ಗ್ರಾಹಕರಿಗೆ ಸಿಲಿಂಡರ್ ಬಿಸಿ: ಸತತ ಮೂರನೇ ತಿಂಗಳು ಏರಿಕೆ ಕಂಡ ಎಲ್‌ಪಿಜಿ!

ನವದೆಹಲಿ: ತೈಲ ಕಂಪನಿಗಳು ಒಂದು ಕಡೆ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಯನ್ನು ಕಡಿಮೆ ಮಾಡುತ್ತಿವೆ. ಆದರೆ ಮತ್ತೊಂದೆಡೆ, ತೈಲ ಕಂಪನಿಗಳು ಮತ್ತೆ ಎಲ್‌ಪಿಜಿಯ ಬೆಲೆಯನ್ನು ಹೆಚ್ಚಿಸಿವೆ. ಸತತ ಮೂರನೇ ತಿಂಗಳು ಎಲ್‌ಪಿಜಿಯ ಬೆಲೆ ಹೆಚ್ಚಾಗಿದೆ.

ಇಂಡಿಯನ್ ಆಯಿಲ್ ಕಾರ್ಪೊರೇಷನ್ (ಐಒಸಿಎಲ್) ಪ್ರಕಾರ, ನವೆಂಬರ್ 1 ರಿಂದ 14.2 ಕೆಜಿ ಸಿಲಿಂಡರ್ ಬೆಲೆಯನ್ನು 76.5 ರೂ.ಗೆ ಹೆಚ್ಚಿಸಲಾಗಿದೆ. ಬೆಲೆ ಹೆಚ್ಚಳದ ನಂತರ, ದೆಹಲಿಯಲ್ಲಿ ನವೆಂಬರ್ 1 ರಿಂದ ಸಬ್ಸಿಡಿ ರಹಿತ14.2 ಕೆಜಿ ಸಿಲಿಂಡರ್ ಬೆಲೆ 681.50 ರೂ.ಗೆ ಏರಿದೆ. ಅಕ್ಟೋಬರ್‌ನಲ್ಲಿ ಈ ಸಿಲಿಂಡರ್ 605 ರೂ.ಗೆ ಲಭ್ಯವಿತ್ತು.

ಎಲ್ಲಾ ನಗರಗಳಲ್ಲಿ ಗ್ಯಾಸ್ ಸಿಲಿಂಡರ್ ಬೆಲೆ ಬದಲಾಗಿದೆ:
ಮತ್ತೊಂದೆಡೆ, 19 ಕೆಜಿ ವಾಣಿಜ್ಯ ಅನಿಲ ಸಿಲಿಂಡರ್ ಬೆಲೆಯನ್ನು 119 ರೂ. ಹೆಚ್ಚಿಸಲಾಗಿದೆ. ಹೊಸ ಬೆಲೆ ಜಾರಿಗೆ ಬಂದ ನಂತರ ಈ ಸಿಲಿಂಡರ್‌ನ ಬೆಲೆ 1204 ರೂ. ಇದಕ್ಕೂ ಮೊದಲು ಅಕ್ಟೋಬರ್‌ನಲ್ಲಿ ಈ ಸಿಲಿಂಡರ್‌ಗೆ 1085 ರೂ. ಇತ್ತು. ಇದಲ್ಲದೆ, 5 ಕೆಜಿ ಸಣ್ಣ ಸಿಲಿಂಡರ್ ಈಗ 264.50 ರೂಗಳಿಗೆ ಲಭ್ಯವಿದೆ. ಎಲ್ಲಾ ಮೂರು ರೀತಿಯ ಸಿಲಿಂಡರ್‌ಗಳ ಹೊಸ ಬೆಲೆಗಳು ನವೆಂಬರ್ 1 ರಿಂದ ಜಾರಿಗೆ ಬಂದಿವೆ. ನವೆಂಬರ್ 1 ರಿಂದ ವಿವಿಧ ನಗರಗಳಲ್ಲಿ ಬೆಲೆಗಳು ಬದಲಾಗಿವೆ.

ನವೆಂಬರ್ 1 ರಿಂದ ಕೋಲ್ಕತ್ತಾದಲ್ಲಿ ಎಲ್‌ಪಿಜಿ ಸಿಲಿಂಡರ್ ಬೆಲೆಯನ್ನು 706.00 ರೂ.ಗೆ ಹೆಚ್ಚಿಸಲಾಗಿದೆ. ಅದೇ ಸಮಯದಲ್ಲಿ, ಈ ಸಿಲಿಂಡರ್ ಮುಂಬೈನಲ್ಲಿ 651.00 ರೂ.ಗಳಿಗೆ ಲಭ್ಯವಿದೆ. ಚೆನ್ನೈನಲ್ಲಿ ಸಿಲಿಂಡರ್‌ಗೆ 695 ರೂಪಾಯಿಗಳನ್ನು ಪಾವತಿಸಬೇಕಾಗುತ್ತದೆ. ವಾಣಿಜ್ಯ ಸಿಲಿಂಡರ್‌ಗಳು ಕೋಲ್ಕತ್ತಾದಲ್ಲಿ 1258 ರೂ., ಮುಂಬೈನಲ್ಲಿ 1151.50 ರೂ. ಮತ್ತು ಚೆನ್ನೈನಲ್ಲಿ 1319 ರೂ. ಆಗಿದೆ.