ದೆಹಲಿಯ ತೈಮೂರ್ ನಗರದಲ್ಲಿ ಕಟ್ಟಡ ಕುಸಿತ

ನವ ದೆಹಲಿ: ದೆಹಲಿಯ ಆಗ್ನೇಯ ಭಾಗದಲ್ಲಿರುವ ತೈಮೂರ್ ನಗರದಲ್ಲಿ 50-60 ವರ್ಷ ಹಳೆಯದಾದ ಕಟ್ಟಡ ಕುಸಿದಿದ್ದು ಯಾವುದೇ ಸಾವು-ನೋವುಗಳ ಬಗ್ಗೆ ವರದಿಯಾಗಿಲ್ಲ.

ತೈಮೂರ್ ನಗರದಲ್ಲಿ ಬೆಳಿಗ್ಗೆ 09:45ರಲ್ಲಿ ಈ ಘಟನೆ ಸಂಭವಿಸಿದೆ. ಇದು ನಿವೃತ್ತ ಸರ್ಕಾರಿ ಅಧಿಕಾರಿ ಧ್ರುವ ಕುಮಾರ್ ಎಂಬುವವರಿಗೆ ಸೇರಿದ ಕಟ್ಟಡ ಎಂದು ತಿಳಿದು ಬಂದಿದೆ. ಧ್ರುವ ಕುಮಾರ್ ಸೇರಿದಂತೆ ಕಾರ್ಮಿಕರು ಕಟ್ಟಡದ ಕೆಳಗೆ ಸಿಲುಕಿರುವ ಶಂಕೆ ವ್ಯಕ್ತವಾಗಿದೆ. 3 ಅಗ್ನಿಶಾಮಕ ದಳ, ಡಿಡಿಎಂಎ ತಂಡ ಮತ್ತು ಸ್ಥಳೀಯ ಪೊಲೀಸರು ರಕ್ಷಣಾ ಕಾರ್ಯದಲ್ಲಿ ತೊಡಗಿದ್ದಾರೆ.