ಕ್ರಿಕೆಟಿಗ ಮೊಹಮ್ಮದ್ ಶಮಿ ಮೇಲೆ ಲಿಖಿತ ದೂರು ನೀಡಿದ ಪತ್ನಿ!

ನವದೆಹಲಿ: ಕ್ರಿಕೆಟಿಗ ಮೊಹಮ್ಮದ್ ಶಮಿ ತಮಗೆ ದೈಹಿಕ ಮತ್ತು ಮಾನಸಿಕ ಕಿರುಕುಳ ನೀಡಿದ್ದಾರೆಂದು ಪತ್ನಿ ಹಾಸಿನ್ ಜಹಾನ್ ರವರು ಕೊಲ್ಕತಾದ ಜಾಧವಪುರ ಪೋಲಿಸ್ ಠಾಣೆ ಲಿಖಿತ ದೂರು ನೀಡಿದ್ದಾರೆ.

ತಮ್ಮ ದೂರಿನಲ್ಲಿ ಪತಿ ಶಮಿ ಮತ್ತು  ಕುಟುಂಬದ ನಾಲ್ಕು ಸದಸ್ಯರ ಹೆಸರುಗಳನ್ನೂ ಪ್ರಸ್ತಾಪಿಸಿದ್ದಾರೆ. ಪೊಲೀಸರು ಕ್ರಿಕೆಟಿಗ ಮೊಹಮ್ಮದ್ ಶಮಿ ಮೇಲೆ  ಸೆಕ್ಷನ್ 307(ಕೊಲೆ) 323(ಉದ್ದೇಶಪೂರ್ವವಾಗಿ ಹಿಂಸೆ) 376(ಅತ್ಯಾಚಾರ) ಪ್ರಕರಣಗಳನ್ನು ದಾಖಲಿಸಿದ್ದಾರೆ.

ಹಾಸಿನ್ ಜಹಾನ್ ರವರು ಶಮಿ ಮೇಲೆ ಮಾನಸಿಕ ಮತ್ತು ದೈಹಿಕ ಕಿರುಕುಳ ಅಲ್ಲದೆ ವಿವಾಹೇತರ ಸಂಬಂಧ ಹೊಂದಿರುವ ಕುರಿತು ಅವರು ದೂರು ದಾಖಲಿಸಿದ್ದಾರೆ.