Essel Group Chairman Dr Subhash Chandra's Interview: ಖ್ಯಾತ ಜೀ ಸಮೂಹದ ವಾಹಿನಿಯ ಜೀ ಬಿಸಿನೆಸ್ ನ ವ್ಯವಸ್ಥಾಪಕ ಸಂಪಾದಕ ಅನಿಲ್ ಸಿಂಗ್ ಬುಧವಾರ ಎಸ್ಸೆಲ್ ಸಮೂಹದ ಗೌರವಾಧ್ಯಕ್ಷ ಹಾಗೂ ರಾಜ್ಯಸಭಾ ಸಂಸದ ಡಾ.ಸುಭಾಷ್ ಚಂದ್ರ ಅವರೊಂದಿಗೆ ಸಂದರ್ಶನ ನಡೆಸಿದರು.


COMMERCIAL BREAK
SCROLL TO CONTINUE READING

ಇದನ್ನೂ ಓದಿ: 


ಈ ವಿಶೇಷ ಸಂವಾದದಲ್ಲಿ ಎಸ್ಸೆಲ್ ಗ್ರೂಪ್ ಅಧ್ಯಕ್ಷರು ವಿವಿಧ ವಿಷಯಗಳ ಕುರಿತು ಮುಕ್ತವಾಗಿ ಮಾತನಾಡಿದರು. ಅವುಗಳಲ್ಲಿ ಪ್ರಮುಖವಾದವು Zee ಮೀಡಿಯಾದ ಭವಿಷ್ಯದ ಯೋಜನೆಗಳು, ZEEL-SONY ವಿಲೀನ ಮತ್ತು Zee ಗ್ರೂಪ್‌ನ ಭವಿಷ್ಯದ ಗುರಿಗಳು.


Zee ಗ್ರೂಪ್‌ನ ಭವಿಷ್ಯದ ಯೋಜನೆಗಳು: ವೇಗವಾಗಿ ಬದಲಾಗುತ್ತಿರುವ ಕಾಲದ ನಡುವೆ ಮುಂದಿನ 5 ವರ್ಷಗಳ ZEE ಗ್ರೂಪ್‌ನ ದೃಷ್ಟಿಕೋನದ ಕುರಿತು ಮಾತನಾಡಿದ ಡಾ.ಸುಭಾಷ್ ಚಂದ್ರ, "ಪ್ರಧಾನಿ ನರೇಂದ್ರ ಮೋದಿ ಅವರ ನಾಯಕತ್ವದಲ್ಲಿ ದೇಶದ ಸ್ಥಿತಿಗತಿ ಉತ್ತಮವಾಗಿ ಬದಲಾಗುತ್ತಿದೆ. ನಾವು ಅನೇಕ ರಂಗಗಳಲ್ಲಿ ಕೆಲಸ ಮಾಡುತ್ತಿದ್ದೇವೆ" ಎಂದು ಹೇಳಿದರು.


ಇಂಟರ್ನೆಟ್ ಯುಗ:


Metaverse, ಕ್ರಿಪ್ಟೋಕರೆನ್ಸಿಗಳು ಮತ್ತು ಎನ್‌ಎಫ್‌ಟಿ ಕುರಿತು ಮಾತನಾಡಿದ ಡಾ.ಸುಭಾಷ್ ಚಂದ್ರ, "ನಾನು ಇದನ್ನು 'Mayaverse' ಅಂದರೆ ಇಂಟರ್‌ನೆಟ್ ಯುಗ ಎಂದು ಕರೆಯುತ್ತೇನೆ." ಎಂದರು.


ಮೂರು ವರ್ಷಗಳಲ್ಲಿ 1 ಬಿಲಿಯನ್ ಬಳಕೆದಾರರ ಗುರಿ: 


Zee ಡಿಜಿಟಲ್  ಮುಂದಿನ 3 ವರ್ಷಗಳಲ್ಲಿ 1 ಬಿಲಿಯನ್ ಬಳಕೆದಾರರನ್ನು ಹೊಂದುವ  ಗುರಿಯಿದೆ. Zee ಮೀಡಿಯಾ ತನ್ನ ಡಿಜಿಟಲ್ ಪ್ಲಾಟ್‌ಫಾರ್ಮ್‌ಗಳಲ್ಲಿ 300 ಮಿಲಿಯನ್‌ಗಿಂತಲೂ ಹೆಚ್ಚು ಸಕ್ರಿಯ ಬಳಕೆದಾರರನ್ನು ಹೊಂದಿದೆ. ಮುಂದಿನ 3 ವರ್ಷಗಳಲ್ಲಿ 1 ಶತಕೋಟಿ ಬಳಕೆದಾರರನ್ನು ಸೇರಿಸುವ ಗುರಿಯನ್ನು Zee ಗ್ರೂಪ್ ಹೊಂದಿದೆ ಎಂದು ಡಾ.ಸುಭಾಷ್ ಚಂದ್ರ ತಿಳಿಸಿದರು.


