ನವದೆಹಲಿ: ಭಾರೀ ಬಿರುಗಾಳಿ ಮತ್ತು ಮಳೆಗೆ ದೇಶದ ಜನತೆ ಮತ್ತೆ ಬೆಚ್ಚಿಬಿದ್ದಿದ್ದಾರೆ. ಭಾನುವಾರ ಸಂಜೆ, ಹವಾಮಾನ ಮತ್ತೊಮ್ಮೆ ತನ್ನ ರೌದ್ರ ನರ್ತನ ತೋರಿದೆ. ಹವಾಮಾನದ ಈ ವೈಪರಿತ್ಯದಿಂದಾಗಿ ದೇಶದ ಹಲವೆಡೆ 4 ಮಕ್ಕಳೂ ಸೇರಿದಂತೆ 40 ಜನ ಮೃತಪಟ್ಟಿದ್ದಾರೆ. ಉತ್ತರ ಪ್ರದೇಶ, ಪಶ್ಚಿಮ ಬಂಗಾಳ ಮತ್ತು ಆಂಧ್ರ ಪ್ರದೇಶಗಳಲ್ಲಿ ಈ ಸಾವು ಸಂಭವಿಸಿದೆ. 48ಕ್ಕೂ ಅಧಿಕ ಜನರು ಗಾಯಗೊಂಡಿದ್ದಾರೆ.


COMMERCIAL BREAK
SCROLL TO CONTINUE READING

ಉತ್ತರ ಭಾರತ ಮತ್ತು ದಕ್ಷಿಣ ಭಾರತದೊಂದಿಗೆ, ಪಶ್ಚಿಮ ಭಾರತದ ಅನೇಕ ಪ್ರದೇಶಗಳಲ್ಲಿ, ಧೂಳಿನ ಮೋಡಗಳು ಆಕಾಶದಲ್ಲಿ ಕಾಣಿಸಿಕೊಂಡವು. ದೆಹಲಿ- NCR ಸಮೀಪದಲ್ಲಿ, ಸಂಜೆ 5 ಘಂಟೆಯ ಸಮಯದಲ್ಲಿ ಅದು ಗಾಢವಾಗಿತ್ತು. ಬಲವಾದ ಮಾರುತಗಳಿಂದಾಗಿ, ಅನೇಕ ಸ್ಥಳಗಳಲ್ಲಿ ಮರಗಳು ಧರೆಗುರುಳಿದವು.  ರಾಷ್ಟ್ರೀಯ ರಾಜಧಾನಿಯಲ್ಲಿ ಧೂಳಿನಿಂದಾಗಿ, ಗಾಳಿ ಮಳೆ ಉಂಟಾಗಿ ತಾಪಮಾನವು ಸುಮಾರು 10 ಡಿಗ್ರಿ ಇಳಿದಿದೆ.


ಚಂಡಮಾರುತದ ಕಾರಣದಿಂದಾಗಿ ನಗರದಲ್ಲಿ ಹಲವೆಡೆ ಮರಗಳು ಧರೆಗುರುಳಿದ್ದು, ನಜಫ್ಗಢ್, ಟ್ರಾನ್ಸಿಟ್ ಕ್ಯಾಂಪ್, ನೆಹರೂ ಪ್ಲೇಸ್, ಉತ್ತಮ್ ನಗರ, ಮೋಹನ್ ಗಾರ್ಡ್ಸ್, ಪಾಲಂನಗರ, ರಾಜ್ ನಗರ್ ಮುಂತಾದ ಪ್ರದೇಶಗಳಲ್ಲಿ ಗೋಡೆಗಳು ಕುಸಿದಿರುವುದು ವರದಿಯಾಗಿವೆ. ಈ ಅಪಘಾತಗಳಲ್ಲಿ, ಮಹಿಳೆ ಸೇರಿದಂತೆ ಇಬ್ಬರು ಮೃತಪಟ್ಟಿದ್ದಾರೆ ಮತ್ತು 18 ಮಂದಿ ಗಾಯಗೊಂಡಿದ್ದಾರೆ.



