Tulsi For Hair Health: ಕೂದಲಿಗೆ ಒಂದು ವರದಾನವಿದ್ದಂತೆ ತುಳಸಿ, ಈ ರೀತಿ ಬಳಸಿ ದಟ್ಟವಾದ ಕೇಶರಾಶಿ ನಿಮ್ಮದಾಗಿಸಿ!

Tulsi For Hair Health: ಚರ್ಮದ ಸೋಂಕು ನಿವಾರಣೆಗೆ ತುಳಸಿಯನ್ನು ವಿವಿಧ ರೀತಿಯಲ್ಲಿ ಬಳಸಲಾಗುತ್ತದೆ. ಈ ತುಳಸಿ ಕೂದಲಿನ ಬೆಳವಣಿಗೆ ಮತ್ತೊ ಆರೋಗ್ಯಕ್ಕೂ ಕೂಡ ತುಂಬಾ ಪ್ರಯೋಜನಕಾರಿ. ತುಳಸಿಯನ್ನು ಸರಿಯಾಗಿ ಬಳಸುವುದರಿಂದ ಕೂದಲು ವೇಗವಾಗಿ ಬೆಳೆಯುತ್ತವೇ ಮತ್ತು ನೆತ್ತಿಯ ಭಾಗ ಆರೋಗ್ಯಕರವಾಗಿರುತ್ತದೆ. ತುಳಸಿ ಎಲೆಗಳು ಕೂದಲನ್ನು ಹೊಳೆಯುವಂತೆ ಮಾಡುತ್ತದೆ. ತುಳಸಿಯಲ್ಲಿರುವ ಬ್ಯಾಕ್ಟೀರಿಯಾ ವಿರೋಧಿ ಗುಣಗಳು ಎಲ್ಲರಿಗೂ ತಿಳಿದೇ ಇವೆ. ಇದರಿಂದ ತಲೆಯಲ್ಲಿರುವ ಹೊಟ್ಟು ಸುಲಭವಾಗಿ ನಿವಾರಣೆಯಾಗುತ್ತದೆ. ನೆತ್ತಿಯಲ್ಲಿ ಆಗಾಗ್ಗೆ ತುರಿಕೆ ಇರುವವರು ಕೂಡ ತುಳಸಿಯನ್ನು ಬಳಸುವುದರಿಂದ ತಮ್ಮ ಕೂದಲನ್ನು ಆರೋಗ್ಯಕರವಾಗಿರಿಸಿಕೊಳ್ಳಬಹುದು. ತುಳಸಿಯಲ್ಲಿರುವ ಉತ್ಕರ್ಷಣ ನಿರೋಧಕಗಳು ಕೂದಲನ್ನು ಆರೋಗ್ಯಕರವಾಗಿಡುತ್ತದೆ, ಅವುಗಳ ಹೊಳಪನ್ನು ಇದು ಲಾಕ್ ಮಾಡುತ್ತದೆ ಮತ್ತು ಕೂದಲಿನ ಬೆಳವಣಿಗೆಯನ್ನು ಸುಧಾರಿಸುತ್ತದೆ. ಇದಕ್ಕಾಗಿ ತುಳಸಿಯನ್ನು ಹೇಗೆ ಬಳಸುವುದು ಎಂಬುದನ್ನು ಮಾತ್ರ ನೀವು ತಿಳಿಯಲೇ ಬೇಕು, ಇದರಿಂದ ನೀವು ಅದರ ಗರಿಷ್ಠ ಪ್ರಯೋಜನಗಳನ್ನು ಪಡೆಯಬಹುದು.

ತುಳಸಿಯನ್ನು ಹೀಗೆ ಬಳಸಿ
ತುಳಸಿಯೊಂದಿಗೆ ವಿವಿಧ ವಸ್ತುಗಳನ್ನು ಬೆರೆಸಿ ಪೇಸ್ಟ್ ತಯಾರಿಸಬಹುದು. ಇದನ್ನು ತಲೆಗೆ ಹಚ್ಚಿಕೊಳ್ಳುವ ಮೂಲಕ ನೀವು ಪ್ರಯೋಜನ ಪಡೆಯಬಹುದು.

