ಸಾರ್ಕೋಮಾ - ಗುಪ್ತ ಆಕ್ರಮಣಕಾರಿ ಕ್ಯಾನ್ಸರ್‌ನ ಅಪರೂಪದ ಚಿಹ್ನೆಗಳು ಮತ್ತು ಲಕ್ಷಣಗಳು

Sarcoma Cancer: ಸಾರ್ಕೋಮಾಗಳು, ಮೂಳೆ, ಸ್ನಾಯು ಮತ್ತು ನರಗಳಂತಹ ಅಂಗಾಂಶಗಳಿಂದ ಉಂಟಾಗುವ ಆಕ್ರಮಣಕಾರಿ ಕ್ಯಾನ್ಸರ್. ಮಕ್ಕಳಲ್ಲಿ ಕಂಡುಬರುವ ಎಲ್ಲಾ ಘನ ಕ್ಯಾನ್ಸರ್ಗಳಲ್ಲಿ 20% ರಷ್ಟು ಕ್ಯಾನ್ಸರ್‌ಗಳು ಸರ್ಕೋಮಾ ಆಗಿರುತ್ತವೆ. ಯುವ ವಯಸ್ಕರಲ್ಲಿಯೇ ಹೆಚ್ಚಾಗಿ ಕಂಡುಬರುವ ಈ ಕ್ಯಾನ್ಸರ್‌ಗಳ ಬಗ್ಗೆ ಜಾಗರೂಕತೆ ಮತ್ತು ಹೆಚ್ಚಿದ ಅರಿವಿನ ಅಗತ್ಯ ಅನಿವಾರ್ಯವಾಗಿದೆ. ಈ ಕ್ಯಾನ್ಸರ್‌ಗಳು ವೇಗವಾಗಿ ಬೆಳೆಯುತ್ತವೆ, ವಾರಗಳು ಅಥವಾ ತಿಂಗಳುಗಳಲ್ಲಿ ಮಾರಣಾಂತಿಕವಾಗಿ ಹರಡುತ್ತವೆ. ಈ ಕ್ಯಾನ್ಸರ್‌ಗಳ ಉಲ್ಭಣಕ್ಕೆ ನಿಖರವಾದ ಕಾರಣಗಳು ಅಥವಾ ಅವುಗಳನ್ನು ತಡೆಯಲು ಮುಂಜಾಗ್ರತಾ ತಪಾಸಣೆ (ಸ್ಕ್ರೀನಿಂಗ್) ಲಭ್ಯವಿಲ್ಲದಿರುವುದು, ಆರಂಭಿಕ ಹಂತದಲ್ಲಿಯೇ  ಸರ್ಕೋಮಾಗಳ ಪತ್ತೆ ನಮ್ಮ ಪ್ರಾಥಮಿಕ ರಕ್ಷಾಕವಚವಾಗಿದೆ.

ಬೆಂಗಳೂರಿನ ಓಲ್ಡ್ ಏರ್‌ಪೋರ್ಟ್ ರಸ್ತೆಯಲ್ಲಿರುವ ಮಣಿಪಾಲ್ ಆಸ್ಪತ್ರೆಯ ಆರ್ಥೋಪೆಡಿಕ್ ಆಂಕೊಲಾಜಿ ವಿಭಾಗದ ಲೀಡ್ ಕನ್ಸಲ್ಟೆಂಟ್ ಡಾ. ಶ್ರೀಮಂತ್ ಬಿ ಎಸ್ (Dr. Srimant BS) ಈ ಬಗ್ಗೆ ವಿವರವಾದ ಮಾಹಿತಿ ಹಂಚಿಕೊಂಡಿದ್ದು, ಈ ರೀತಿ ತಿಳಿಸಿದ್ದಾರೆ... 

