ಕೊಲ್ಕತ್ತಾ :ಮೂರು ವರ್ಷದ ಅಪ್ರಾಪ್ತ ಬಾಲಕಿಯ ಮೇಲೆ ಅತ್ಯಾಚಾರ

ಕೊಲ್ಕತ್ತಾ: ಇಲ್ಲಿನ ಕೆನಾಲ್ (ಪಶ್ಚಿಮ) ರಸ್ತೆಯಲ್ಲಿರುವ ಐಷಾರಾಮಿ ಬಸ್ ನಲ್ಲಿ  ಬಸ್ ಕ್ಲೀನರ್ ಮೂರು ವರ್ಷದ ಅಪ್ರಾಪ್ತ ಬಾಲಕಿಯ ಮೇಲೆ ಅತ್ಯಾಚಾರವೆಸಗಿರುವ ಘಟನೆ ನಡೆದಿದೆ.  

ಅತ್ಯಾಚಾರವೆಸಗಿದ ವ್ಯಕ್ತಿಯನ್ನು ಶೇಖ್ ಮುನ್ನಾ(45) ಎಂದು ಹೇಳಲಾಗಿದೆ. ಪೊಲೀಸರು ಆರೋಪಿಯನ್ನು ಬಂಧಿಸಿದ್ದು. ಆ ಬಾಲಕಿಯನ್ನು ಚಿಕಿತ್ಸೆಗಾಗಿ ನಗರದ ಆರ್.ಜಿ.ಜಿ ವೈದ್ಯಕೀಯ ಆಸ್ಪತ್ರೆಯಲ್ಲಿ ದಾಖಲು ಮಾಡಲಾಗಿದೆ ಎಂದು ಹಿರಿಯ ಪೋಲಿಸ ಅಧಿಕಾರಿಗಳು ತಿಳಿಸಿದ್ದಾರೆ.

ಈಗಾಗಲೇ ಪೊಲೀಸರು ಅತ್ಯಾಚಾರವನ್ನು ದೃಢೀಕರಿಸಲು ಫೋರೆನ್ಸಿಕ್ ತಜ್ಞರಿಂದ ಘಟನೆ ನಡೆದ ಸ್ಥಳದಿಂದ ಮಾದರಿಗಳನ್ನು ಸಂಗ್ರಹಿಸಿರುವುದಲ್ಲದೆ ಆ ಬಸ್ ನ್ನು  ಕೂಡಾ ತಮ್ಮ ವಶಕ್ಕೆ ತೆಗೆದುಕೊಂಡಿದ್ದಾರೆ ಎಂದು ತಿಳಿದು ಬಂದಿದೆ.