಎಲ್ಲಾ ಪದಾರ್ಥಗಳನ್ನು ಒಂದೊಂದಾಗಿ ಸೇರಿಸಿ. ಈ ಮಿಶ್ರಣವನ್ನು ನೀರಿನಲ್ಲಿ ಚೆನ್ನಾಗಿ ಕುದಿಸಿ ತಣ್ಣಗಾಗಿಸಿ ಮತ್ತು ಫಿಲ್ಟರ್ ಮಾಡಿ.  ಗಾಳಿಯಾಡದ ಮುಚ್ಚಳವನ್ನು ಹೊಂದಿರುವ ಪಾತ್ರೆಯಲ್ಲಿ ಇರಿಸಿ.

ಈ ಸಿರಪ್ ಅನ್ನು ಹೇಗೆ ತೆಗೆದುಕೊಳ್ಳುವುದು ?
ವಯಸ್ಕರು ಈ ಸಿರಪ್ ಅನ್ನು ಒಂದು ಚಮಚದಂತೆ ದಿನಕ್ಕೆ ಮೂರು ಬಾರಿ ತೆಗೆದುಕೊಳ್ಳಬಹುದು. ಉತ್ತಮ ಫಲಿತಾಂಶಕ್ಕಾಗಿ, ಅದನ್ನು ಉಗುರು ಬೆಚ್ಚಗಿನ ನೀರಿನೊಂದಿಗೆ ತೆಗೆದುಕೊಳ್ಳಬೇಕು. ಮಕ್ಕಳಿಗೆ ಕೆಮ್ಮು ಇದ್ದರೆ, ಬೆಳಿಗ್ಗೆ ಮತ್ತು ಸಂಜೆ ಈ ಸಿರಪನ್ನು ಸಣ್ಣ ಚಮಚದೊಂದಿಗೆ ತೆಗೆದುಕೊಳ್ಳಬಹುದು. ಈ ಸಿರಪ್ ಅನ್ನು ಸಣ್ಣ ಮಗುವಿಗೆ ಕೂಡಾ ಉಗುರುಬೆಚ್ಚಗಿನ ನೀರಿನೊಂದಿಗೆ ನೀಡಿದರೆ ಒಳ್ಳೆಯದು.  ಆದರೆ ನೆನಪಿರಲಿ ಈ ಸಿರಪನ್ನು ನವಜಾತ ಶಿಶುಗಳಿಗೆ ಅಥವಾ 1 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳಿಗೆ ನೀಡಬಾರದು. ನವಜಾತ ಶಿಶು ಅಥವಾ 1 ವರ್ಷದೊಳಗಿನ ಮಗುವಿಗೆ ಒಣ ಕೆಮ್ಮು ಇದ್ದರೆ, ವೈದ್ಯರನ್ನು ಸಂಪರ್ಕಿಸಿ. 

ಮನೆಯಲ್ಲಿ ತಯಾರಿಸಿದ ಕೆಮ್ಮಿನ ಸಿರಪ್‌ನ ಇತರ ಪ್ರಯೋಜನಗಳು :
ಇದು ಮನೆಯಲ್ಲಿ ಇರುವ ನೈಸರ್ಗಿಕ ಪದಾರ್ಥಗಳಿಂದ ತಯಾರಿಸಲ್ಪಟ್ಟಿದೆ. ಆದ್ದರಿಂದ ಇದು ಕೆಮ್ಮು ನಿವಾರಕ ಮಾತ್ರವಲ್ಲದೆ ಅನೇಕ ಇತರ ಆರೋಗ್ಯ ಪ್ರಯೋಜನಗಳನ್ನು ಕೂಡಾ ಹೊಂದಿದೆ. ಈ ಸಿರಪ್ ಕುಡಿಯುವುದರಿಂದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ಅನೇಕ ರೀತಿಯ ಸೋಂಕುಗಳ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ. 

ಇದನ್ನೂ ಓದಿ : Eating Banana: ಈ ರೀತಿ ಹಣ್ಣಾದ ಬಾಳೆಹಣ್ಣು ಆರೋಗ್ಯಕ್ಕೆ ಹಾನಿಕಾರಕ, ಖರೀದಿಸುವ ಮುನ್ನ ಎಚ್ಚರ!