ಸರ್ಕೋಮಾವನ್ನು ಕಂಡುಹಿಡಿಯುವಲ್ಲಿ ಎರಡು ಪ್ರಮುಖ ರೋಗಲಕ್ಷಣಗಳು ತಕ್ಷಣದ ಗಮನವನ್ನು ಬಯಸುತ್ತವೆ: 
ನೋವು ಮತ್ತು ಊತ: 
ವಿಶ್ರಾಂತಿ ಅಥವಾ ರಾತ್ರಿಯಲ್ಲಿ ಹೆಚ್ಚಾಗುವ ಯಾವುದೇ ನಿರಂತರ ನೋವನ್ನು ನಿರ್ಲಕ್ಷಿಸಬಾರದು. ಅಂತೆಯೇ, 5 ಸೆಂಟಿಮೀಟರ್‌ಗಿಂತ ದೊಡ್ಡದಾದ ಯಾವುದೇ ಊತಕ್ಕೆ ತ್ವರಿತ ವೈದ್ಯಕೀಯ ಮೌಲ್ಯಮಾಪನದ ಅಗತ್ಯವಿರುತ್ತದೆ. ಈ ರೋಗಲಕ್ಷಣಗಳು ಸಾಮಾನ್ಯವಾಗಿ ತ್ವರಿತವಾಗಿ ಬೆಳೆಯುತ್ತವೆ ಅವುಗಳನ್ನು ಸಾಮಾನ್ಯ ಎಂದು ನಿರ್ಲಕ್ಷಿಸುವುದು ಮಾರಣಾಂತಿಕವಾಗಬಹುದು.

ಇದನ್ನೂ ಓದಿ- ಡೆಂಗ್ಯೂ ಅವಧಿಪೂರ್ವದ ಪ್ರಸವಕ್ಕೆ ಮತ್ತು ಗರ್ಭಾವಸ್ಥೆಯಲ್ಲಿ ಮಗುವಿನ ಮೇಲೆ ಪರಿಣಾಮ ಬೀರಬಹುದೆಂಬ ಬಗ್ಗೆ ನಿಮಗೆ ತಿಳಿದಿದೆಯೇ?​

ಆರಂಭದ ಹಂತದಲ್ಲಿಯೇ ಗುರುತಿಸುವಿಕೆ ಮತ್ತು ಸೂಕ್ತ ವೈದ್ಯರೊಂದಿಗೆ ಸಮಾಲೋಚನೆ, ಅಂಗ ರಕ್ಷಣೆ ಅಥವಾ ಕಳೆದುಕೊಳ್ಳುವಿಕೆ, ಮತ್ತು ಜೀವ ಹಾನಿಯ ನಷ್ಟಕ್ಕೆ ನಿರ್ಣಾಯಕವಾಗಿವೆ. ವಿಳಂಬವಾದ ಪ್ರಸ್ತುತಿಯು ಸಾಮಾನ್ಯವಾಗಿ ಹೆಚ್ಚು ವ್ಯಾಪಕವಾದ ಶಸ್ತ್ರಚಿಕಿತ್ಸೆಗೆ ಕಾರಣವಾಗುತ್ತದೆ. ಮೆಟಾಸ್ಟಾಸಿಸ್ನ (ದೇಹದ ಅನ್ಯ ಭಾಗಗಳಿಗೆ ಕ್ಯಾನ್ಸರ್ ಹರಡುವಿಕೆ) ಅಪಾಯವನ್ನು ಹೆಚ್ಚಿಸುತ್ತದೆ ಮತ್ತು ಚಿಕಿತ್ಸೆಯ ಋಣಾತ್ಮಕ ಫಲಿತಾಂಶಗಳಿಗೆ ಕಾರಣವಾಗುತ್ತದೆ.  ಮಕ್ಕಳಲ್ಲಿ, ಇದು ನಿರ್ಣಾಯಕ ಬೆಳವಣಿಗೆಯ ವರ್ಷಗಳಲ್ಲಿ ಅಂಗವನ್ನು ಕಳೆದುಕೊಳ್ಳುವ ಸಾಧ್ಯತೆಗೆ ಕಾರಣವಾಗಿ, ಇದು ಅವರ ಜೀವನದ ಗುಣಮಟ್ಟದ ಮೇಲೆ ಗಹನವಾದ ಪರಿಣಾಮ ಬೀರುತ್ತದೆ.

