ಜಿಮ್‌ಗೆ ಹೋಗುವ ಮುನ್ನ ಈ ಶಕ್ತಿಯುತ ಆಹಾರಗಳನ್ನು ಸೇವಿಸಿ.. ಎನರ್ಜೀ ಹೆಚ್ಚಿಸುತ್ತವೆ..!

Pre workout snacks : ಹೊಟ್ಟೆ ತುಂಬಿದ ನಂತರ ವ್ಯಾಯಾಮ ಮಾಡಲು ಆಗುವುದಿಲ್ಲ. ವರ್ಕೌಟ್‌ ನಂತರ ನೀವು ಹೆಚ್ಚು ತಿಂದರೆ ವಾಂತಿಯಾಗಬಹುದು. ವ್ಯಾಯಾಮದ ಸಮಯದಲ್ಲಿ ಬೆವರುವುದರಿಂದ ದೇಹ ದುರ್ಬಲಗೊಳ್ಳುತ್ತದೆ. ಹಾಗಾಗಿ ವ್ಯಾಯಾಮಕ್ಕೆ 30-45 ನಿಮಿಷಗಳ ಮೊದಲು ಮತ್ತು ನಂತರ ಆಹಾರ ಸೇವಿಸುವುದು ಉತ್ತಮ ಎನ್ನುತ್ತಾರೆ ತಜ್ಞರು.

ವ್ಯಾಯಾಮಕ್ಕೆ ಅರ್ಧ ಗಂಟೆ ಮೊದಲು ಬಿರಿಯಾನಿ ಅಥವಾ ಪುಲಾವ್ ತಿನ್ನುವುದು ಕಷ್ಟ. ಜಿಮ್‌ಗೆ ಹೋಗುವ ಅರ್ಧ ಗಂಟೆ ಮೊದಲು ತಿನ್ನುವುದು ಉತ್ತಮ. ಬನ್ನಿ ಜಿಮ್‌ಗೆ ಹೋಗುವ ಮುನ್ನ ಶಕ್ತಿಗಾಗಿ ಯಾವ ಆಹಾರಗಳನ್ನು ಸೇವಿಸಬೇಕು ಎಂದು ತಿಳಿಯೋಣ..

ಇದನ್ನೂ ಓದಿ:ಬೆಳಗ್ಗೆ ಎದ್ದ ತಕ್ಷಣ ಮುಖದಲ್ಲಿ ಊತವಾಗುತ್ತಿದೆಯೇ? ಈ ಸರಳ ವಿಧಾನಗಳೊಂದಿಗೆ ಮುಖದ ಊತವನ್ನು ನಿವಾರಿಸಿ..!

ವ್ಯಾಯಾಮ ಮಾಡುವ ಅರ್ಧ ಗಂಟೆ ಮೊದಲು ಬಾಳೆಹಣ್ಣುಗಳನ್ನು ತಿನ್ನಬಹುದು. ಬಾಳೆಹಣ್ಣು ಪೊಟ್ಯಾಸಿಯಮ್ ಮತ್ತು ಕಾರ್ಬೋಹೈಡ್ರೇಟ್ಗಳಲ್ಲಿ ಸಮೃದ್ಧವಾಗಿದೆ. ವ್ಯಾಯಾಮಕ್ಕೂ ಮುನ್ನ ಈ ಹಣ್ಣನ್ನು ತಿನ್ನುವುದರಿಂದ ಶಕ್ತಿ ಹೆಚ್ಚುತ್ತದೆ. ಹಾಗಾಗಿ ಜಿಮ್‌ಗೆ ಹೋಗುವ ಮುನ್ನ ಒಂದು ಹಣ್ಣು ತಿನ್ನಿ..

ವ್ಯಾಯಾಮಕ್ಕೂ ಮೊದಲು ಕೆಲವು ರೀತಿಯ ಒಣ ಹಣ್ಣುಗಳನ್ನು ತಿನ್ನಬಹುದು. ವಿವಿಧ ರೀತಿಯ ಬೀಜಗಳು, ಒಣ ಹಣ್ಣುಗಳು ಉತ್ಕರ್ಷಣ ನಿರೋಧಕಗಳನ್ನು ಒಳಗೊಂಡಂತೆ ವಿವಿಧ ಜೀವಸತ್ವಗಳು ಮತ್ತು ಖನಿಜಗಳನ್ನು ಹೊಂದಿರುತ್ತವೆ. ಇವು ಶಕ್ತಿಯನ್ನ ಬೂಸ್ಟ್‌ ಮಾಡುತ್ತವೆ..

ಇದನ್ನೂ ಓದಿ:ಮಂಕಿಪಾಕ್ಸ್ ವೈರಸ್‌ ಹೇಗೆ ಹರಡುತ್ತದೆ ಗೊತ್ತಾ..?

ವ್ಯಾಯಾಮಕ್ಕೆ ಅರ್ಧ ಗಂಟೆ ಮೊದಲು ಬ್ರೆಡ್ ಮತ್ತು ಕಡಲೆಕಾಯಿ ಬೆಣ್ಣೆ ಉತ್ತಮ ಆಹಾರವಾಗಿದೆ. ಮೊಟ್ಟೆ ತಿನ್ನುವ ಅಭ್ಯಾಸ ಇರುವವರು ಬೇಯಿಸಿದ ಮೊಟ್ಟೆಯನ್ನು ತಿನ್ನಬಹುದು. ಜಿಮ್‌ಗೆ ಹೋಗುವ ಮೊದಲು ಪ್ರೋಟೀನ್ ಭರಿತ ಆಹಾರ ತಿನ್ನುವುದು ಉತ್ತಮ ಎಂದು ಪೌಷ್ಟಿಕತಜ್ಞರು ಹೇಳುತ್ತಾರೆ. ಮಾಂಸ ಆಹಾರವನ್ನು ಸೇವಿಸುವುದು ಅಪಾಯಕಾರಿ. ಓಟ್ ಮೀಲ್ ತಿನ್ನಬಹುದು.