ಒಂದೇ ದಿನದಲ್ಲಿ ದೆಹಲಿಯಲ್ಲಿ 306 ಕೊರೊನಾ ಸಾವು, 26 ಸಾವಿರ ಪ್ರಕರಣ ದಾಖಲು

ನವದೆಹಲಿ: ಕೋವಿಡ್ ಪ್ರಕರಣಗಳಲ್ಲಿ ಘಾತೀಯ ಏರಿಕೆ ಮತ್ತು ಪುನರಾವರ್ತಿತ ಆಮ್ಲಜನಕದ ಕೊರತೆಯೊಂದಿಗೆ ಹೋರಾಡುತ್ತಿರುವ ದೆಹಲಿ, ಕಳೆದ 24 ಗಂಟೆಗಳಲ್ಲಿ ಇದುವರೆಗಿನ ಅತಿ ಹೆಚ್ಚು ಸಾವುನೋವುಗಳನ್ನು ದಾಖಲಿಸಿದೆ.26,000 ಕ್ಕೂ ಹೆಚ್ಚು ಪ್ರಕರಣಗಳು ಹಾಗೂ 306 ಜನರು ಸಾವನ್ನಪ್ಪಿದ್ದಾರೆ.

ಆ ಮೂಲಕ ಒಟ್ಟು ಸಾವು ನೋವುಗಳ ಸಂಖ್ಯೆ 13,193 ಕ್ಕೆ ಏರಿದೆ ಮತ್ತು ಪ್ರಕರಣಗಳ ಸಂಖ್ಯೆ 9,56,348 ಕ್ಕೆ ಏರಿದೆ, ಅದರಲ್ಲಿ 91,618 ಸಕ್ರಿಯ ಪ್ರಕರಣಗಳಾಗಿವೆ.ಇನ್ನೊಂದೆಡೆಗೆ ಕೊರೊನಾ ಸಕಾರಾತ್ಮಕತೆಯ ಪ್ರಮಾಣ ಶೇ 36.24 ರಷ್ಟಕ್ಕೆ ಏರಿದೆ.

ಕಳೆದ ವಾರದಿಂದ ದೆಹಲಿ 25 ಸಾವಿರ ಪ್ರಕರಣಗಳನ್ನು ದಾಖಲಿಸುತ್ತಿದೆ.ಭಾರಿ ಸಂಖ್ಯೆಯಲ್ಲಿ ತನ್ನ ಆಸ್ಪತ್ರೆಗಳನ್ನು ವಾರ್ ವಲಯಗಳಾಗಿ ಪರಿವರ್ತಿಸಲಾಗಿದೆ, ಅಲ್ಲಿ ಕಳೆದ ಮೂರು ದಿನಗಳಿಂದ, ಹಾಸಿಗೆಗಳು, ಔಷಧಗಳು ಮತ್ತು ಅತ್ಯಂತ ಮುಖ್ಯವಾಗಿ ಆಮ್ಲಜನಕದ ಕೊರತೆಯ ಮಧ್ಯೆ ರೋಗಿಗಳನ್ನು ಉಳಿಸಲು ವೈದ್ಯರು ಹೋರಾಡುತ್ತಿದ್ದಾರೆ.