ಪ್ರಯಾಣದ ಮೇಲೆ ಬಿರುಗಾಳಿ ಪರಿಣಾಮ
ಚಂಡಮಾರುತದಿಂದಾಗಿ ದೆಹಲಿ ವಿಮಾನ ನಿಲ್ದಾಣದಲ್ಲಿ ವಿಮಾನ ಹಾರಾಟ ಕೆಲಕಾಲ ಸ್ಥಗಿತಗೊಂಡಿತ್ತು. ಕನಿಷ್ಠ 40 ವಿಮಾನಗಳ ಮಾರ್ಗವನ್ನು ಬದಲಾಯಿಸಲಾಯಿತು ಮತ್ತು ಎರಡು ಡಜನ್ಗಿಂತ ಹೆಚ್ಚು ವಿಮಾನಗಳು ವಿಳಂಬವಾಯಿತು. 


ದೆಹಲಿ ಮೆಟ್ರೋದಲ್ಲಿ ಓವರ್ಹೆಡ್ ತಂತಿಗಳ ಮೇಲೆ ಮರಗಳು ಬಿದ್ದ ಕಾರಣ ಅನೇಕ ನಿಲ್ದಾಣಗಳಲ್ಲಿ ದೆಹಲಿ ಮೆಟ್ರೊ ಸೇವೆಗಳ ಮೇಲೆ ಪರಿಣಾಮ ಬೀರಿವೆ. ದೆಹಲಿ ಮೆಟ್ರೊ ರೈಲು ನಿಗಮದ ಪ್ರಕಾರ, ಸರಿತಾ ವಿಹಾರ್ ಮತ್ತು ಎಸ್ಕಾರ್ಟ್ ಮುಜಿಸಾರ್ ನಡುವಿನ ವೈಲೆಟ್ ಲೈನ್ ಮತ್ತು ನೆಹರು-ಕಾಶ್ಮೀರಿ ಗೇಟ್ ನಡುವಿನ ಸೇವೆಗಳು ಸಂಜೆ 05:05 ದಿಂದ 40 ನಿಮಿಷಗಳವರೆಗೆ ಅಡಚಣೆ ಉಂಟಾಯಿತು. ಓಕ್ಲಾ ಮತ್ತು ಜಸೊಲಾ ನಡುವಿನ ಚಂಡಮಾರುತದ ಕಾರಣದಿಂದಾಗಿ, ಓವರ್ಹೆಡ್ ತಂತಿಯ ಮೇಲೆ ಮರ ಕುಸಿತದಿಂದ ಈ ಅಡಚಣೆ ಸಂಭವಿಸಿದೆ.


ಉತ್ತರ ಪ್ರದೇಶದಲ್ಲಿ 18 ಮರಣ
ಉತ್ತರ ಪ್ರದೇಶದ ವಿವಿಧ ಪ್ರದೇಶಗಳಲ್ಲಿ 18 ಜನರು ಮೃತಪಟ್ಟಿದ್ದಾರೆ ಮತ್ತು 25 ಮಂದಿ ಗಾಯಗೊಂಡಿದ್ದಾರೆ. ಕಾಸ್ಗಂಜ್ನಲ್ಲಿ ಐದು, ಬುಲಂದ್ ಶಹರ್ನಲ್ಲಿ ಮೂರು, ಘಜಿಯಾಬಾದ್ ಮತ್ತು ಸಹರಾನ್ಪುರ್ನಲ್ಲಿ ಎರಡು ಮತ್ತು ಇತವಾಹ್, ಕಣ್ಣೌಜ್, ಆಲಿಘಢ್, ಸಂಭಲ್, ಹಪುಪುದ್ ಮತ್ತು ನೋಯ್ಡಾದಲ್ಲಿ ಒಬ್ಬ ವ್ಯಕ್ತಿಯು ಮೃತಪಟ್ಟಿದ್ದಾರೆ. ಅಲ್ಲದೆ ಸಂಭಾಲ್ನಲ್ಲಿ 13 ಜನ ಗಾಯಗೊಂಡಿದ್ದಾರೆ. ಅರುಯ್ಯದಲ್ಲಿ ಐದು ಮತ್ತು ಬುಲಂದ್ ಶಹರ್ನಲ್ಲಿ ಎರಡು ಮತ್ತು ಕಸ್ಗಂಜ್, ಕನ್ನೌಜ್, ಹಪುರುದ್, ನೋಯ್ಡಾ, ಸಹರಾನ್ಪುರದಲ್ಲಿ ಒಬ್ಬ ವ್ಯಕ್ತಿ ಗಾಯಗೊಂಡಿದ್ದಾರೆ.



