ಈ ರೋಗಗಳ ಮೂಲವೇ ಟೊಮ್ಯಾಟೋ ! ಪ್ರತಿ ಅಡುಗೆಯಲ್ಲಿ ಬಳಸುವ ಮುನ್ನ ಎಚ್ಚರ

Tomatoes Side Effects For Health:  ಟೊಮ್ಯಾಟೋವನ್ನು ಸಾಮಾನ್ಯವಾಗಿ ಎಲ್ಲಾ ಅಡುಗೆಗಳಲ್ಲಿ ಬಳಸಲಾಗುತ್ತದೆ. ಟೊಮ್ಯಾಟೊ ಹಣ್ಣು ಆಂಟಿ-ಆಕ್ಸಿಡೆಂಟ್‌ಗಳು, ವಿಟಮಿನ್‌ಗಳು ಮತ್ತು ಪೊಟ್ಯಾಸಿಯಮ್‌ನಂತಹ ಅನೇಕ ಪೋಷಕಾಂಶಗಳ ಆಗರವಾಗಿದೆ. ಈ ಹಿನ್ನೆಲೆಯಲ್ಲಿ ಟೊಮ್ಯಾಟೋ  ಸೇವನೆ ಆರೋಗ್ಯಕ್ಕೆ ಪ್ರಯೋಜನಕಾರಿ ಎಂದು ಹೇಳಲಾಗುತ್ತದೆ. ಹಾಗಂತ ಟೊಮ್ಯಾಟೋವನ್ನು ಅತಿಯಾಗಿ ಸೇವಿಸುವುದರಿಂದ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. 

ಟೊಮ್ಯಾಟೋ  ತಿನ್ನುವುದರಿಂದ  ತಲೆದೋರುವುದು ಈ ಸಮಸ್ಯೆ : 
ಅಸಿಡಿಟಿ ಸಮಸ್ಯೆ :
ಟೊಮ್ಯಾಟೋದಲ್ಲಿ ಉತ್ತಮ ಪ್ರಮಾಣದ ವಿಟಮಿನ್-ಸಿ ಇದೆ. ಹಾಗಾಗಿ ಟೊಮ್ಯಾಟೋ ಆಮ್ಲೀಯ ಗುಣವನ್ನು ಹೊಂದಿದೆ. ಇದನ್ನು ಅತಿಯಾಗಿ ಸೇವಿಸುವುದರಿಂದ ಅಸಿಡಿಟಿ ಸಮಸ್ಯೆ ಉಂಟಾಗುತ್ತದೆ. ಆದ್ದರಿಂದ, ಟೊಮ್ಯಾಟೋವನ್ನು ಎಲ್ಲಾ ಅಡುಗೆಯಲ್ಲಿ ಬಳಸುವ ಮುನ್ನ ಯೋಚಿಸಿ ಬಳಸಿ.   

ಇದನ್ನೂ ಓದಿ : ಹೃದಯಾಘಾತ ಮತ್ತು ಕ್ಯಾನ್ಸರ್ ನಂತಹ ರೋಗಗಳನ್ನು ದೂರ ಸರಿಸುತ್ತದೆ ಈ ಒಂದು ಧಾನ್ಯ

ಗ್ಯಾಸ್ ಸಮಸ್ಯೆ: 
ಗ್ಯಾಸ್ ಸಮಸ್ಯೆ ಇರುವವರು ಹೆಚ್ಚು ಟೊಮೆಟೊ ಸೇವಿಸಬಾರದು. ಟೊಮ್ಯಾಟೋ ಸೇವನೆ ಹೊಟ್ಟೆಯಲ್ಲಿ ಗ್ಯಾಸ್ ರಚನೆಗೆ ಕಾರಣವಾಗಬಹುದು. ಗ್ಯಾಸ್ ಸಮಸ್ಯೆಯಿಂದ ಪಾರಾಗಲು ಟೊಮ್ಯಾಟೋ  ಸೇವನೆಯಿಂದ ದೂರವಿರಬೇಕು.

ಕಿಡ್ನಿ ಸ್ಟೋನ್ ಸಮಸ್ಯೆ :
ಕಿಡ್ನಿ ಸ್ಟೋನ್ ರೋಗಿಗಳು ತಪ್ಪಿಯೂ ಟೊಮ್ಯಾಟೋ ಸೇವಿಸಬಾರದು. ಟೊಮ್ಯಾಟೋ ಬೀಜಗಳಿಂದ ಕಿಡ್ನಿ ಸಮಸ್ಯೆ ಮತ್ತಷ್ಟು ಬಿಗಡಾಯಿಸಬಹುದು. ಕಿಡ್ನಿ ಸ್ಟೋನ್ ಇರುವವರು ಟೊಮ್ಯಾಟೋ ಹಣ್ಣು ಸೇವಿಸಬೇಕು ಎಂದಾದರೆ, ಮೊದಲು ಅದರ ಬೀಜಗಳನ್ನು ಪ್ರತ್ಯೇಕಿಸಿಕೊಳ್ಳಬೇಕು. 

ಇದನ್ನೂ ಓದಿ : Health Tips: ಬಿಪಿ-ಶುಗರ್ ಅಷ್ಟೇ ಅಲ್ಲ ಕ್ಯಾನ್ಸರ್ ರೋಗಿಗಳಿಗೂ ತುಂಬಾ ಲಾಭಕಾರಿ ಈ ಹಸಿರು ತರಕಾರಿ

ಎದೆಯುರಿ :
ಟೊಮ್ಯಾಟೋವನ್ನು ಹೆಚ್ಚು ಸೇವಿಸಿದರೆ, ಎದೆಯುರಿ ಸಮಸ್ಯೆಯನ್ನು ಎದುರಿಸಬೇಕಾಗುತ್ತದೆ. ಮೊದಲೇ ಹೇಳಿದ ಹಾಗೆ ಟೊಮ್ಯಾಟೋದಲ್ಲಿ   ವಿಟಮಿನ್ ಸಿ ಹೇರಳವಾಗಿರುತ್ತದೆ. ಇದರಿಂದ ಗ್ಯಾಸ್ ಸಮಸ್ಯೆ ಉಂಟಾಗುತ್ತದೆ.  ಹೀಗಾಗಿ ಎದೆಯುರಿ ಮುಂತಾದ ಸಮಸ್ಯೆಗಳು ಕೂಡಾ ತಲೆದೋರಬಹುದು.