ಸಾರ್ಕೋಮಾ (Sarcoma) ಸಂಭಾವನೆಯನ್ನು ಶಂಕಿಸಿದ್ದಲ್ಲಿ, ಖಚಿತವಾದ ರೋಗನಿರ್ಣಯವನ್ನು ತಲುಪಲು ವೈದ್ಯರು ವಿವಿಧ ಪರೀಕ್ಷೆಗಳನ್ನು ನಡೆಸುತ್ತಾರೆ. ಆದಾಗ್ಯೂ, ಈ ಸಂಕೀರ್ಣ ಪ್ರಕರಣಗಳನ್ನು ನಿರ್ವಹಿಸುವಲ್ಲಿ ಕ್ವಾಟರ್ನರಿ ಕ್ಯಾನ್ಸರ್ ಕೇಂದ್ರಗಳ ಪ್ರಾಮುಖ್ಯತೆಯನ್ನು ಮಹತ್ತರವಾದದ್ದು. ಈ ವಿಶೇಷ ಕೇಂದ್ರಗಳು ಸಾರ್ಕೋಮಾಗಳನ್ನು ಪರಿಣಾಮಕಾರಿಯಾಗಿ ಚಿಕಿತ್ಸೆ ನೀಡಲು ಅಗತ್ಯವಾದ ಪರಿಣತಿ, ಅನುಭವ ಮತ್ತು ಸುಧಾರಿತ ತಂತ್ರಜ್ಞಾನಗಳನ್ನು ಹೊಂದಿವೆ.

ಕ್ವಾಟರ್ನರಿ ಕ್ಯಾನ್ಸರ್ ಕೇಂದ್ರಗಳು ಆಂಕೊಲಾಜಿ ತಜ್ಞರ ಬಹುಶಿಸ್ತೀಯ ತಂಡಗಳನ್ನು ನೀಡುತ್ತವೆ, ಅವರು ಸಮಗ್ರ ಆರೈಕೆಯನ್ನು ಒದಗಿಸಲು ಸಹಕರಿಸುತ್ತಾರೆ. ಅವರ ಅತ್ಯಾಧುನಿಕ ಸೌಲಭ್ಯಗಳು ಮತ್ತು ಇತ್ತೀಚಿನ ಚಿಕಿತ್ಸಾ ಪ್ರೋಟೋಕಾಲ್‌ಗಳ ಅನ್ವಯದಿಂದ, ಈ ಕೇಂದ್ರಗಳು ಸಾರ್ಕೋಮಾ ಚಿಕಿತ್ಸೆಯಲ್ಲಿ (Sarcoma Treatment) ಸತತವಾಗಿ ಹೆಚ್ಚಿನ ಯಶಸ್ಸಿನ ಪ್ರಮಾಣವನ್ನು ಸಾಧಿಸುತ್ತವೆ. ಕೀಮೋಥೆರಪಿ, 3D-ಮುದ್ರಿತ ಉಪಕರಣಗಳಂತಹ ಆಧುನಿಕ, ಸಮರ್ಥ ಮತ್ತು ಸಮಗ್ರ ಚಿಕಿತ್ಸಾ ಮಾರ್ಗಗಳೊಂದಿಗೆ ನಿಖರವಾದ ಶಸ್ತ್ರಚಿಕಿತ್ಸಾ ಯೋಜನೆಗಳು, ಕಸ್ಟಮ್ ಪ್ರೋಸ್ಥೆಸಿಸ್ ಮತ್ತು ವಿಕಿರಣ ಚಿಕಿತ್ಸೆಯನ್ನು ಬಳಸಿಕೊಂಡು ಪೀಡಿತ ಮೂಳೆಯ ಮರುಬಳಕೆಯಂತಹ ಸುಧಾರಿತ ಚಿಕಿತ್ಸೆಗಳನ್ನು ನೀಡುವಲ್ಲಿ ಈ ಕೇಂದ್ರಗಳು ಸಕ್ಷಮವಾಗಿವೆ.