ಬುಲಂದ್ ಶಹರ್ನಲ್ಲಿ ವಿದ್ಯುತ್ ಕುಸಿದ ನಂತರ 10 ಗುಡಿಸಲುಗಳು ಬೆಂಕಿಗಾಹುತಿಯಾಗಿವೆ. ಈ ಘಟನೆಯಲ್ಲಿ ಯಾವುದೇ ಸಾವುನೋವುಗಳ ಬಗ್ಗೆ ವರದಿಯಾಗಿಲ್ಲ. ಘಜಿಯಾಬಾದ್ನಲ್ಲಿರುವ ಲಾಲ್ ಕುವಾನ್ನಲ್ಲಿರುವ ಶಿವ ದೇವಸ್ಥಾನದ ಸಮೀಪದಲ್ಲಿ ಮರ ಬಿದ್ದ ಕಾರಣ ವ್ಯಕ್ತಿಯೊಬ್ಬರು ಸಾವನ್ನಪ್ಪಿದ್ದು, ಇತರ ನಾಲ್ವರು ಗಾಯಗೊಂಡಿದ್ದಾರೆ.


ಜಿಲ್ಲಾಧಿಕಾರಿಗಳಿಗೆ ಮತ್ತು ಕಮೀಷನರ್ಗಳಿಗೆ ಪೀಡಿತ ಜನರಿಗೆ ತಕ್ಷಣ ಪರಿಹಾರ ನೀಡಲು ಮತ್ತು ಗಾಯಗೊಂಡವರಿಗೆ ಸೂಕ್ತ ಚಿಕಿತ್ಸೆ ನೀಡುವಂತೆ ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಆದೇಶ ನೀಡಿದ್ದಾರೆ.


ಬಹ್ರಾಯಿಚ್, ಶ್ರಾವಸ್ತಿ, ಬಲರಾಂಪುರ್, ಗೊಂಡಾ, ಸಿದ್ಧಾರ್ಥ ನಗರ, ಮಹಾರಾಜ್ಗಂಜ್, ಕುಶಿನಗರ, ಗೋರಖ್ಪುರ್, ಸಂತಕ್ಬಿರ್ನಗರ್, ಬಸ್ತಿ, ಫೈಜಾಬಾದ್, ಸುಲ್ತಾನ್ಪುರ್, ಅಜಮ್ಗಾರ್, ಅಂಬೇಡ್ಕರ್ ನಗರ, ಮೌ, ಡಿಯೋರಿಯಾ, ಬಾಲಿಯಾಯಾದಲ್ಲಿನ ಚಂಡಮಾರುತದಿಂದ ಪರಿಣಾಮ ಬೀರಬಹುದೆಂದು ಹವಾಮಾನ ಇಲಾಖೆ ಎಚ್ಚರಿಸಿದೆ.  ಗಾಜಿಪುರ್, ಜಾನ್ಪುರ, ಪ್ರತಾಪ್ಘಡ್, ಅಲಹಾಬಾದ್, ಸಾಂತರ್ವಾಡ್ ನಗರ, ವಾರಣಾಸಿ, ಚಂದೌಲಿ, ಮಿರ್ಜಾಪುರ್ ಮತ್ತು ಸೋನಭದ್ರ ಜಿಲ್ಲೆಗಳ ಮೇಲೂ ಪರಿಣಾಮ ಬೀರಬಹುದು ಎಂದು ತಿಳಿಸಿರುವ ರಾಮಪುರ ಜಿಲ್ಲೆಯ ಮ್ಯಾಜಿಸ್ಟ್ರೇಟ್ ಹವಾಮಾನ ಇಲಾಖೆ ಸೋಮವಾರ ಎಲ್ಲಾ ಶಾಲೆಗಳಿಗೆ ರಜೆ ಘೋಷಿಸುವಂತೆ ಸೂಚನೆ ನೀಡಿದೆ.