ಸಾಲ ಪರಿಹಾರ: 


Zee ಗ್ರೂಪ್‌ನ ಸಾಲ ತೀರುವಳಿ ಮತ್ತು ಪ್ರಸ್ತುತ ಸಾಲದ ಸ್ಥಿತಿಯ ಕುರಿತು ಕೇಳಿದ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಡಾ.ಸುಭಾಷ್ ಚಂದ್ರ, "ನಾವು ಪ್ರವರ್ತಕರ ಮಟ್ಟದಲ್ಲಿ ಸಾಲವನ್ನು 92% ರಷ್ಟು ಕಡಿಮೆ ಮಾಡಿದ್ದೇವೆ. ನಾವು ಉಳಿದ ಸಾಲವನ್ನು ಪ್ರವರ್ತಕರ ಮಟ್ಟದಲ್ಲಿ ಒಂದೆರಡು ತಿಂಗಳಲ್ಲಿ ಇತ್ಯರ್ಥ ಮಾಡುತ್ತೇವೆ" ಎಂದು ಹೇಳಿದರು.


ಕ್ರೆಡಿಟ್ ಸಮಸ್ಯೆಯ ಕುರಿತು ಮತ್ತಷ್ಟು ಮಾತನಾಡಿದ ಡಾ.ಸುಭಾಷ್ ಚಂದ್ರ ಅವರು, "ಇನ್ಫ್ರಾ ವ್ಯವಹಾರಕ್ಕೆ ಬರುವುದು ತಪ್ಪು" ಎಂದು ಅವರು ಅರಿತುಕೊಂಡಿದ್ದಾರೆ ಎಂದು ಹೇಳಿದರು.


ಡಿಶ್ ಟಿವಿ-ಯೆಸ್ ಬ್ಯಾಂಕ್ ವಿಚಾರ:


ಡಿಶ್ ಟಿವಿ-ಯೆಸ್ ಬ್ಯಾಂಕ್ ವಿಷಯದ ಕುರಿತು ಮಾತನಾಡಿದ ಅವರು, "ಯೆಸ್ ಬ್ಯಾಂಕ್‌ನ ಹಿಂದಿನ ಆಡಳಿತವು ಜೀ ಗ್ರೂಪ್ ಅನ್ನು ವಂಚಿಸಿದೆ" ಎಂದು ಹೇಳಿದರು.


"ಡಿಶ್ ಟಿವಿ-ಯೆಸ್ ಬ್ಯಾಂಕ್ ವಿಷಯದಲ್ಲಿ, ಹೆಚ್ಚಿನ ಮಾಧ್ಯಮಗಳು ನಿಖರವಾದ ಮಾಹಿತಿಯನ್ನು ನೀಡಲಿಲ್ಲ" ಎಂದು ಅವರು ಹೇಳಿದರು.


ZEEL-Sony ವಿಲೀನ: 


ZEEL-Sony ವಿಲೀನದ ಕುರಿತು ಪ್ರತಿಕ್ರಿಯಿಸಿದ ಎಸ್ಸೆಲ್ ಗ್ರೂಪ್‌ನ ಅಧ್ಯಕ್ಷ ಡಾ. ಸುಭಾಷ್ ಚಂದ್ರ, Zee ಎಂಟರ್‌ಟೈನ್‌ಮೆಂಟ್ ಮತ್ತು ಸೋನಿ ವಿಲೀನವು ಸರಿಯಾದ ದಿಕ್ಕಿನಲ್ಲಿ ಸಾಗುತ್ತಿದೆ. ನಿಯಂತ್ರಣವನ್ನು ಸ್ವೀಕರಿಸಿದ ನಂತರ, ವಿಲೀನವು ಪೂರ್ಣಗೊಳ್ಳುತ್ತದೆ ಎಂದು ಸ್ಪಷ್ಟಪಡಿಸಿದ್ದಾರೆ.


ಹೊಸ ವ್ಯಾಪಾರ?


ಜೀ ಗ್ರೂಪ್ ಯಾವುದೇ ಹೊಸ ಉದ್ಯಮ ಆರಂಭಿಸಲು ಮುಂದಾಗಿದೆಯೇ ಎಂಬ ಪ್ರಶ್ನೆಗೆ ಉತ್ತರಿಸಿದ ಡಾ.ಸುಭಾಷ್ ಚಂದ್ರ, ನಾವು ಹಣಕ್ಕಾಗಿ ಯಾವುದೇ ವ್ಯವಹಾರ ಆರಂಭಿಸಿಲ್ಲ. ವ್ಯಾಪಾರದ ಮೂಲಕ ಹೊಸದನ್ನು ಮಾಡಲು ಪ್ರಯತ್ನಿಸುತ್ತೇವೆ ಎಂದು ಹೇಳಿದರು.


