ದೆಹಲಿ ಚುನಾವಣೆ: `ಲಗೇ ರಹೋ ಕೇಜ್ರಿವಾಲ್` ಗೀತೆ ಮೂಲಕ ಪ್ರಚಾರಕ್ಕೆ ಆಪ್ ಚಾಲನೆ

ನವದೆಹಲಿ: ಫೆಬ್ರವರಿ 8 ರಂದು ನಡೆಯಲಿರುವ ವಿಧಾನಸಭಾ ಚುನಾವಣೆಗೆ ಮುನ್ನ ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಅವರ ಆಮ್ ಆದ್ಮಿ ಪಕ್ಷವು ಇಂದು ತನ್ನ ಪ್ರಚಾರ ಗೀತೆಯನ್ನು ಬಿಡುಗಡೆ ಮಾಡಿತು.

 "ಲಗೆ ರಹೋ ಕೇಜ್ರಿವಾಲ್" ಎಂಬ ಶೀರ್ಷಿಕೆಯೊಂದಿಗೆ ಈ ಹಾಡನ್ನು ಉಪಮುಖ್ಯಮಂತ್ರಿ ಮನೀಶ್ ಸಿಸೋಡಿಯಾ ಬಿಡುಗಡೆ ಮಾಡಿದ್ದಾರೆ, ಪಕ್ಷದ ಹಿರಿಯ ಮುಖಂಡರಾದ ಅತಿಶಿ ಮತ್ತು ಸಂಜಯ್ ಸಿಂಗ್, ಎಎಪಿಯ ರಾಜ್ಯಸಭಾ ಸಂಸದ, ಹಾಜರಿದ್ದರು.

 2 ನಿಮಿಷ, 52 ಸೆಕೆಂಡುಗಳ ಹಾಡನ್ನು ಬಾಲಿವುಡ್ ಸಂಗೀತ ಸಂಯೋಜಕ ವಿಶಾಲ್ ದಾದ್ಲಾನಿ ರಚಿಸಿದ್ದಾರೆ ಮತ್ತು ಮುಂದಿನ ತಿಂಗಳವಿರುವ  ಚುನಾವಣೆಗೆ ಎಎಪಿಯ ಘೋಷಣೆಯಾಗಿರುವ- "ಅಚ್ಚೆ ಬೀತೆ ಪಾಂಚ್ ಸಾಲ್, ಲಗೆ ರಹೋ ಕೇಜ್ರಿವಾಲ್"ನಿಂದ ಎರವಲು ಪಡೆದಿದ್ದಾರೆ.

ಇಂದು ಪಕ್ಷದ ಕಾರ್ಯಕರ್ತರು ಮತ್ತು ಬೆಂಬಲಿಗರನ್ನುದ್ದೇಶಿಸಿ ಮಾತನಾಡಿದ ಮನೀಶ್  ಸಿಸೋಡಿಯಾ, ಈ ಹಾಡು "ಜನರ ಧ್ವನಿಯನ್ನು" ಪ್ರತಿನಿಧಿಸುತ್ತದೆ ಮತ್ತು ದೆಹಲಿಯ ಜನರನ್ನು "ಫ್ರೀಲೋಡರ್" ಎಂದು ಕರೆದಿದ್ದಕ್ಕಾಗಿ ಬಿಜೆಪಿ ಕ್ಷಮೆಯಾಚಿಸಬೇಕೆಂದು ಒತ್ತಾಯಿಸಿದರು. 

ಪಕ್ಷದ ಟ್ವಿಟ್ಟರ್ ಹ್ಯಾಂಡಲ್‌ಗೆ ಪೋಸ್ಟ್ ಮಾಡಲಾದ ವೀಡಿಯೊವೊಂದರಲ್ಲಿ, ಕೇಜ್ರಿವಾಲ್ ಅವರ ಎಎಪಿ ಸರ್ಕಾರದ ಸಾಧನೆಗಳನ್ನು ಎತ್ತಿ ತೋರಿಸುತ್ತದೆ, ವಿಶೇಷವಾಗಿ ಶಿಕ್ಷಣ, ಸಾರಿಗೆ ಮತ್ತು ಕುಡಿಯುವ ನೀರು ಸರಬರಾಜನ್ನು ಖಾತರಿಪಡಿಸುತ್ತದೆ.