ಆಂಧ್ರಪ್ರದೇಶದಲ್ಲಿ 9 ಮಂದಿ ಮೃತ
ಆಂಧ್ರಪ್ರದೇಶದ ಶ್ರೀಕಾಕುಲಂ ಮತ್ತು ಕಡಪಾ ಜಿಲ್ಲೆಗಳಲ್ಲಿ, ಮಿಂಚು ಹೊಡೆದಾಗ 9 ಜನರು ಮೃತಪಟ್ಟಿದ್ದಾರೆ ಮತ್ತು ಮೂರು ಮಂದಿ ಗಾಯಗೊಂಡಿದ್ದಾರೆ. ಶ್ರೀಕಾಕುಲಂ ಜಿಲ್ಲೆಯಲ್ಲಿ ಏಳು ಮಂದಿ ಮೃತಪಟ್ಟಿದ್ದು, ಕದಪಾ ಜಿಲ್ಲೆಯಲ್ಲಿ ಇಬ್ಬರು ಮೃತಪಟ್ಟಿದ್ದಾರೆ ಮತ್ತು ಮೂವರು ಗಾಯಗೊಂಡಿದ್ದಾರೆ. ಶ್ರೀಕಾಕುಲಂನ ವಿವಿಧ ಭಾಗಗಳಲ್ಲಿ ಮಧ್ಯಾಹ್ನದ ನಂತರ ಮಿಂಚು ಸಹಿತ ಮಳೆ ಸಂಭವಿಸಿದೆ.


ಪಶ್ಚಿಮ ಬಂಗಾಳದಲ್ಲಿ ಮಿಂಚಿನ ಕಾರಣದಿಂದಾಗಿ 10 ಮರಣ
ಪಶ್ಚಿಮ ಬಂಗಾಳದ ಹಲವಾರು ಸ್ಥಳಗಳಲ್ಲಿ ಭಾನುವಾರ ಮಧ್ಯಾಹ್ನ ಸಿಡಿಲು ಬಡಿದು 10 ಮಂದಿ ಸಾವನ್ನಪ್ಪಿದ್ದಾರೆ. ಹೌರಾ ಜಿಲ್ಲೆಯ ಉಲ್ವಾರಿಯಾ ಜಿಲ್ಲೆಯ ಮಿನ್ಚಿನಿಂದಾಗಿ ನಾಲ್ಕು ಹದಿಹರೆಯದವರು ಮೃತಪಟ್ಟಿದ್ದಾರೆ. ಜೊತೆಗೆ ನಾಡಿಯಾ ಮತ್ತು ವೆಸ್ಟ್ ಮಿಡ್ನಾಪುರ ಜಿಲ್ಲೆಯಲ್ಲಿ ಇಬ್ಬರು ಮೃತಪಟ್ಟಿದ್ದರೆ, ಮುರ್ಷಿದಾಬಾದ್ನಲ್ಲಿ ಒಬ್ಬ ವ್ಯಕ್ತಿ ಮೃತಪಟ್ಟಿದ್ದಾರೆ.