ಜೀ ಗ್ರೂಪ್ ನ ಕಾರ್ಯವೈಖರಿ:


ಎಸ್ಸೆಲ್ ಗ್ರೂಪ್ ನ ಅಧ್ಯಕ್ಷ ಡಾ.ಸುಭಾಷ್ ಚಂದ್ರ, ಜೀ ಗ್ರೂಪ್ ನ ಕಾರ್ಯವೈಖರಿ ಬಗ್ಗೆ ಹೆಮ್ಮೆ ವ್ಯಕ್ತಪಡಿಸಿದರು. Zee ಮೀಡಿಯಾದ ಡಿಜಿಟಲ್ ಸೈಟ್‌ಗಳು 300 ಮಿಲಿಯನ್‌ಗಿಂತಲೂ ಹೆಚ್ಚು ಸಕ್ರಿಯ ಬಳಕೆದಾರರನ್ನು ಹೊಂದಿವೆ. WION ಏಷ್ಯಾದ ಮೊದಲ ಜಾಗತಿಕ ನೆಟ್‌ವರ್ಕ್ - ಭಾರತದ ನಂಬರ್ ಒನ್ ಅಂತರಾಷ್ಟ್ರೀಯ ಚಾನೆಲ್. WION ನ 58% ವೀಕ್ಷಕರು ವಿದೇಶದಲ್ಲಿದ್ದಾರೆ ಎಂಬುದು ಹೆಮ್ಮೆಯ ವಿಷಯ ಎಂದು ಹೇಳಿದರು.


"ಯುಟ್ಯೂಬ್‌ನಲ್ಲಿ ಬಿಬಿಸಿಗಿಂತ WION ಮುಂದಿದೆ. ಮುಂದಿನ 5 ವರ್ಷಗಳಲ್ಲಿ WION ಗೆ 500 ಮಿಲಿಯನ್ ವೀಕ್ಷಕರನ್ನು ಸೇರಿಸಲು ನಾವು ಯೋಜಿಸಿದ್ದೇವೆ" ಎಂದು ಹೇಳಿದರು.


ಇದನ್ನೂ ಓದಿ: 


Bharat.com ಮತ್ತು Zeenews.com ಎಂಬ ಎರಡು ಪ್ಲಾಟ್‌ಫಾರ್ಮ್‌ಗಳಲ್ಲಿ ಮಾಸಿಕ ಸಕ್ರಿಯ ಬಳಕೆದಾರರ ಸಂಖ್ಯೆ (MAUs) ಕಳೆದ ಒಂದು ವರ್ಷದಲ್ಲಿ 100 ಮಿಲಿಯನ್‌ನಿಂದ 300 ಮಿಲಿಯನ್‌ಗೆ ಏರಿದೆ ಎಂದು ಡಾ ಸುಭಾಷ್ ಚಂದ್ರ ಹೇಳಿದರು. ಜೀ ಗ್ರೂಪ್ ದೇಶದ ಮಾಧ್ಯಮಗಳಲ್ಲಿ ನಂ.1 ಸ್ಥಾನದಲ್ಲಿದೆ ಎಂದು ಅವರು ಹೇಳಿದರು.


ಷೇರುದಾರರಿಗೆ ಸಂದೇಶ:


ಷೇರುದಾರರಿಗೆ ಏನಾದರೂ ಸುದ್ದಿ ಇದೆಯೇ ಎಂಬ ಪ್ರಶ್ನೆಗೆ,  ಕೆಲವು ಷೇರುದಾರರು ಅಸಮಾಧಾನಗೊಂಡಿದ್ದಾರೆಂದು ನನಗೆ ತಿಳಿದಿದೆ, ಆದರೆ ನಾವು ನಮ್ಮ ಷೇರುದಾರರ ಹಿತಾಸಕ್ತಿಗಳನ್ನು ಕಡೆಗಣಿಸುವುದಿಲ್ಲ ಎಂದು ಉತ್ತರಿಸಿದರು.


ಅತಿ ಶೀಘ್ರದಲ್ಲೇ ಏನಾದರೂ ಹೊಸ ಸುದ್ದಿ ಬರುತ್ತದೆ. ಈ ಬಾರಿ ಅದು ತಂತ್ರಜ್ಞಾನ ಆಧಾರಿತವಾಗಿರುತ್ತದೆ.  


ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.