ತುಳಸಿ ಮತ್ತು ಈರುಳ್ಳಿ ರಸ
ಮೊದಲನೆಯದಾಗಿ ತುಳಸಿ ಎಲೆಗಳನ್ನು ನೆರಳಿನಲ್ಲಿ ಒಣಗಿಸಿ ಅದರ ಪುಡಿಯನ್ನು ತಯಾರಿಸಿಕೊಳ್ಳಿ. ನಿಮಗೆ ಪುಡಿ ಮಾಡಲು ಸಾಧ್ಯವಾಗದಿದ್ದರೆ, ಒಂದು ದೊಡ್ಡ ಚಮಚ ಪೇಸ್ಟ್ ತಯಾರಿಸುವಷ್ಟು ಎಲೆಗಳನ್ನು ತೆಗೆದುಕೊಳ್ಳಿ. ಇದಕ್ಕೆ ಒಂದು ಚಮಚ ಈರುಳ್ಳಿ ರಸವನ್ನು ಸೇರಿಸಿ. ಮತ್ತು ಟೀ ಟ್ರೀ ಎಣ್ಣೆಯ ಎರಡು ಮೂರು ಹನಿಗಳನ್ನು ಆ ಮಿಶ್ರಣದಲ್ಲಿ ಬೆರೆಸಿ. ಅವೆಲ್ಲವುಗಳನ್ನು ಸರಿಯಾಗಿ ಬೆರೆಸಿ ಪೇಸ್ಟ್ ತಯಾರಿಸಿಕೊಳ್ಳಿ.ಈ ಪೇಸ್ಟ್ ಅನ್ನು ಕೂದಲಿನ ಬುಡದಿಂದ ತುದಿಯವರೆಗೆ ಹಚ್ಚಬೇಕು. ನಂತರ ಅರ್ಧ ಗಂಟೆ ಕಾಯಬೇಕು. ಇದರ ನಂತರ ಉಗುರು ಬೆಚ್ಚಗಿನ ನೀರು ಮತ್ತು ಸೌಮ್ಯವಾದ ಶಾಂಪೂ ಬಳಸಿ ಕೂದಲನ್ನು ತೊಳೆಯಿರಿ.

ಇದನ್ನೂ ಓದಿ-Shravan Month 2023: ಶ್ರಾವಣ ತಿಂಗಳಿನಲ್ಲಿ ಮರೆತೂ ಕೂಡ ಈ ಆಹಾರಗಳನ್ನು ಸೇವಿಸಬೇಡಿ... ಇಲ್ಡಿದ್ರೆ!

ತುಳಸಿ ಮತ್ತು ಮೊಟ್ಟೆಗಳು
ತುಳಸಿ ಮತ್ತು ಈರುಳ್ಳಿ ಪೇಸ್ಟ್ ತಯಾರಿಸಿದ ರೀತಿಯಲ್ಲಿಯೇ ತುಳಸಿ ಮತ್ತು ಮೊಟ್ಟೆಯ ಪೇಸ್ಟ್ ತಯಾರಿಸಿ. ನೀವು ಮೊಟ್ಟೆಯ ಹಳದಿ ಭಾಗವನ್ನು ಮಾತ್ರ ಬಳಸಬೇಕು ಎಂಬುದನ್ನು ಇಲ್ಲಿ ನೆನಪಿನಲ್ಲಿಡಿ. ಇದರಲ್ಲಿ ಟೀ ಟ್ರೀ ಆಯಿಲ್ ಕೂಡ ಮಿಕ್ಸ್ ಮಾಡಿ. ಈ ಪೇಸ್ಟ್ ಅನ್ನು ಚೆನ್ನಾಗಿ ಮಿಶ್ರಣ ಮಾಡಿ ಮತ್ತು ಕೂದಲಿಗೆ ಹಚ್ಚಿ. ಪೇಸ್ಟ್ ಆರಿದ ನಂತರ ಬಿಸಿ ನೀರಿನಲ್ಲಿ ಟವೆಲ್ ಅದ್ದಿ ತಲೆಯ ಮೇಲೆ ಇಟ್ಟು ಹಬೆ ತೆಗೆದುಕೊಳ್ಳಿ. ಇದರ ನಂತರ ನಿಮ್ಮ ತಲೆಯನ್ನು ಸೌಮ್ಯವಾದ ಶಾಂಪೂವಿನಿಂದ ತೊಳೆದುಕೊಳ್ಳಿ

ಇದನ್ನೂ ಓದಿ-Heath Tips: ಅತ್ಯಂತ ಗುಣಕಾರಿಯಾಗಿರುವ ಈ ಗಿಡದ ತೊಗಟೆ ನೀರಿಗಿದೆ ಹಲವು ಕಾಯಿಲೆಗಳನ್ನು ಗುಣಪಡಿಸುವ ಶಕ್ತಿ!

(ಹಕ್ಕುತ್ಯಾಗ- ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಸಾಮಾನ್ಯ ಜ್ಞಾನ ಹಾಗೂ ಮನೆಮದ್ದು ಮಾಹಿತಿಯನ್ನು ಆಧರಿಸಿದೆ. ಜೀ ಕನ್ನಡ ನ್ಯೂಸ್ ಈ ಮಾಹಿತಿಯನ್ನು ಖಚಿತಪಡಿಸುವುದಿಲ್ಲ. ಅನುಸರಿಸುವ ಮುನ್ನ ವಿಷಯ ತಜ್ಞರ ಸಲಹೆ ಪಡೆದುಕೊಳ್ಳಲು ಮರೆಯಬೇಡಿ)

ಇದನ್ನೂ ನೋಡಿ-