Chhattisgarh: ನಕ್ಷಲರು ಹಾಗೂ ಭದ್ರತಾಪಡೆಗಳ ನಡುವೆ ಘರ್ಷಣೆ, 5 ಜವಾನರು ಹುತಾತ್ಮ

ರಾಯಪುರ್: Chattisgarh: Encounter - ಛತ್ತಿಸ್ಗಡ್ ದ ಬಿಜಾಪುರ್ ಜಿಲ್ಲೆಯಲ್ಲಿ ಶನಿವಾರ ಭದ್ರತಾಪಡೆಗಳು ಹಾಗೂ ನಕ್ಸಲರ ನಡುವೆ ಘರ್ಷಣೆ ನಡೆದಿದೆ. ಈ ಎನ್ಕೌಂಟರ್ ನಲ್ಲಿ ಐವರು ಭದ್ರತಾ ಪಡೆ ಯೋಧರು ಹುತಾತ್ಮರಾಗಿದ್ದಾರೆ ಹಾಗೂ 10 ಯೋಧರು ಗಾಯಗೊಂಡಿದ್ದಾರೆ. 

ತರರೆಮ್ ಕಾಡಿನಲ್ಲಿ ಈ ಎನ್ಕೌಂಟರ್ ನಡೆದಿದೆ
ಈ ಕುರಿತು ಮಾಹಿತಿ ನೀಡಿರುವ DGP ಡಿಎಂ ಅವಸ್ಥಿ, ಬಿಜಾಪುರ್(Bijapur) ನ ತರೆರೆಮ್(Tarrem) ಅರಣ್ಯ ಪ್ರದೇಶದಲ್ಲಿ ಭದ್ರತಾ ಪಡೆ ಜವಾನರು ಗಸ್ತು ತಿರುಗುತ್ತಿದ್ದ ವೇಳೆ ನಕ್ಸಲರ(Naxals) ಜೊತೆಗೆ ಮುಖಾಮುಖಿಯಾಗಿದ್ದಾರೆ. ಈ ವೇಳೆ ಎರಡೂ ಕಡೆಗಳಿಂದ ನಡೆದ ಗುಂಡಿನ ದಾಳಿಯಲ್ಲಿ ಭದ್ರತಾ ಪಡೆ ಸಿಬ್ಬಂದಿಗಳ ಐವರು ಜವಾನರು ಹುತಾತ್ಮರಾಗಿದ್ದು, 10 ಜವಾನರು ಗಾಯಗೊಂಡಿದ್ದಾರೆ.

ನಕ್ಸಲರ ಶೋಧಕಾರ್ಯ ಮುಂದುವರೆದಿದೆ
ಈ ಕುರಿತು ಮಾಹಿತಿ ನೀಡಿರುವ ಅವರು, ನಂತರ ಹೆಚ್ಚಿನ ಭದ್ರತಾ ಸಿಬ್ಬಂದಿಗಳನ್ನು ಸ್ಥಳಕ್ಕೆ ರವಾನಿಸಲಾಗಿದ್ದು, ನಕ್ಸಲರ ಹುಡುಕು ಕಾರ್ಯಾಚರಣೆ (Search Operation) ಮುಂದುವರೆದಿದ್ದು, ಘಟನೆಯಲ್ಲಿ ಶಾಮೀಲಾಗಿರುವ ನಕ್ಸಲರನ್ನು ಸುಮ್ಮನೆ ಬಿಡಲಾಗುವುದಿಲ್ಲ ಎಂದಿದ್ದಾರೆ.

ಇದನ್ನೂ ಓದಿ- ಪರೀಕ್ಷೆಗಳನ್ನು ರದ್ದುಪಡಿಸಿದ ಮಹಾರಾಷ್ಟ್ರ,1-8 ನೇ ತರಗತಿ ವಿದ್ಯಾರ್ಥಿಗಳಿಗೆ ಬಡ್ತಿ

ಅರಣ್ಯದಲ್ಲಿ ಮುಂದುವರೆದ ಘರ್ಷಣೆ
ಘಟನೆಯ ಕುರಿತು ಮಾಹಿತಿ ನೀಡಿರುವ ಸ್ಥಳೀಯ ಗ್ರಾಮಸ್ಥರು, ಅರಣ್ಯದಿಂದ ಇದುವರೆಗೆ ಗುಂಡಿನ ಸದ್ದು ಕೇಳಿಬರುತ್ತಿದೆ ಎಂದಿದ್ದಾರೆ. ಕೆಲ ಹೊತ್ತಿಗೆ ಮೊದಲು ಘಟನಾ ಸ್ಥಳದಿಂದ ಒಂದೂವರೆ ಕಿ.ಮೀ ದೂರದಲ್ಲಿರುವ ತಿಮ್ಮಾಪುರಂ ಬಳಿಯಿಂದ ಗಾಯಾಳುಗಳನ್ನು ಹೊತ್ತು ಒಂದು ಹೆಲಿಕ್ಯಾಪ್ಟರ್ ರವಾನೆಯಾಗಿದೆ ಎನ್ನಲಾಗಿದೆ.

ಇದನ್ನೂ ಓದಿ- "ಭಾರತದಲ್ಲಿನ ಪರಿಸ್ಥಿತಿ ಬಗ್ಗೆ ಅಮೇರಿಕಾ ಮೌನ ತಾಳಿದೆ"

ಮಾಹಿತಿಗಳ ಪ್ರಕಾರ ತರರೆಮ್ ನ ಅರಣ್ಯ ಪ್ರದೇಶದಲ್ಲಿ ನಕ್ಸಲರು ಹಾಗೂ ಭದ್ರತಾಪಡೆಗಳ ನಡುವೆ ನಡೆಯುತ್ತಿರುವ ಈ ಜಬರ್ದಸ್ತ್ ಎನ್ಕೌಂಟರ್ (Encounter) ಇನ್ನೂ ಮುಂದುವರೆದಿದೆ ಎನ್ನಲಾಗಿದೆ. ಈ ಎನ್ಕೌಂಟರ್ ನಲ್ಲಿ DRG ಹಾಗೂ CRPF ನ ಒಟ್ಟು 10 ಜವಾನರು ಗಾಯಗೊಂಡಿರುವುದು ವರದಿಯಾಗಿದೆ. ಬಿಜಾಪುರ್ ಜಿಲ್ಲೆಯ SP ಕಮಲೋಚನ್ ಕಶ್ಯಪ್, ಈ ಎನ್ಕೌಂಟರ್ ನಲ್ಲಿ ಕೆಲ ಜವಾನರು ಗಾಯಗೊಂಡಿರುವುದನ್ನು ಪುಷ್ತೀಕರಿಸಿದ್ದಾರೆ.