ಇದನ್ನೂ ಓದಿ- ಬ್ರೆಸ್ಟ್ ಕ್ಯಾನ್ಸರ್ ನಿಂದ ಬಳಲುತ್ತಿರುವ ಖ್ಯಾತ ನಟಿ, ಬಿಗ್ ಬಾಸ್ ಮಾಜಿ ಸ್ಪರ್ಧಿ

ಉನ್ನತ ಕ್ವಾಟರ್ನರಿ ಕೇಂದ್ರಗಳಲ್ಲಿ, 95% ಕ್ಕಿಂತ ಹೆಚ್ಚು ಸಾರ್ಕೋಮಾ-ಪೀಡಿತ ಅಂಗಗಳನ್ನು (Sarcoma-Affected Organs)  ಉಳಿಸಬಹುದು. ಈ ಗಮನಾರ್ಹ ಅಂಕಿಅಂಶವು ಆರಂಭಿಕ ಪತ್ತೆಹಚ್ಚುವಿಕೆಯ ನಿರ್ಣಾಯಕ ಪ್ರಾಮುಖ್ಯತೆಯನ್ನು ಒತ್ತಿಹೇಳುವುದರ ಜೊತೆಗೆ, ಈ ಸವಾಲಿನ ಪ್ರಕರಣಗಳನ್ನು ನಿರ್ವಹಿಸಲು ಸುಸಜ್ಜಿತವಾದ ಸೌಲಭ್ಯದಲ್ಲಿ ಚಿಕಿತ್ಸೆಯನ್ನು ಪಡೆಯುವ ಅಗತ್ಯದ ಮೇಲೆಯೂ ಬೆಳಕು ಚೆಲ್ಲುತ್ತದೆ. 

ಪೋಷಕರು, ಶಿಕ್ಷಣತಜ್ಞರು ಮತ್ತು ಆರೋಗ್ಯ ಪೂರೈಕೆದಾರರು ಎಲ್ಲಾ ಆರಂಭಿಕ ಪತ್ತೆ ಮತ್ತು ಸೂಕ್ತ ವೈದ್ಯರೊಂದಿಗಿನ ಸಮಾಲೋಚನೆಯ ನಿರ್ಣಾಯಕ ಪಾತ್ರವನ್ನು ವಹಿಸುತ್ತಾರೆ. ಸರ್ಕೋಮಾಗಳ ಬಗ್ಗೆ ಹೆಚ್ಚಿನ ತಿಳುವಳಿಕೆ ಮತ್ತು ಜಾಗರೂಕತೆಯ ಮೂಲಕ, ಚಿಕಿತ್ಸೆ ನೀಡಬಲ್ಲ ಆರಂಭದ ಹಂತಗಳಲ್ಲಿಯೇ ಈ ಆಕ್ರಮಣಕಾರಿ ಕ್ಯಾನ್ಸರ್‌ಗಳನ್ನು (Invasive Cancer) ಕಂಡುಹಿಡಿದು ನಿರ್ದಿಷ್ಟ ಚಿಕಿತ್ಸೆಯ ಪ್ರಾರಂಭ ಅನಿವಾರ್ಯವಾಗಿದೆ. ನಿಯಮಿತ ತಪಾಸಣೆಗಳು, ಯಾವುದೇ ನಿರಂತರ ರೋಗಲಕ್ಷಣಗಳ ಬಗ್ಗೆ ಮುಕ್ತ ಸಂವಹನ ಮತ್ತು ವಿಶೇಷ ಆರೈಕೆಯನ್ನು ಪಡೆಯುವಲ್ಲಿ ತ್ವರಿತ ಕ್ರಮವು ಅತ್ಯಗತ್ಯ.

