ನವದೆಹಲಿ: Bajaj electric rickshaw: ತ್ರಿಚಕ್ರ ವಾಹನ ತಯಾರಕ ಬಜಾಜ್ ಆಟೋ ಈಗ ದೇಶದಲ್ಲಿ ಎಲೆಕ್ಟ್ರಿಕ್ ರಿಕ್ಷಾವನ್ನು ರಸ್ತೆಗಿಳಿಸಲು ಸಿದ್ಧತೆ ನಡೆಸಿದೆ. ಮಾಧ್ಯಮ ವರದಿಗಳ ಪ್ರಕಾರ, ಕಂಪನಿಯು ಪುಣೆ ಮತ್ತು ಬೆಂಗಳೂರಿನಲ್ಲಿ ತನ್ನ ಎಲೆಕ್ಟ್ರಿಕ್ ರಿಕ್ಷಾ ಬಜಾಜ್ ಆರ್‌ಇ ಇವಿ(Bajaj RE EV)ಯನ್ನು ಪರೀಕ್ಷಿಸುತ್ತಿದೆ ಎಂದು ವರದಿಯಾಗಿದ್ದು, ಈ ರಿಕ್ಷಾ ನಗರದ ಬೀದಿಗಳಲ್ಲಿ ಚಲಿಸುತ್ತಿರುವುದು ಕಂಡುಬಂದಿದೆ. ಅಲ್ಲದೆ, ಕಂಪನಿಯು ಈ ರಿಕ್ಷಾವನ್ನು ಮೊದಲು ಪುಣೆ ಮತ್ತು ಬೆಂಗಳೂರಿನಲ್ಲಿ ಪರಿಚಯಿಸಲಿದೆ ಎಂದು ವರದಿಯಾಗಿದೆ. ರುಶ್ಲೇನ್ ಅವರ ಸುದ್ದಿಯ ಪ್ರಕಾರ, ಕಂಪನಿಯು ಇತ್ತೀಚೆಗೆ ಅಂತಹ ರಿಕ್ಷಾಗೆ ಸರ್ಕಾರದ ಅನುಮೋದನೆ ಪಡೆದಿದೆ.


COMMERCIAL BREAK
SCROLL TO CONTINUE READING

ಕಂಪನಿಯು ಪಡೆದ ಅನುಮೋದನೆಯ ಪ್ರಕಾರ, ಈ ರಿಕ್ಷಾದಲ್ಲಿ 4.3 ಕಿ.ವ್ಯಾ ಮೋಟಾರ್ ಇರುತ್ತದೆ. ರಿಕ್ಷಾ ಗಂಟೆಗೆ 42 ಕಿಲೋಮೀಟರ್ ವೇಗದಲ್ಲಿ 30 ನಿಮಿಷಗಳ ಕಾಲ ಚಲಿಸಬಹುದು ಎಂದು ವರದಿಗಳು ತಿಳಿಸಿವೆ. ಇನ್ನು ರಿಕ್ಷಾದಲ್ಲಿ ಇತರೆ ಆಟೋ ರಿಕ್ಷಗಳಂತೆ ಚಾಲಕ ಸೇರಿದಂತೆ ನಾಲ್ಕು ಜನರಿಗೆ ಆಸನ ವಯಸ್ಥೆ ಇರುತ್ತದೆ. ಬೇಸ್ ಮಾಡೆಲ್ ಬಜಾಜ್ ಆರ್‌ಇ ಇವಿ ರಿಕ್ಷಾ ಗಾತ್ರದ ಬಗ್ಗೆ ಮಾತನಾಡುವುದಾದರೆ, ಇದರ ಅಗಲ 1350 ಮಿಲಿಮೀಟರ್, ಉದ್ದ 2714 ಮಿಲಿಮೀಟರ್ ಮತ್ತು ಎತ್ತರ 1772 ಮಿಲಿಮೀಟರ್, ಚಕ್ರದ ಬೇಸ್ 2010 ಮಿಲಿಮೀಟರ್ ಎಂದು ತಿಳಿದುಬಂದಿದೆ.


ಪ್ರಸಿದ್ಧ ಪರೀಕ್ಷಾ ಸಂಸ್ಥೆ ಎಆರ್‌ಎಐ(ARAI) ನೀಡಿರುವ ಪ್ರಮಾಣಪತ್ರದಲ್ಲಿ ರಿಕ್ಷಾದಲ್ಲಿ ಬಾಷ್ ಪ್ರಿಕೋಲ್ ಬ್ಯಾಟರಿ, IP20B ಎಳೆತದ ಮೋಟಾರ್ ಮತ್ತು ಐಪಿ 69 ಕೆ ಪವರ್ ಕಂಟ್ರೋಲರ್ ಮತ್ತು 1.2 ಕಿ.ವ್ಯಾಟ್ ಚಾರ್ಜರ್ ಇದೆ ಎನ್ನಲಾಗಿದೆ. ಸುದ್ದಿಯ ಪ್ರಕಾರ, ಈ ರಿಕ್ಷಾ ಒಮ್ಮೆ ಪೂರ್ಣ ಚಾರ್ಜ್ ಮಾಡಿದ ನಂತರ 120 ಕಿಲೋಮೀಟರ್ ವರೆಗೆ ಪ್ರಯಾಣಿಸುತ್ತದೆ.


ದೇಶದಲ್ಲಿ ಎಲೆಕ್ಟ್ರಿಕ್ ವಾಹನಗಳ ಬಗ್ಗೆ ಸರ್ಕಾರ ವಿಶೇಷ ಗಮನ ಹರಿಸುತ್ತಿದೆ. ಈ ನಿಟ್ಟಿನಲ್ಲಿ ದೇಶದಲ್ಲಿ ಎಲೆಕ್ಟ್ರಿಕ್ ವಾಹನಗಳತ್ತ ಗಮನ ಹರಿಸುವಂತೆ ಸರ್ಕಾರ ವಾಹನ ಕಂಪನಿಗಳಿಗೆ ಸೂಚಿಸಿದೆ. ಈ ವರ್ಷ ದೇಶದಲ್ಲಿ ಅನೇಕ ಹೊಸ ಎಲೆಕ್ಟ್ರಿಕ್ ವಾಹನಗಳು ಬಿಡುಗಡೆಯಾಗಲಿವೆ. 


ಈ ವರ್ಷದ ಏಪ್ರಿಲ್‌ನಿಂದ ಬಿಎಸ್ 6 ಸ್ಟ್ಯಾಂಡರ್ಡ್ ಹೊಂದಿರುವ ವಾಹನಗಳ ಮಾರಾಟವನ್ನು ಕಡ್ಡಾಯಗೊಳಿಸಲಾಗುತ್ತಿದೆ. ಪ್ರಸ್ತುತ, ಆಟೋ ಕಂಪನಿಗಳು ಎಲೆಕ್ಟ್ರಿಕ್ ಕಾರುಗಳ ಜೊತೆಗೆ ತಮ್ಮ ಬಂಡವಾಳವನ್ನು ಬಿಎಸ್ 6 ಗೆ ಪರಿವರ್ತಿಸುವ ಪ್ರಯತ್ನದಲ್ಲಿ ನಿರತವಾಗಿವೆ.