ಏಳು ಹೊಸ ಅಂತರರಾಷ್ಟ್ರೀಯ ಮಾರ್ಗಗಳಲ್ಲಿ ವಿಮಾನಯಾನಕ್ಕೆ ಮುಂದಾದ `ಗೋಏರ್`

ನವದೆಹಲಿ: ಏಳು ಹೊಸ ಅಂತರರಾಷ್ಟ್ರೀಯ ಮಾರ್ಗಗಳನ್ನು ಪ್ರಾರಂಭಿಸುವ ಮೂಲಕ ಜುಲೈ 19 ರಿಂದ ತನ್ನ ಅಂತರರಾಷ್ಟ್ರೀಯ ಹೆಜ್ಜೆಗುರುತನ್ನು ವಿಸ್ತರಿಸುವುದಾಗಿ 'ಗೋಏರ್' ಪ್ರಕಟಿಸಿದೆ.

ಮುಂಬೈ - ಅಬುಧಾಬಿ - ಮುಂಬೈ, ದೆಹಲಿ - ಅಬುಧಾಬಿ - ದೆಹಲಿ, ಮುಂಬೈ - ಮಸ್ಕತ್ - ಮುಂಬೈ, ದೆಹಲಿ - ಬ್ಯಾಂಕಾಕ್ - ದೆಹಲಿ, ಕಣ್ಣೂರು - ದುಬೈ - ಕಣ್ಣೂರು, ಕಣ್ಣೂರು - ಕುವೈತ್ - ಕಣ್ಣೂರು ಮತ್ತು ಮುಂಬೈ - ಬ್ಯಾಂಕಾಕ್ - ಮುಂಬೈ ನಡುವೆ ಗೋಏರ್ ಪ್ರತಿದಿನ ವಿಮಾನಯಾನ ನಡೆಸಲಿದೆ.

ಏಳು ಹೊಸ ಅಂತರರಾಷ್ಟ್ರೀಯ ಮಾರ್ಗಗಳಲ್ಲಿ, ಬ್ಯಾಂಕಾಕ್, ದುಬೈ ಮತ್ತು ಕುವೈತ್ ಗೋಏರ್‌ಗೆ ಹೊಸ ‘ಮಾರುಕಟ್ಟೆ’ಯಾಗಿದ್ದು, ಇತರ ಮಾರ್ಗಗಳು ಈಗಾಗಲೇ ಭಾರತದ ವಿವಿಧ ನಗರಗಳಿಂದ ಗೋಏರ್ ನೆಟ್‌ವರ್ಕ್‌ನಲ್ಲಿವೆ ಎಂದು ಕಂಪನಿ ಪ್ರಕಟಣೆಯಲ್ಲಿ ತಿಳಿಸಿದೆ.

ಗೋಏರ್ ಈಗಾಗಲೇ ಕಣ್ಣೂರಿನಿಂದ ಅಬುಧಾಬಿ ಮತ್ತು ಮಸ್ಕತ್‌ಗೆ ವಿಮಾನಯಾನ ನಡೆಸುತ್ತಿದೆ ಮತ್ತು ಇದು ಬೆಂಗಳೂರು, ದೆಹಲಿ ಮತ್ತು ಮುಂಬೈ ಮಾರ್ಗವಾಗಿ ಫುಕೆಟ್ ಮತ್ತು ಮಾಲ್ಡೀವ್ಸ್‌ಗೆ ಗೋಏರ್ ವಿಮಾನಗಳು ಸಂಚರಿಸುತ್ತಿವೆ.

"ಮಧ್ಯಪ್ರಾಚ್ಯ ಮತ್ತು ಆಗ್ನೇಯ ಏಷ್ಯಾದ ದೇಶಗಳಲ್ಲಿ ಗೋಏರ್ ಇರುವಿಕೆಯನ್ನು ಬಲಪಡಿಸುವ ಈ ಯೋಜಿತ ಉಡಾವಣೆಗಳನ್ನು ಘೋಷಿಸಲು ನನಗೆ ತುಂಬಾ ಸಂತೋಷವಾಗಿದೆ. ಕಾರ್ಯತಂತ್ರದ ಮಾರುಕಟ್ಟೆಗಳಲ್ಲಿ ಹೆಜ್ಜೆಗುರುತನ್ನು ವಿಸ್ತರಿಸಲು ಮತ್ತು ನಮ್ಮ ವ್ಯವಹಾರವನ್ನು ಲಾಭದಾಯಕವಾಗಿ ಬೆಳೆಸುವ ನೆಟ್‌ವರ್ಕ್ ದೃಷ್ಟಿ ಸಂಸ್ಥೆಯ ಒಂದು ಮಹತ್ವದ ಹೆಜ್ಜೆಯಾಗಿದೆ. ಈ ಬಾರಿ ನಾವು ಹೊಸ ತಾಣಗಳಾದ ಕುವೈತ್, ದುಬೈ ಮತ್ತು ಬ್ಯಾಂಕಾಕ್ ಅನ್ನು ಪ್ರವೇಶಿಸುತ್ತಿದ್ದೇವೆ ಮತ್ತು ಮುಂದಿನ ದಿನಗಳಲ್ಲಿ ನಮ್ಮ ನೆಟ್‌ವರ್ಕ್ ಅನ್ನು ವಿಸ್ತರಿಸಲು  ಉದ್ದೇಶಿಸಿದ್ದೇವೆ ”ಎಂದು ಗೋಏರ್ ವ್ಯವಸ್ಥಾಪಕ ನಿರ್ದೇಶಕ ಜೆಹ್ ವಾಡಿಯಾ ಹೇಳಿದರು.

ಗೋ ಏರ್ ಏರ್ಬಸ್ ಎ 320 ವಿಮಾನಗಳನ್ನು ನಿರ್ವಹಿಸುತ್ತಿದ್ದು, ಅಹಮದಾಬಾದ್, ಬಾಗ್ದೋಗ್ರಾ, ಬೆಂಗಳೂರು, ಭುವನೇಶ್ವರ, ಚಂಡೀಗಢ, ಚೆನ್ನೈ, ದೆಹಲಿ, ಗೋವಾ, ಗುವಾಹಟಿ, ಹೈದರಾಬಾದ್, ಜೈಪುರ, ಜಮ್ಮು, ಕೊಚ್ಚಿ, ಕೋಲ್ಕತಾ, ಕಣ್ಣೂರು, ಲೆಹ್, ಲಕ್ನೋ, ಮುಂಬೈ, ನಾಗಪುರ್, ಪುಣೆ, ರಾಂಚಿ ಮತ್ತು ಶ್ರೀನಗರಗಳಲ್ಲಿ ದೇಶೀಯ ವಿಮಾನ ಹಾರಾಟ ಸೇವೆ ಒದಗಿಸುತ್ತಿದೆ.