ಸಾರ್ಕೋಮಾ ಚಿಕಿತ್ಸೆಯ ಪ್ರಯಾಣ (Sarcoma Treatment Journey): 
ಸಾರ್ಕೋಮಾ ಚಿಕಿತ್ಸೆಯ ಪ್ರಯಾಣವು ವೈದ್ಯಕೀಯ ಆರೈಕೆಯನ್ನು ಮೀರಿ ವಿಸ್ತರಿಸುತ್ತದೆ ಎಂಬುದನ್ನು ಗಮನಿಸುವುದು ಬಹಳ ಮುಖ್ಯ. ಅನೇಕ ಸಂಸ್ಥೆಗಳು ಮತ್ತು ಸಮಗ್ರ ಕ್ಯಾನ್ಸರ್ ಚಿಕಿತ್ಸಾ ಕೇಂದ್ರಗಳು ಪೀಡಿತ ಮಕ್ಕಳು ಮತ್ತು ಅವರ ಕುಟುಂಬಗಳು ಎದುರಿಸುತ್ತಿರುವ ಆರ್ಥಿಕ ಮತ್ತು ಶೈಕ್ಷಣಿಕ ಸವಾಲುಗಳನ್ನು ಗುರುತಿಸುತ್ತವೆ. ವೈದ್ಯಕೀಯ ವೆಚ್ಚಗಳ ಸಹಾಯ, ಚಿಕಿತ್ಸೆಯ ಸಮಯದಲ್ಲಿ ಶೈಕ್ಷಣಿಕ ಬೆಂಬಲ ಮತ್ತು ಕ್ಯಾನ್ಸರ್ ಚಿಕಿತ್ಸೆಯ (Cancer Treatment) ನಂತರ ಶಾಲೆ ಅಥವಾ ವೃತ್ತಿ ತಯಾರಿಗೆ ಮರಳಲು ಸಹಾಯ ಮಾಡುವ ಕಾರ್ಯಕ್ರಮಗಳು ಸೇರಿದಂತೆ ವಿವಿಧ ರೀತಿಯ ಬೆಂಬಲವನ್ನು ಈ ಸಂಸ್ಥೆಗಳು ಒದಗಿಸುತ್ತವೆ.

ಸಾರ್ಕೋಮಾವನ್ನು "ಮರೆತುಹೋದ ಕ್ಯಾನ್ಸರ್" ಎಂದು ಕರೆಯುವುದು ವಾಡಿಕೆಯಾಗಿದೆ, ಆದರೆ ನಾವು ಅದನ್ನು ನಮ್ಮ ಅರಿವಿನ ಮುಂಚೂಣಿಗೆ ತರುವುದಕ್ಕೆ ಇದು ಸೂಕ್ತ ಸಮಯವಾಗಿದೆ. ವಿಶೇಷವಾಗಿ ಮಕ್ಕಳ ಆರೋಗ್ಯಕ್ಕಾಗಿ ಇದು ಅತ್ಯಂತ ಅನಿವಾರ್ಯವಾಗಿದೆ. ಕ್ವಾಟರ್ನರಿ ಕ್ಯಾನ್ಸರ್ ಕೇಂದ್ರದಲ್ಲಿ ಆರಂಭಿಕ ರೋಗನಿರ್ಣಯ ಮತ್ತು ಮತ್ತು ಚಿಕಿತ್ಸೆ, ಜೀವನವನ್ನು ಬದಲಾಯಿಸುವ ಕ್ಷಮತೆ ಹೊಂದಿದೆ. ಬಾಲ್ಯದ ಸಾರ್ಕೋಮಾ ಮತ್ತು ವಿಶೇಷ ಆರೈಕೆಯ ಪ್ರಾಮುಖ್ಯತೆಯ ಬಗ್ಗೆ ಜಾಗೃತಿಯನ್ನು ಹರಡಲು ನಾವು ಬದ್ಧರಾಗೋಣ.